<p><strong>ព័ត៌មានអន្តរជាតិ ៖</strong> ជាការពិត បើយោងតាមសេចក្តីរាយការណ៍ព័ត៌មាន ដែលទើបតែបាន<br /> ចេញផ្សាយដោយគេហទំព័រប្លែកបរទេស កាលពីពេលកន្លងទៅនេះ បានគូសបញ្ជាក់អោយ<br /> ដឹងថា កូនភ្លោះស្រីមួយគូ ដែលមានឈ្មោះ Amy និង Katie Jones-Elliott អាចនឹងបំបែកឯត្ត<br /> ទគ្គកម្មពិភពលោកបាន ក៏ព្រោះតែគេទាំងពីរនាក់ កើតមុននឹងក្រោយពីគ្នា ដល់ទៅ៨៧ថ្ងៃ។</p>
<p><a class="thickbox" title="" href="/FileManager/Commons/2013/5/3/elliott-twins-1857761-03-05-2013--15-01-22.jpg"><img src="/FileManager/Articles/mce/2013/5/3/elliott-twins-1857761-03-05-2013--15-01-22.jpg" alt="" width="446" height="295" /></a></p>
<p>លើសពីនេះ ប្រភពសារព័ត៌មានដដែល បានគូសបញ្ជាក់បន្ថែមអោយដឹងផងដែរថា វាជា<br />រឿងមួយ ដែលមិនគួរអោយជឿ ខណៈពេលដែលកូនភ្លោះទាំងពីរ អាចរស់រានមានជីវិត <br />បន្ទាប់ពីម្តាយវ័យ ៣០ ឆ្នាំ ឈ្មោះ Maria បានបែកទឹកភ្លោះ នឹងកើតកូនតាំងពីពួកគេមាន<br />វ័យទើបតែ៤ ខែនៅក្នុងផ្ទៃ ដោយកូនស្រីឈ្មោះ Amy បានកើតមុន ពោលគឺ នៅក្នុងថ្ងៃទី ១<br /> មិថុនា ឆ្នាំ២០១២ និងបងស្រីភ្លោះឈ្មោះ Katie បានកើតជិត ៣ ខែ ក្រោយពីប្អូនស្រី ពោល<br />គឺកើតនៅក្នុងថ្ងៃ ២៧ សីហា ឆ្នាំ២០១២។ ខណៈពេលដែលក្រោយមក កូនភ្លោះស្រីទាំងពីរ<br />នាក់ ត្រូវបានរកអោយឃើញថា មានសុខភាពល្អជាធម្មតា។</p>
<p><a class="thickbox" title="" href="/FileManager/Commons/2013/5/3/elliott-twins-1857758-03-05-2013--15-03-32.jpg"><img src="/FileManager/Articles/mce/2013/5/3/elliott-twins-1857758-03-05-2013--15-03-32.jpg" alt="" width="445" height="295" /></a></p>
<p>ដោយឡែក បើយោងតាមសម្តីស្រ្តីជាម្តាយឈ្មោះ Maria មកពីប្រទេសអៀរឡង់ បានបញ្ជាក់<br /> បន្ថែមអោយដឹងផងដែរថា វាពិតជារឿងអព្ភូតហេតុមួយដែលមិនគួរអោយជឿទាល់តែសោះ<br /> ថា វាអាចនឹងកើតមានឡើងនូវរឿងដូច្នេះបាន ។ គួររំឭកផងដែរថា លោកស្រី Maria មាន<br /> បុរសជាស្វាមីឈ្មោះ Chris ។ ពួកគេមានកូនស្រីវ័យ ១៣ ឆ្នាំម្នាក់ និងកូនប្រុសវ័យ ១១ ឆ្នាំ<br /> ម្នាក់ផ្សេងទៀត។</p>
<p>យ៉ាងណាមិញប្រភពសារព័ត៌មានដដែលបានបញ្ជាក់យ៉ាងច្បាស់ថា កូនភ្លោះស្រីមួយគូនេះ<br /> អាចនឹងជាបេក្ខភាពថ្មី ក្នុងការដណ្តើមបានការបំបែកឯត្តទគ្គកម្ម ពិភពលោក ស្របពេល<br /> ដែលបេក្ខភាពបច្ចុប្បន្ន ត្រូវបានគ្រងតំណែងដោយ កូនភ្លោះឈ្មោះ Peggy Lynn មកពីរដ្ឋ<br /> Pennsylvania សហរដ្ឋអាមេរិក ខណៈពេលដែលពួកគេ បានកើតមុនក្រោយ ពីគ្នារយៈ<br />ត្រឹមតែ ៨៤ ថ្ងៃតែប៉ុណ្ណោះ៕</p>
<p style="text-align: right;">ដោយ ៖ រិទ្ធី<br />ប្រភព ៖ spy</p>