<p><span style="color: #000000;"><strong>(ភ្នំពេញ)៖</strong> មន្រ្តីគយចល័តដែលដឹកនាំការបង្រ្កាបរថយន្តអត់ពន្ធ បានថ្លែងប្រាប់អង្គភាព Fresh News នៅល្ងាចថ្ងៃសៅរ៍នេះថា ត្រឹមតែរយៈពេល៤ថ្ងៃ ប៉ុណ្ណោះ ចាប់ពីថ្ងៃទី១៥-១៦-១៧-១៨ ខែមីនា ឆ្នាំ២០១៦ កម្លាំងគយចល័តរបស់លោក ចាប់បានឡានសេរីទំនើបៗ រហូតទៅដល់ ១៨គ្រឿង សុទ្ធតែសុទ្ធសឹង រថយន្តអត់ពន្ធប្រើស្លាកលេខក្លែងក្លាយ នៅតាមគោលដៅ និងទីតាំងខុសៗគ្នា នៅទូទាំងរាជធានីភ្នំពេញ។</span></p>
<p><span style="color: #000000;">មន្រ្តីគយចល័តរូបនោះ បានបញ្ជាក់ថា សម្រាប់ថ្ងៃទី១៥-១៦ ខែមីនា កម្លាំងគយចល័ត ចុះចាប់បានរថយន្ត ៨គ្រឿង និងថ្ងៃទី១៧-១៨ ខែមីនា ចុះចាប់បាន១០គ្រឿងបន្ថែមទៀត។</span></p>
<p><span style="color: #000000;">រថយន្តគេចពន្ធដែលកម្លាំងគយចល័តចុះចាប់បានរយៈពេល៤ថ្ងៃនេះ រួមមានរថយន្តស៊េរីទំនើបៗដូចជា ម៉ាក High Lander, Land Cruiser, Rang Rover, Camry, Lexus, Escalet និងម៉ាកល្បីៗជាច្រើនទៀត។</span></p>
<p><span style="color: #000000;">ការចាប់បានរថយន្តគេចពន្ធស៊េរីទំនើបរយៈពេល៤ថ្ងៃចុងក្រោយនេះ គឺជាចំនួនដ៏ច្រើន ហើយត្រូវបានមន្រ្តីគយចល័តដដែលរូបនោះបញ្ជាក់ថា បានធ្វើចំណូល នៃការបង់ពន្ធចូលរដ្ឋមានការកើនឡើង ហើយជាពិសេសនឹងធ្វើឲ្យឈ្នួញទាំងឡាយមានភាពរអារ និងខ្លាចឈប់នាំចូលរថយន្តគេចពន្ធបន្តទៀត។</span></p>
<p><span style="color: #000000;">ពាក់ព័ន្ធនឹងសកម្មភាពបង្រ្កាបរថយន្តអត់ពន្ធនារដូវកាលចុងក្រោយនេះ មហាជនបានសម្តែងនូវការកោតសរសើរចំពោះនាយកដ្ឋានគយ និងនាយកដ្ឋាន ស្រាវជ្រាវបង្កា និងបង្រ្កាបបទល្មើសគយ ដែលបានធ្វើសកម្មភាពយ៉ាងសកម្មចំពោះ ជនមានអំណាចនិងមានទឹកលុយ ប្រើប្រាស់រថយន្តខុសច្បាប់។ ជាងនេះទៅទៀត ការបង្រ្កាបរថយន្តអត់ពន្ធពីសំណាក់កម្លាំងគយចល័ត នឹងត្រូវធ្វើឡើងជាប់ជានិច្ចដូចភ្លៀងរលឹម៕</span></p>
<div class="fb-video fb_iframe_widget fb_iframe_widget_fluid_desktop" style="width: 100%;" data-allowfullscreen="1" data-href="/freshnewsasia/videos/vb.199402103564922/527418014096661/?type=3"></div>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xla1/v/t1.0-9/941318_1572889033025462_1917878750699681306_n.jpg?oh=27d824fde21b6f1ae4d30b195de46284&oe=575037EF" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xaf1/v/t1.0-9/1927808_1572888929692139_7640794280588564223_n.jpg?oh=f82c9a3a4b86ccfbb7a36625a2936289&oe=5780A170" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xft1/v/t1.0-9/1000970_1572888936358805_3695661514269608838_n.jpg?oh=81ec6f211e4db2883fbfacc31acc8ec5&oe=578AC6A7" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xpa1/v/t1.0-9/10356172_1572888926358806_4223163287714453398_n.jpg?oh=4b73530ace06f236dad524def2cbec0e&oe=574C6C90&__gda__=1464920314_b506b81e8057c5ab00b250ac5d6e3cee" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xap1/v/t1.0-9/12239884_1572888943025471_3518507808926104551_n.jpg?oh=97b06a59c03939eeec3283924db03327&oe=574EDE6D" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/995339_1572889026358796_8871758922840992157_n.jpg?oh=c0b253de319c07c3c27c076c4f1a3f1f&oe=579608F3" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>