<p>នៅពេលអ្នកឈានចូលដល់វ័យ ៣០ ស្បែករបស់អ្នកត្រូវការរបបថែទាំជាពិសេសមួយ ដើម្បីពន្យាពេលនៃការវិវឌ្ឍទៅរកភាពចាស់ និងរក្សាភាពម៉ត់រលោង និងស្រស់ថ្លារបស់ស្បែក។<br /><br />ឈានដល់វ័យ ៣០ឆ្នាំ ក្រៅពីត្រូវប្រឈមមុខនឹងការផ្លាស់ប្ដូរទៅរកភាពអាក្រក់ ស្បែករបស់អ្នកក៏នឹងប្រែទៅជាមានពណ៌ស្រអាប់ ជាំ ឬជ្រីវជ្រួញ។ល។ ប៉ុន្ដែ អាថ៌កំបាំងខាងក្រោមនេះ អាចនឹងជួយឱ្យស្បែកបានម៉ត់រលោង ក្មេងជាងវ័យ។<br /><br /><strong>សម្អាតស្បែក ប្រើក្រែមបំប៉នសំណើម និងញ៉ាំទឹកឱ្យបានច្រើន</strong></p>
<p style="text-align: center;"><strong><a class="thickbox" title="" href="/FileManager/Commons/2013/10/16/skin-care-routine-picture-31-16-10-2013--19-48-13.jpg"><img src="/FileManager/Articles/mce/2013/10/16/skin-care-routine-picture-31-16-10-2013--19-48-13.jpg" alt="" /></a><br /></strong></p>
<p>នេះគឺជាប្រការមូលដ្ឋាននៃការថែទាំស្បែក ដែលត្រូវអនុវត្ដសម្រាប់មនុស្សគ្រប់វ័យ។ សម្អាតស្បែកជាប្រចាំនឹងជួយឱ្យស្បែកបានស្អាត មិនកើតមុន ចំណែកការបំប៉នសំណើមនឹងជួយផ្ដល់បន្ថែមនូវជាតិបំប៉នចាំបាច់សម្រាប់ស្បែក ហើយការញ៉ាំទឹកច្រើននឹងជួយថែទាំសម្រស់ស្បែកពីខាងក្នុង។<br /><br />ប្រសិនអ្នកកំពុងប្រើប្រាស់ហ្វូមលាងមុខដែលមានពពុះដូចកាលនៅវ័យ ២០ឆ្នាំ នោះវាដល់ពេលត្រូវផ្លាស់ប្ដូរ។ ពេលឈាមដល់អាយុ ៣០ឆ្នាំ អ្នកគួរងាកមកប្រើប្រាស់ហ្វូមលាងមុខដែលមិនមានពពុះវិញ ព្រោះវាមិនបង្កឱ្យស្បែករបស់អ្នកស្ងួត។<br /><br />ពេលប្រើប្រាស់ក្រែមការពារកំដៅថ្ងៃ អ្នកគួរលាបក្រែមបំប៉នសំណើមដែលសម្បូរដោយសារជាតិទប់ទល់នឹងអ៊ុកស៊ីតកម្ម មុនពេលលាបក្រែមការពារកំដៅថ្ងៃ។ អ្នកឯកទេសផ្នែកថែទាំសម្រស់ ឱ្យដឹងថា សារជាតិទប់ទល់នឹងអ៊ុកស៊ីតកម្ម នឹងជួយឱ្យក្រែមការពារកំដៅថ្ងៃ មានប្រសិទ្ធិភាពខ្ពស់ជាងធម្មតា ហើយវាថែមទាំងជួយព្យាបាលស្បែកដែលរងរបួស ឬខូចខាតផងដែរ។<br /><br /><strong>គួរញ៉ាំផ្លែឈើ ញាំបន្លែ និងជៀសវាងប្រេងឆា គ្រឿងទេស និងអាហារឆ្អិនស្រាប់</strong></p>
<p style="text-align: center;"><strong><a class="thickbox" title="" href="/FileManager/Commons/2013/10/16/3440564blog-16-10-2013--19-49-04.jpg"><img src="/FileManager/Articles/mce/2013/10/16/3440564blog-16-10-2013--19-49-04.jpg" alt="" /></a><br /></strong></p>
<p>ផ្លែឈើ និងញាំបន្លែ គឺជាអាហារដែលនាំមកនូវប្រយោជន៍ច្រើនដល់ស្បែក។ ជាតិបំប៉នក្នុងផ្លែឈើ និងសាឡាត ឬបន្លែបៃតង ជួយបង្កើនថាមពលនៃរចនាសម្ព័ន្ធកោសិកា និងភាពតឹងណែនរបស់ស្បែក ព្រមទាំងជួយកាត់បន្ថយការកើតមុន។ ប៉ុន្ដែ អាហារដែលសម្បូរជាតិប្រេង មិនត្រឹមតែធ្វើឱ្យស្បែកបាត់បង់ភាពមាំមួន តឹងណែននោះទេ វាក៏ថែមទាំងបណ្ដាលឱ្យស្បែកឡើងខ្លាញ់ និងកើតមុនច្រើន។ <br /><br /><strong>ម៉ាស្សាស្បែក</strong></p>
<p style="text-align: center;"><strong><a class="thickbox" title="" href="/FileManager/Commons/2013/10/16/fotolia2504249xs-16-10-2013--19-55-38.jpg"><img src="/FileManager/Articles/mce/2013/10/16/fotolia2504249xs-16-10-2013--19-55-38.jpg" alt="" /></a><br /></strong></p>
<p>ការប្ដូរផ្លាស់នៃអាកាសធាតុ បរិស្ថានមិនល្អ និងកត្តាផ្សេងៗពីខាងក្រៅ អាចជះឥទ្ធិពលអាក្រក់ដល់ស្បែក។ ដូច្នេះ ការម៉ាស្សាដោយប្រើក្រែមបំប៉នដែលចម្រាញ់ពីធម្មជាតិនឹងជួយកែលំអស្បែកឱ្យវិលមករកភាពមាំមួន ស្រស់ថ្លា ក្មេងជាងវ័យ។</p>
<p> </p>
<p><strong>អត្ថបទស្ដីពីការថែទាំស្រស់ផ្សេងៗ</strong></p>
<p><span style="color: #3366ff;"><a href="/News/Detail/28067/how-to-get-rosy-white-skin-in-summer"><span style="color: #3366ff;">វិធីងាយៗ បីយ៉ាង ជួយថែរក្សា និង ធ្វើឱ្យស្បែកមុខសម៉ដ្ឋ ស្រស់ស្អាត នៅរដូវក្តៅ</span></a></span></p>
<p><span style="color: #3366ff;"><a href="/News/Detail/81905/make-your-short-hair-longer-in-2-minutes"><span style="color: #3366ff;">វិធីធ្វើឱ្យសក់ខ្លី ទៅជាងវែង ដោយមិនចាំបាច់ តសក់</span></a></span></p>
<p><span style="color: #3366ff;"><a href="/News/Detail/13659/tips-remove-moles-safely"><span style="color: #3366ff;">បំបាត់អាចម៍រុយដោយវិធីណា ទើបល្អ?</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ Ladyzone<br /><br /></p>