<div class="article-content">
<div class="article-content">
<p><strong>ភ្នំពេញ៖</strong> ក្មេងស្រីអាយុ ១៧ឆ្នាំម្នាក់ បានសម្រេចចិត្ត បញ្ចប់ជីវិតរបស់ខ្លួន តាមរយៈការ លេបថ្នាំ<br /> ដោយសារតែខឹងនឹងឪពុកចុង ចាប់រំលោភ អស់រយៈពេលជាង៣ខែ មកហើយ ខណៈដែលខ្លួន <br />មានគូដណ្តឹងរួចទៅហើយ ហើយត្រូវបានគូដណ្តឹង សុំផ្តាច់ពាក្យ ។ ប៉ុន្តែក្មេងស្រី រងគ្រោះរូបនេះ<br /> ត្រូវបានជួយសង្គ្រោះទាន់ នៅមន្ទីរពេទ្យរុស្ស៊ី ខណៈកម្លាំង សមត្ថកិច្ច កំពុងតាមចាប់ខ្លួន ឪពុក<br />តិរិច្ឆាន ។ហេតុការណ៍ ដែលគួរឲ្យអាណិតអាសូ ដល់ក្មេងស្រី រងគ្រោះ ខាងលើនេះ បានកើតឡើង<br />នាព្រឹកថ្ងៃទី២០ ខែមេសា ឆ្នាំ២០១៣នេះ ស្ថិតនៅ ភូមិជន្លាត់ដៃ ឃុំរវៀង ស្រុកសំរោង ខេត្តតាកែវ។</p>
<p>ក្មេងស្រីរងគ្រោះ មានឈ្មោះ ស. ស ព អាយុ១៧ឆ្នាំ រស់នៅផ្ទះជួល ភូមិបាគូ សង្កាត់ ស្ពានថ្ម<br /> ខណ្ឌដង្កោ និងមានគូដណ្តឹង ស្នាក់នៅក្រុងតាខ្មៅ ។ ប៉ុន្តែក្នុងរយៈពេល ៣ខែមកនេះ នារីរងគ្រោះ<br />ត្រូវបានឪពុកចុង របស់ខ្លួន ធ្វើសកម្មភាព ចាប់រំលោភបានសម្រេច ដែលនាំ ឲ្យនាងមានការតូចចិត្ត<br />រហូតដល់ រកផ្លូវបញ្ចប់ ជីវិតតាមរយៈការ លេបថ្នាំសម្លាប់ ខ្លួនតែមុ្តង។ មូលហេតុដែលនាងសម្រេច<br />ចិត្តធ្វើសកម្មភាពបែបនេះ ដោយសារសកម្មភាពឪពុក ចុងចាប់រំលោភ នាងបានលេចឮព័ត៌មានដល់<br />គូដណ្តឹង របស់នាង ហើយគូដណ្តឹងនាង សុំផ្តាច់ពាក្យពីនាងវិញ លើសពីនេះដោយសារនាងមានការ<br />ខ្មាស់អៀន នឹងអ្នកស្រុកភូមិ ផងនោះ ក៏សម្រេចលេបថ្នាំផ្តាច់ជីវិតខ្លួនឯងតែម្តងទៅ។ យ៉ាងណាក៏<br />ដោយ ក្មេងស្រីរងគ្រោះ រូបនេះ ត្រូវបានសាច់ញាតិ និងបងប្អូន ឃើញទាន់ និងជួយដឹកបញ្ជូនទៅ <br />កាន់មន្ទីរពេទ្យរុស្ស៊ី ប៉ុន្តែស្ថិតក្នុងស្ថានភាព ធ្ងន់ធ្ងរណាស់។</p>
<p>គួរបញ្ជាក់ថានារីរងគ្រោះត្រូវឪពុកចុងធ្វើសកម្មភាពចាប់រំលោភនោះ យូរណាស់មកហើយនៅចំណុច<br />ផ្ទះជួលសង្កាត់ជ័យជំនះ ក្រុងតាខ្មៅ រហូតនៅថ្ងៃ ទី២០ខែមេសា ឆ្នាំ ២០១៣នេះ រឿងរ៉ាវរបស់នាង បានបែកធ្លាយឮដល់គូដណ្តឹងរបស់នាង ធ្វើឲ្យនាងមានការអៀនខ្មាស នឹងតូចចិត្តជាឪពុក ផងនោះក៏<br />សម្រេច លេបថ្នាំ ធ្វើអត្តឃាតខ្លួនឯងនៅក្នុងភូមិ ជន្លាត់ដៃ ឃុំរវៀង ស្រុកសំរោង ខេត្តតាកែវ។ យ៉ាង<br />ណាមិញ ឪពុក តិរិច្ឆាន ដែលដែលគេស្គាល់ថា មានឈ្មោះ រិន អាយុជាង ៤០ឆ្នាំ ពេលនេះត្រូវ បាន<br />សមត្ថកិច្ច បាននិងកំពុងស្រាវជ្រាវ តាមចាប់ខ្លួនយកមកផ្តន្ទាទោសតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/April/id-067/CH-0247.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-067/CH-0248.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-067/CH-0249.jpg" alt="" width="400" /></p>
</div>
<br />
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>