<p>Barca ដូចជាមានសំណាងបន្ដិច ដែលបានឆ្លងផុតក្រុមម្ចាស់ផ្ទះ Espanyol នៅក្នុងការប្រកួត <br />derby នៅតំបន់ Catalan ដ៏លំបាកនេះ ដូច្នេះ Barca រកបន្ថែមបាន ៣ពិន្ទុ ដើម្បីបន្ដចិញ្ចឹមចិត្ត<br /> ទៅរកតំណែងជើងឯក La Liga នៃរដូវកាលនេះ។</p>
<p style="text-align: center;"><br /> <a href="https://www.youtube.com/watch?v=e7FdGCPFcq8"><img id="i-ac470e84" class="blkBorder img-share" src="http://i.dailymail.co.uk/i/pix/2014/03/29/article-2592318-1CAB5B1000000578-484_634x774.jpg" alt="Heads you win: Messi tries to lob the ball over Espanyol goalkeeper Kiko Casilla" width="467" height="570" /></a><br />Messi គឺជាអ្នករកបាន ១គ្រាប់គត់ សម្រាប់ Barca (<span style="color: #3366ff;"><strong><a href="https://www.youtube.com/watch?v=e7FdGCPFcq8"><span style="color: #3366ff;">Espanyol ចាញ់ Barcelona 0-1</span></a></strong></span>)</p>
<p><br />ដូចទៅនឹងការព្យាករណ៍របស់ក្រុមអ្នកជំនាញ ដែលថា Barca នឹងឈ្នះ Espanyol ក្នុងការប្រកួត<br /> derby កាលពីយប់មិញនេះ ប៉ុន្ដែ Barca ក៏ត្រូវហត់ខ្លាំង នៅពេលត្រូវ Espanyol វាលលុកជា<br />ច្រើនលើក។ <br /><br />នៅក្នុងការប្រកួតលើកនេះ Neymar ត្រូវគេមើលឃើញថា មិនមានកម្លាំងដូចលើកមុន ជាក់<br />ស្ដែង កីឡាកររូបនេះ បានធ្វើឱ្យបាត់បង់ឱកាសល្អ ដល់ទៅ ៣លើក ក្នុងការស៊ុតបញ្ចូលទី។ <br /><br />ថ្វីបើមិនអាចរកបាន ១គ្រាប់ ជូន Barca បន្ទាប់ពីបាត់បង់ឱកាសជាច្រើន ប៉ុន្ដែ វត្តមានរបស់<br /> Neymar ក៏បានជួយឱ្យ Barca មានឥទ្ធិពល។ Neymar នៅនាទី ៧៧ ក្នុងការប្រឹងប្រែងដើម្បី<br />ស៊ុតបញ្ចូលទី ប៉ុន្ដែ ត្រូវ J.Lopez របស់ Espanyol រារាំង ហើយបាល់ក៏ហោះទៅប៉ះដៃ។ អាជ្ញា<br />កណ្ដាលអនុញ្ញាតឱ្យ Barca ទាត់បាល់ពិន័យ។ Messi ក៏បានអនុវត្តបញ្ជានេះ និងជួយឱ្យ Barca<br /> នាំមុខ ១-០។</p>
<p style="text-align: center;"><img id="i-afd80e9e" class="blkBorder img-share" src="http://i.dailymail.co.uk/i/pix/2014/03/29/article-2592417-1CACAFD200000578-444_634x433.jpg" alt="Acrobats: Costa executs an overhead kick during Saturday evening's La Liga clash against Athletic Bilbao" width="498" height="340" /></p>
<p style="text-align: center;">Costa របស់ Atletico ប្រើក្បាច់ពិសេស ក្នុងការប្រកួតជាមួយ Athletic Bilbao (<strong><span style="color: #3366ff;"><a href="https://www.youtube.com/watch?v=ylwH-hG7NE4"><span style="color: #3366ff;">វីដេអូ ៖ Atletico <br />ឈ្នះAthletic Bilbao ២-១</span></a></span></strong>)</p>
<p><br />នាទី ៨៣ អ្នកចាំទី Casilla របស់ Espanyol ត្រូវចាកចេញពីការប្រកួត បន្ទាប់ពីទទួលកាតក្រហម<br /> ដោយសារប្រើដៃស្កាត់បាល់ នៅខាងក្រៅតំបន់ហាមឃាត់ ហើយលទ្ធផលចុងក្រោយ Barca <br />ឈ្នះ ១-០ រកបាន ៣ពិន្ទុ និងបានទៅប្រកួតបន្ដ សម្រាប់តំណែងជើងឯក។</p>
<p>ដោយឡែក ប៉ុន្មានម៉ោងនៅវេលាទាបភ្លឺ បន្ទាប់ពី Barca បានយកឈ្នះក្នុងការប្រកួតជាមួយ <br />Espanyol នៅជុំទី ៣១ La Liga ក្រុមបាល់ទាត់ទាំងពីរ របស់ក្រុង Madrid គឺ Real និង Atletico ក៏<br />សុទ្ធតែបានផ្ដួលគូប្រជែងរបស់ខ្លួន ដើម្បីបន្ដទៅដណ្ដើមពានរង្វាន់ជើងឯក La Liga ក្នុងនោះ<br /> Real យកឈ្នះលើ Vallecano ៥-០ ដោយថ្វីជើងរបស់ Ronaldo (15'), Bale (68', 70'), Cavaja <br />(55') និង Morata (78') ។ ចំណែក Atletico ក៏បានផ្ដួល Athletic Bilbao ក្នុងលទ្ធផល ២-១ ។</p>
<p style="text-align: center;"><img id="i-ab970e76" class="blkBorder img-share" src="http://i.dailymail.co.uk/i/pix/2014/03/29/article-2592442-1CAD660900000578-807_634x422.jpg" alt="Pointing the way: Bale celebrates after making it 4-0 with a superb solo run that started in his own half" width="500" height="333" /></p>
<p style="text-align: center;">Bale រកបាន ២គ្រាប់ ជូន Real (<span style="color: #3366ff;"><strong><a href="https://www.youtube.com/watch?v=uwOIPbZeJvo"><span style="color: #3366ff;">វីដេអូ</span></a></strong></span>)</p>
<p><br />នៅក្នុងតារាងចំណាត់ថ្នាក់ បន្ទាប់ពីបានប្រកួតកាលពីវេលាទាបភ្លឺ Atletico នៅតែស្ថិតនៅកំពូល<br />តារាង ឯ Barca រក្សាលំដាប់លេខ ២ និង Real គ្រប់គ្រងលេខ ៣ ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Goal/Youtube<br /><br /></p>