<p>ចិញ្ចៀននេះ អនុញ្ញាតឱ្យគូររូបប្រអប់សំបុត្រ ដើម្បីអានសារ ឬសរសេរសារ សរសេរបទភ្លេង ឬ<br />គូររូបកាមេរ៉ា ដើម្បីបើកកម្មវិធីថតរូប។<br /><br />យើងធ្លាប់បានដឹងអំពីប្រភេទចិញ្ចៀនឆ្លាតវៃ អាចប្រាប់ម៉ោង បញ្ជូនសញ្ញាព័ត៌មានថ្មីៗ ពីទូរស័ព្ទ<br /> ប៉ុន្ដែប្រភេទចិញ្ចៀនថ្មីចុងក្រោយនេះ មានលក្ខណៈពិសេស ដោយសារវាអនុញ្ញាត់ឱ្យអ្នកប្រើប្រាស់ បញ្ជាទៅលើឧបករណ៍ឆ្លាតវៃដែលខ្លួនចង់។</p>
<p style="text-align: center;"><a class="thickbox" title="" href="/FileManager/Commons/2014/3/10/ring1-10-03-2014--22-52-53.jpg"><img src="/FileManager/Articles/mce/2014/3/10/ring1-10-03-2014--22-52-53.jpg" alt="" /></a></p>
<p><br />ចិញ្ចៀនដែលមានឈ្មោះថា Ring ត្រូវបានអភិវឌ្ឍដោយក្រុមហ៊ុនបច្ចេកវិទ្យា Logbar (អាមេរិក) <br />សម្រាប់ពាក់នៅលើម្រាមដៃចង្អុល។ Ring អាចដំណើរការឧបករណ៍ប្រើប្រាស់ឆ្លាតវៃក្នុងគ្រួសារ <br />កម្មវិធីសបវែរ និងការទូទាត់វិក័យបត្រជាដើម ដោយគ្រាន់តែប្រើកាយវិការសាមញ្ញៗ។ ចិញ្ចៀន<br />បច្ចេកវិទ្យានេះ ដំណើរការបានដោយថ្ម និងបំពាក់ដោយសេនសឺរចលនា សេនសឺរកាយវិញ្ញាណ<br /> Bluetooth ភ្លើង LED និងកម្មវិធីរំញ័រ។<br /><br />ដើម្បីដំណើរការ អ្នកប្រើប្រាស់ ត្រូវចុចទៅលើប៊ូតុងបើក នៅលើចិញ្ចៀន ដើម្បីជ្រើសរើសរបប<br />ទទួលសារប្រកាសពី Facebook តាមរយៈសញ្ញាញ័រ ឬលើតភ្លើង។ ចិញ្ចៀននេះ អាចភ្ជាប់ប្រព័ន្ធ<br /> Bluetooth ជាមួយឧបករណ៍ឆ្លាតវៃដទៃ រួមទាំងអំពូលភ្លើងឆ្លាតវៃ ឬទូរទស្សន៍ឆ្លាតវៃជាដើម។ <br />ឧទាហរណ៍ អ្នកប្រើប្រាស់ អាចប្រើម្រាមដៃ ដើម្បីធ្វើសញ្ញា បិទ ឬបើកភ្លើង ឬប្ដូរប៉ុស្តិ៍ទូរទស្សន៍<br /> ទៅតាមចិត្ត។ នៅពេលទូរទាត់វិក័យបត្រ ចិញ្ចៀននេះនឹងភ្ជាប់នឹងទៅកម្មវិធី iBeacon របស់ Apple<br /> ពេលនោះ វាប្រើប្រាស់ប្រព័ន្ធកំណត់ទិស GPS ដើម្បីបញ្ជាក់អំពីហាងដែលអ្នកប្រើប្រាស់កំពុងស្ថិត<br />នៅ។<br /><br />បន្ទាប់មក វានឹងតាមដានខ្ទង់ប្រាក់ដែលអ្នកប្រើប្រាស់ សរសេរនៅក្នុងខ្យល់ ដើម្បីរាយការណ៍<br />ដល់ iBeacon នូវចំនួនទឹកប្រាក់ដែលនឹងត្រូវកាត់យកពីគណនីធនាគារ។ ចុងក្រោយ អ្នកប្រើ<br />ប្រាស់គ្រាន់តែរង់ចាំការបញ្ជាក់ត្រឡប់វិញ ជាការស្រេច។<br /><br />យោងតាមក្រុមអ្នកផលិត ចិញ្ចៀន Ring ដំណើរការដោយប្រព័ន្ធ iOS 7, Android 4.4 និងបណ្ដា<br />ឧបករណ៍ដែលប្រើប្រាស់ Windows Phone។ Ring ក៏អាចស្គាល់កាយវិការចំនួន ១០០០ប្រភេទ<br /> មុនពេលត្រូវប្ដូរថ្ម។</p>
<p style="text-align: center;"><a class="thickbox" title="" href="/FileManager/Commons/2014/3/10/ring-10-03-2014--22-54-20.jpg"><img src="/FileManager/Articles/mce/2014/3/10/ring-10-03-2014--22-54-20.jpg" alt="" /></a></p>
<p style="text-align: center;"><em>ចិញ្ចៀនរបស់ក្រុមហ៊ុន Logbar (រូប ៖ designnews)</em></p>
<p><br />ក្រុមហ៊ុន Logbar កំពុងប្រមូលទុននៅលើទំព័រ Kickstarter.com ហើយតាមគម្រោង ផលិតផល<br />នេះនឹងត្រូវបានដាក់លក់ក្នុងទីផ្សារ នៅក្នុងខែកក្កដាខាងមុខ ប៉ុន្ដែ អតិថិជនអាចបញ្ជាទិញជាមុន<br /> ក្នុងតម្លៃ ១៤៥ដុល្លារ។</p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ Designnews/Genk<br /><br /></p>