<div></div>
<div>អាមេរិកកំពុងបង្កើនសម្ពាធលើអ៊ីរ៉ង់ នៅមុនកិច្ចចចារអំពីនុយក្លេអែរក្នុងសប្ដាហ៍នេះ ដោយបន្ថែម<br />វត្តមានរបស់នាវាដឹកយន្ដហោះនុយក្លេអែរនៅក្បែរឈូងសមុទ្រអារ៉ាប់។</div>
<div></div>
<div><a class="thickbox" title="" href="/FileManager/Commons/2012/4/10/uss-enterprise-10-04-2012--10-01-23.jpg"><img src="/FileManager/Articles/mce/2012/4/10/uss-enterprise-10-04-2012--10-01-23.jpg" alt="" /></a></div>
<div style="text-align: center;"><em>នាវាដឹកយន្ដហោះ USS Enterprise<br /><br /></em></div>
<p>លោកវរសេនីត្រី John Fage អ្នកនាំពាក្យរបស់កងទ័ពជើងទឹកអាមេរិកម្នាក់បានថ្លែងថា ៖ "បច្ចុប្បន្ន មាននាវាពិឃាតពីរក្រុមកំពុងធ្វើសកម្មភាពនៅក្នុងតំបន់ប្រតិបត្តិរបស់កងនាវាលេខ ៥ របស់សហរដ្ឋ<br />អាមេរិក"។</p>
<p>លោកថ្លែងថា ៖ "នាវា USS Abraham Lincoln បច្ចុប្បន្នស្ថិតនៅភាគខាងជើងសមុទ្រអារ៉ាប់(មិនស្ថិត<br />ក្នុងឈូងសមុទ្រអារ៉ាប់) រីឯនាវា USS Enterprise កំពុងធ្វើដំណើរឆ្លងកាត់ឈូងសមុទ្រ Eden"។</p>
<p>នាវា Enterprise បានមកជំនួសនាវា USS Carl Vinson ដែលបានចាកចេញទៅចូលរួមក្នុងសមយុទ្ធ<br />មួយនៅលើឈូងសមុទ្រ Bengal នៅមុនពេលវិលត្រឡប់មកកាន់សមុទ្រខាងលិចរបស់អាមេរិក។</p>
<p>មន្ទីរបញ្ចកោណបានអោយដឹងថា វត្ដមានរបស់កងទ័ពជើងទឹកអាមេរិកនៅលើឈូងសមុទ្រអារ៉ាប់<br />គឺជារឿងធម្មតា ប៉ុន្ដែភាពតានតឹងបានកើនឡើងក្នុងប៉ុន្មានខែចុងក្រោយនេះ នៅពេលអ៊ីរ៉ង់គំរាមបិទ<br />ច្រកសមុទ្រ Hormuz ដែលជាផ្លូវនាំប្រេងដ៏សំខាន់របស់ពិភពលោក។</p>
<p>កាលពីខែមករា មេដឹកនាំរបស់មន្ទីរបញ្ចកោណ លោក Leon Panetta បានថ្លែងថា អាមេរិកបានត្រៀម<br />ខ្លួនជាស្រេចក្នុងការប្រឈមមុខជាមួយនឹងអ៊ីរ៉ង់ ចំពោះបញ្ហាច្រកសមុទ្រ Hormuz ប៉ុន្ដែលោកសង្ឃឹម<br />ថា បញ្ហានេះនឹងត្រូវបានដោះស្រាយដោយសន្ដិវិធី។</p>
<p>កាលពីថ្ងៃទី ៩មេសាកន្លងទៅ អ៊ីរ៉ង់បានទទួលស្គាល់ថានឹងមានកិច្ចចចារពីបញ្ហានុយក្លេអែរនៅក្នុង<br />សប្ដាហ៍នេះជាមួយប្រទេសមហាអំណាចធំៗមួយចំនួននៅ Istanbul បើទោះជាមុននេះ អ៊ីរ៉ង់ និង<br />ទួរគី បានធ្វើ"សង្គ្រាមប៉ាកា" ដាក់គ្នាយ៉ាងខ្លាំងក្លា។</p>
<p>គួររំឮកថា កិច្ចចចារថ្មីនេះបំផុតរវាងអ៊ីរ៉ង់ និងក្រុមប្រទេសមហាអំណាចមួយចំនួនដែលត្រូវបានគេ<br />ហៅថា P5+1 (សមាជិកអចិន្ដ្រៃរបស់ក្រុមប្រឹក្សាសន្ដិសុខអង្គការសហប្រជាជាតិ រួមមានអង់គ្លេស<br />ចិន រុស្សី អាមេរិក បូកអាឡឺម៉ង់) ត្រូវបានធ្វើឡើងកាលពីខែមករា ឆ្នាំ ២០១១ ប៉ុន្ដែកិច្ចចចារនេះមិន<br />មានលទ្ធផលជាវិជ្ជមាននោះទេ៕</p>
<p style="text-align: right;">ដោយ ៖ សូរីយ៉ា<br />ប្រភព ៖ AFP</p>