<div class="article-content">
<p><strong>កំពង់ចាម៖ </strong>កូនតុងទីនចំនួន ២០នាក់ កាលពីរសៀលថ្ងៃទី១៧ ខែកក្កដា ឆ្នាំ២០១៣ បាននាំគ្នា<br />មកការិយាល័យ នគរបាលព្រហ្មទណ្ឌ កម្រិតស្រាល នៃស្នងការដ្ឋាន នគរបាល ខេត្តកំពង់ចាម<br /> ដើម្បីប្តឹងទាមទារសំណង នូវប្រាក់ ជាង៧០ម៉ឺនដុល្លារ ពីមេតុងទីន ជាអធិការរង នគរបាល ស្រុក<br />បាធាយម្នាក់ និងស្ត្រី ជាប្រពន្ធផងដែរ ។ កូនតុងទីនទាំង ២០នាក់ មានទីលំនៅភូមិផ្អាវ ឃុំផ្អាវ <br />ស្រុកបាធាយ ខេត្តកំពង់ចាម។</p>
<p>លោក ឯល ម៉ុងតុល ជាតំណាងឲ្យ កូនតុងទីនទាំង២០នាក់ បានប្រាប់អ្នកកាសែតឲ្យដឹងថា កូន<br />តុងទីនចំនួន៤០នាក់ បានកើតទុក មិនសុខចិត្ត សុំប្តឹងឈ្មោះ ហុង ផល្លា ហៅ ខេង លាង ជាអធិ<br />ការរងនគរបាល ស្រុកបាធាយ និងប្រពន្ធឈ្មោះ ហ៊ីន ដែលបានប្រមូលលុយ ពីកូនតុងទីន យក<br />ទៅចំនួន ៧៨៨ ៥៥៩ដុល្លារ រួចគេចវេស មិនព្រមជួប ចរចារកដំណោះស្រាយ ជាមួយកូនតុងទីន <br />ទាំងអស់ទេ ដូច្នេះ ទើបពួកគាត់បានដាក់ពាក្យបណ្តឹង ពីរនាក់ប្តីប្រពន្ធជាមេតុងទីន ពីបទឆបោក។</p>
<p>ប្រភពពីកូនតុងទីន បានឲ្យដឹងបន្ថែមទៀតថា ពួកគាត់បានលេង តុងទីន ជាមួយមេ ខាងលើនោះ <br />តាំងពីឆ្នាំ២០១០ មកម្លេះ ហើយការគេចវេសរបស់មេតុងទីន នាពេលនេះ បើគ្មានការដោះស្រាយ<br />ទេ ពួកគាត់និង ខាតបង់ប្រាក់ ជាច្រើន ដែលក្នុងនោះ អ្នកខ្លះ អស់ពី៣ ឬ៤ម៉ឺនដុល្លារ និងអ្នកខ្លះ<br />ទៀត ខាតបង់រហូតដល់ជិត១០ម៉ឺនដុល្លារ ក៏មានដែរ។ ប្រភពដដែល បានឲ្យដឹងទៀតថា រឿង<br />ហេតុដែលនាំឲ្យដឹង ការឆបោកនេះ គឺផ្តើមចេញ កាលពីថ្ងៃទី៦ ខែកក្កដា មេតុងទីន ជាប្រពន្ធ <br />លោកអធិការរងនោះ បានហៅកូនៗ តុងទីនទាំងអស់ ប្រជុំប្រាប់ថា គាត់គ្មានលទ្ធភាព ប្រមូល<br />លុយតុងទីន ឲ្យកូនៗទេ ។</p>
<p>ហើយក្នុងខណៈនោះ ដោយមានការជជែកគ្នា ខ្លះដើម្បីរកដំណោះស្រាយ ទើបមេ តុងទីន បាន<br />ណាត់គ្នាជួបជុំម្តងទៀត នៅថ្ងៃទី១៣ ខែដដែល ។ លុះដល់ថ្ងៃណាត់ជួប ស្រាប់តែ មេតុងទីន រត់<br />គេចខ្លួនបាត់តែម្តង ទើបធ្វើឲ្យមានការភ្ញាក់ផ្អើល និងរហូតឈានដល់មានការនាំគ្នាមកដាក់ពាក្យ<br />ប្តឹង សុំអន្តរាគមន៍ពីខាងសមត្ថកិច្ចនគរបាលនេះ។</p>
<p>ជាមួយគ្នានេះដែរ លោក សុក សំបូរ ប្រធានការិយាល័យ នគរបាលព្រហ្មទណ្ឌកម្រិតស្រាល <br />បានប្រាប់ដើមអម្ពិលឲ្យដឹងថា ជាជំហានដំបូងនេះ សមត្ថកិច្ចលោក បានទទួលព័ត៌មានពីប្រជា<br />ពលរដ្ឋហើយ ។ចំណែកចំណាត់បន្ទាប់ សមត្ថកិច្ចលោក និងធ្វើការស៊ើបអង្កេត និងរកដំណោះ<br />ស្រាយ ប៉ុន្តែ បើរឿងនេះគ្មានការដោះស្រាយទេនោះ លោកនិងកសាងសំណុំរឿងទៅតាមនិតិវិធី <br />បញ្ជូនទៅស្ថាប័នអយ្យការ សាលាដំបូងខេត្តកំពង់ចាម ចាត់ការបន្ត៕</p>
<p style="text-align: center;"><img src="http://111.92.240.170:81//dap-news/dap-images/2013/July/id-007/Pheak-0276.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/July/id-007/Pheak-0277.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/July/id-007/Pheak-0278.jpg" alt="Photo by DAP-NEWS" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>