<div class="article-content">
<p><strong>មណ្ឌលគិរីៈ</strong> ចាប់តាំងពីព្រឹកព្រលឹម រហូតដល់វេលា ម៉ោងប្រមាណជា ២ និង១៣នាទីរសៀល<br /> ថ្ងៃទី២៣ ខែមេសា ឆ្នាំ២០១៣ ស្ទើរទូទាំងខេត្ត មណ្ឌលគិរី កំពុងគ្របដណ្តប់ ដោយដំណក់ទឹក<br />ភ្លៀងយ៉ាងខ្លាំង ហើយនៅតាមតំបន់ខ្លះទៀត ដោយសារតែអាកាសធាតុត្រជាក់ពេក បានធ្លាក់ដុំ<br /> ទឹកកកលាយឡំជាមួយដំណក់ទឹកភ្លៀង ថែមទៀតផង ។</p>
<p>នៅក្នុងវីដេអូឃ្លីប រយៈពេលជាង ១ នាទី តាមបណ្តាញសង្គមហ្វេសប៊ុក តែមិនបានប្រាប់ថា នៅ<br />តំបន់ណានោះ គ្រាន់តែបញ្ជាក់ថា នៅក្នុង ខេត្តមណ្ឌលគិរី បានបង្ហាញឲ្យឃើញព្រះភិរុណបង្អុរចុះ<br />យ៉ាងខ្លាំង ហើយមានលាយឡំ ជាមួយដុំទឹកកកតូចៗថែមទៀតផង នៅព្រឹកថ្ងៃទី២៣ ខែ មេសា<br /> នេះ។</p>
<p>បើតាមអ្នកនិយម លេងបណ្តាញសង្គមហ្វេសប៊ុក លោក លឹម សុវណ្ណវិចិត្រ បានថ្លែងថា នេះជា<br />បាតុភូតមួយដ៏កម្រ តែធ្លាប់កើតមានជាច្រើន លើក មកហើយ នៅស្រុកខ្មែរ ហើយមិនមែនមានតែ<br />នៅស្រុកភ្នំ ដូចមណ្ឌលគីរីនោះទេ ក្រចេះ បាត់ដំបង ក៏ធ្លាប់កើតមានជារឿយៗផងដែរ។</p>
<p>លោកបន្តថា ទឹកកកធ្លាក់ មានពីរប្រភេទមួយធ្លាក់ជាដុំៗ លាយជាមួយទឹកភ្លៀង មួយទៀតធ្លាក់ជា<br />ទឹកកកសំឡី ។ ទឹកកកសំឡី ដ៏សក្បុសនេះ ធ្លាក់តែនៅស្រុកត្រជាក់តែប៉ុណ្ណោះ។</p>
<p>ពាក់ព័ន្ធនឹងបញ្ហានេះ មន្រ្តីសមត្ថកិច្ច ក្នុងខេត្តមណ្ឌលគិរី បានបញ្ជាក់ប្រាប់មជ្ឈមណ្ឌលព័ត៌មានដើម<br />អម្ពិលថា លោកមិនបានដឹងពីករណីភ្លៀង ធ្លាក់លាយជាមួយទឹកកកនោះទេ ។ តែលោកបានបញ្ជាក់<br />ថា ក្នុងខេត្តមណ្ឌលគិរី ទាំងមូលតាំងពីព្រឹកព្រលឹម រហូតដល់រសៀលថ្ងៃនេះ ភ្លៀង បានធ្លាក់យ៉ាង<br />ខ្លាំង ហើយកាលពីយប់មិញទៀតសោត ឥទ្ធិពលភ្លៀងលាយខ្យល់ បានបំផ្លាញផ្ទះប្រជាពលរដ្ឋអស់<br />មួយចំនួនផងដែរ។</p>
<p>បន្ទាប់ពីមជ្ឈមណ្ឌលព័ត៌មានដើមអម្ពិលចេញផ្សាយតាមរយៈគេហទំព័ររបស់ខ្លួនបានបន្តិច បានធ្វើ<br />ឲ្យប្រជាពលរដ្ឋខេត្តមណ្ឌលគិរី មានការភ្ញាក់ផ្អើលយ៉ាងខ្លាំង។</p>
<p>ជាមួយគ្នានេះ លោក ខែម ភារម្យ ប្រធានមន្ទីរធនធានទឹកខេត្តមណ្ឌលគិរី បានបញ្ជាក់ថា រយៈពេល<br />ប៉ុន្មានថ្ងៃនេះមិន មានរបាយការណ៍ភ្លៀងធ្លាក់ លាយជាមួយដុំទឹកកកនោះទេ។</p>
<p>ក្រុមប្រជាពលរដ្ឋនៅក្នុងខេត្តមណ្ឌលគិរី ក៏បានអំពាវនាវអ្នកដែលថតវិឌីអូខាងលើនេះ បញ្ជាក់ពីទី<br />តាំង និងពេលវេ លាឲ្យបានច្បាស់លាស់ផងដែរ ដើម្បីឲ្យពួកគាត់អស់មន្ទិលសង្ស័យ៕</p>
<p style="text-align: center;"><object width="500" height="400" data="http://www.youtube.com/v/MKeyfe9CEXw&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/MKeyfe9CEXw&rel=1" /></object></p>
<div>
<div></div>
</div>
<p style="text-align: center;"><img src="http://111.92.240.170:81/dap-news/dap-images/2013/April/id-010/chanroth013-Apr-28.jpg" alt="" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-010/chanroth013-Apr-29.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>