<p><span style="color: #000000;"><strong>ភ្នំពេញៈ </strong>ថ្មីៗនេះ មានព័ត៌មាន ថ្មីសន្លាង មួយលេចឮតៗគ្នាថា តារាចម្រៀងពន្លកថ្មី រះលើវិថីតារាចម្រៀង ប្រចាំផលិតកម្ម ភ្លេងរីខដ កញ្ញា គៀត សុវណ្ណាឡាង មានការអាក់អន់ ស្រពន់ចិត្ត ជាមួយខាង ផលិតកម្ម រហូតដល់នាង មានគម្រោង ដើរចេញពីផ លិតកម្មមួយនេះស្ងាត់ៗ ។ ប៉ុន្តែទាក់ទងនឹង រឿងនេះ ត្រូវបានស្រីស្អាត កូនកាត់ចិន គៀត សុវណ្ណាឡាង ចេញមុខច្រានចោល ភ្លាមៗថា នាងមិនមានគម្រោង ដើរចេញពី ផលិតកម្ម ដូចព័ត៌មាន លេចឮឡើយ បើទោះជារយៈពេល ជាង ២ឆ្នាំមកនេះ ប្រជាប្រិយភាពរបស់នាង ហាក់គ្មានភាព លេចធ្លោក៏ដោយ ។</span></p>
<p><span style="color: #000000;">តារាស្រីដែលវិវត្តន៍ ខ្លួនក្លាយជាតារាចម្រៀង បានប្រមាណជិត៣ ឆ្នាំ កញ្ញា គៀត សុវណ្ណឡាង បានប្រាប់គេហទំព័រ Looking TODAY ឲ្យដឹងថា នាងគ្មានគម្រោង ដើរចេញពីទ្រនំ ដែលកំពុងតែជ្រកនេះ ដូចព័ត៌មាន ចចាមអារ៉ាមទេ ទោះជាប្រជាប្រិយភាព និងកេរ្តិ៍ឈ្មោះរបស់នាង មិនសូវ លោតខ្លាំង ដូចការសម្តែងក៏ដោយ ។</span></p>
<p><span style="color: #000000;">គៀត សុវណ្ណាឡាង បានប្រាប់ឲ្យដឹងបន្ថែមទៀតថា "ខ្ញុំទទួលស្គាល់ថា ប្រជាប្រិយភាព របស់ខ្ញុំមិននឹងនរទេ ម្តងឡើង ម្តងចុះមិនទៀង ហើយ សម្រាប់ការងារសិល្បៈ មួយរយៈនេះ ក៏ធ្លាក់ចុះ វាជារឿងមួយ ធ្វើឲ្យខ្ញុំមានការព្រួយបារម្មណ៍ខ្លាំង ព្រោះថាបើ នៅតែបែបនេះថា មិនត្រូវ ទស្សនិកជន អាចនឹងភ្លេចខ្ញុំផង ក៏មិនដឹង ហើយនៅក្នុងពេលឆាប់ៗ ខាងមុខនេះ ខ្ញុំក៏មានគម្រោងនិយាយ ជាមួយខាងក្រុមហ៊ុន ទាក់ទងរឿង បទចម្រៀងច្រៀងដែរ "។</span></p>
<p><span style="color: #000000;">កញ្ញា គៀត សុវណ្ណឡាង បានប្រាប់ឲ្យដឹងទៀតថា បើទោះបីជាយ៉ាងណា នៅពេលឆាប់ៗ ខាងមុខនេះ ថាមិនត្រូវនាងអាចវិលត្រឡប់ មកចាប់ផ្តើម អាជីពជា តារាសម្តែងវិញ ដោយសារតែ ពេលនេះមាន ខាងអ្នកដឹកនាំ រឿងទាក់ទង ចង់ឲ្យនាងថតរឿងដែរ គ្រាន់តែនិយាយគ្នា មិនទាន់ត្រូវ ទើបអាក់ខានទៅវិញ ។ ហេតុដូចនេះ នាងរំពឹងថា សន្ទុះកេរ្តិ៍ឈ្មោះ អាចស្តារឡើងមកវិញ តាមរយៈការចាប់ ផ្តើមសម្តែងម្តងទៀត ដោយនាង នៅតែនិយាយ ដដែលៗថា នាងគ្មានគម្រោងចាកចេញ ពីផលិតកម្ម និងបោះចោល អាជីពច្រៀងឡើយ ៕</span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/August/id-099/v_0271.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/August/id-099/v_0272.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/August/id-099/v_0273.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/August/id-099/v_0274.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/August/id-099/v_0275.jpg" alt="" width="600" /></span></p>
<p style="text-align: right;"><a href="http://lookingtoday.com/index.php/entertainment-general-news/33949-2014-09-07-07-10-47.html" target="_blank"><span style="color: #000000;">ផ្តល់សិទ្ធដោយ ៖ ដើមអម្ពិល</span></a></p>