<p><span style="color: #000000;"><strong>ភ្នំពេញ៖</strong> ទីបំផុតអ្នកលេងជង្គង់ទិព្វ-កែងឆេះ ឡុង សុភី បានក្លាយជា ម្ចាស់ក្រវាត់ខារ៉ាប៉ាវ អមជាមួយប្រាក់រង្វាន់ ៥.០០០ ដុល្លារយ៉ាងងាយ បន្ទាប់ពីបំបាក់អំណួត កីឡាករជើងខ្លាំង កែវ រំចង់ ឲ្យបោះបង់ការប្រកួតត្រឹមទឹកទី៤ ក្នុងជំនួបវគ្គផ្ដាច់ព្រ័ត្រ នៅលើសង្វៀនបាយ័នស្ទឹងមានជ័យ កាលពីថ្ងៃទី២១ ខែមិថុនា ឆ្នាំ ២០១៥ ។</span></p>
<p><span style="color: #000000;">ឡុង សុភី បានធ្វើឲ្យទស្សនិកជន ជាច្រើនមានការភ្ញាក់ផ្អើលជាខ្លាំង នៅពេលគេឆ្លងផុតវគ្គជម្រុះ និងវគ្គពាក់កណ្ដាលផ្ដាច់ព្រ័ត្រ ហើយថែមទាំង បន្ដយកឈ្នះគូប្រកួត ក្នុងជំនួបវគ្គផ្ដាច់ព្រ័ត្រទៀតនោះ ។ ដំបូងឡើយកីឡាករ មកពីក្លឹបសាលវន្តកីឡារូបនេះ គេមិនរំពឹងថា មានសំណាងឡើង ដល់វគ្គផ្ដាច់ព្រ័ត្រនោះទេ ប៉ុន្ដែអ្វីៗបែរជាខុស ពីការទស្សន៍ទាយទុកមុនទាំងអស់ ។</span></p>
<p><span style="color: #000000;">សម្រាប់ជំនួបវគ្គផ្ដាច់ព្រ័ត្ររវាងជើងខ្លាំងទាំង២រូបខាងលើនៅក្នុង៣ទឹកដំបូង ពួកគេបានបើកការសម្រុកគ្នាទៅវិញទៅមក តែភាគច្រើន ឡុង សុភី វាយចូលច្រើន ខណៈ កែវ រំចង់ ច្រើនតែវាយត្រូវខ្យល់ ។ ដោយសារ សុភី មានជំហររឹងមាំ និងខ្ពស់ជាង គេមានឱកាសច្រើនណាស់ ដើម្បីបំបាក់កីឡាករ កែវ រំចង់ ។ លុះចូលដល់ទឹកទី៤ ស្របពេល រំចង់ ធ្វេសប្រហែសបើកឃុំតែបន្ដិច ឡុង សុភី ក៏បានប្រើកែងវាយបំបុកពេញទំហឹង ធ្វើឲ្យមានស្នាមបែក និងមានឈាមហូរយ៉ាងខ្លាំង រហូតដល់អាជ្ញាកណ្ដាល សម្រេចបញ្ឈប់ការប្រកួត ដោយសម្រេចឲ្យ សុភី ឈ្នះ កែវ រំចង់ ដោយស្វ័យប្រវត្តិតែម្ដង ។</span></p>
<p><span style="color: #000000;">នេះគឺជាជ័យជំនះទី៥របស់ ឡុង សុភី នៅក្នុងចំណោម១១ប្រកួត ដែលពួកគេជួបគ្នាលើសង្វៀន ក្នុងនោះ សុភី ឈ្នះ៥ប្រកួត ចាញ់ ៤ប្រកួត និងស្មើ២ប្រកួត ។ ប៉ុន្ដែទោះជាយ៉ាងណា លទ្ធផលលើកនេះ ពិតជាធ្វើឲ្យកេរ្ដិ៍ឈ្មោះ ឡុង សុភី ល្បីរន្ទឺកាន់តែខ្លាំងពិតមែន ព្រោះមុនឡើងប្រកួត ភាគច្រើនគេគ្មានជំនឿចិត្តលើកីឡាករ ឡុង សភី ថាអាចយកឈ្នះ កែវ រំចង បានឡើយ ។ ដោយឡែកការបរាជ័យរបស់ កែវ រំចង់ ក៏ទទួលប្រាក់រង្វាន់ចំនួន ៣.០០០ ដុល្លារអាម៉េរិកផងដែរ ៕</span></p>
<p><a class="thickbox" title="" href="/FileManager/Commons/2015/6/22/20-22-06-2015--08-55-52.jpg"><img src="/FileManager/Articles/mce/2015/6/22/20-22-06-2015--08-55-52.jpg" alt="" /></a></p>
<p><a class="thickbox" title="" href="/FileManager/Commons/2015/6/22/21-22-06-2015--08-56-08.jpg"><img src="/FileManager/Articles/mce/2015/6/22/21-22-06-2015--08-56-08.jpg" alt="" /></a><a class="thickbox" title="" href="/FileManager/Commons/2015/6/22/20-22-06-2015--08-55-52.jpg"></a></p>
<p><span style="color: #000000;"><object width="490" height="420" data="http://www.youtube.com/v/9hJpnaVgNtQ&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/9hJpnaVgNtQ&rel=1" /></object><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>