<p>ក្រុមហ៊ុន Google និង ក្រុមហ៊ុន Boston Dynamics បានសហការណ៍គ្នា ច្នៃសុនកយន្តមួយគ្រឿង<br /> ដែលមានលទ្ធភាពរក្សាលំនឹង ដ៏អស្ចារ្យបំផុត។</p>
<p style="text-align: center;"><a class="thickbox" title="" href="/FileManager/Commons/2015/2/11/2585f3cf00000578-0-image-a-21423524380512-11-02-2015--17-20-39.jpg"><img src="/FileManager/Articles/mce/2015/2/11/2585f3cf00000578-0-image-a-21423524380512-11-02-2015--17-20-39.jpg" alt="" /></a></p>
<p>ការសហារណ៍គ្នារបស់ក្រុមហ៊ុនទាំងពីរខាងលើ នេះ ដើម្បីបង្កើតបណ្ដាសុនកយន្ត ដែលមាន សមត្ថភាពបម្លាស់ទីនៅលើភូមិសាស្ដ្រលំបាកៗ បំណងបម្រើដល់ការដឹកជញ្ជូនទំនិញ និងអាវុធ<br />ក្នុងវិស័យយោធា។</p>
<p>ថ្មីៗនេះ ម៉ូដែលសុនកយន្តមួយថ្មីបំផុត ត្រូវបានបង្ហាញខ្លួន ដោយមានការកែលំអជាច្រើន។ មិន<br />ត្រឹមតែមានមាឌតូចជាងមុន ឆ្លាតវៃជាងមុននោះទេ ប៉ុន្ដែ សុនកយន្តថ្មីនេះ ថែមទាំងអាចរក្សា<br />លំនឹងបានល្អជាងសុនកធម្មតាទៅទៀត។ ហើយបើទោះត្រូវគេធាក់យ៉ាងធ្ងន់ ប៉ុន្ដែ វានៅតែមិន<br />ដួល។ សុនកយន្តនេះ អាចបម្លាស់ទីយ៉ាងងាយស្រួល នៅលើភូមិសាស្ដ្រលំបាក ដូចជាឡើងភ្នំ <br />ឡើងជណ្ដើរ ក៏ដូចជារត់ក្នុងល្បឿនលឿន នៅលើផ្លូវរៀបស្មើ។</p>
<p style="text-align: center;"><a class="thickbox" title="" href="/FileManager/Commons/2015/2/11/screenshot-11-02-2015--17-21-31.jpg"><img src="/FileManager/Articles/mce/2015/2/11/screenshot-11-02-2015--17-21-31.jpg" alt="" /></a></p>
<p>សេនសឺរមួយចំនួន ត្រូវបានគេបំពាក់នៅលើក្បាលរបស់សុនកយន្តនេះ ជួយឱ្យវាដឹងអំពីភូមិ<br />សាស្ដ្រ ឬផ្លូវលំបាកនៅខាងមុខ ដើម្បីបម្លាស់ទីបានសមស្របបំផុត។ វាក៏អាចមើលស្គាល់អ្នក<br />បញ្ជារបស់វា ឬសុនកយន្តដូចគ្នា ដើម្បីធ្វើដំណើរដោយស្វ័យប្រវត្តទៅតាមជួររបស់វា។</p>
<p>សុនកយន្តដែលមានឈ្មោះថា Spot នេះ បច្ចុប្បន្ន ត្រូវបានប្រើប្រាស់សាកល្បងដោយកងទ័ព<br />ម៉ារីនអាមេរិក នៅ Hawaii ។ Spot មានមុខងារដឹកជញ្ជូនសព្វាវុធ ទៅផ្គត់ផ្គង់ដល់ទាហាននៅក្នុង<br />សមារភូមិ។</p>
<p style="text-align: center;"><a class="thickbox" title="" href="/FileManager/Commons/2015/2/11/article-0-1fa52ffe00000578-599634x421-11-02-2015--17-22-07.jpg"><img src="/FileManager/Articles/mce/2015/2/11/article-0-1fa52ffe00000578-599634x421-11-02-2015--17-22-07.jpg" alt="" /></a></p>
<p>គួររំលឹកថា មុននេះ Google ក៏ធ្លាប់ឧទ្ទេសនាមម៉ូដែលមួយចំនួននៃសុនកយន្តប្រហាក់ប្រហែល<br />នេះ ប៉ុន្ដែ វាមានទំហំធំ និងល្បឿនបម្លាស់ទីយឺត ដែលមិនអាចចូលទៅក្នុងអាគារ ឬផ្លូវតូច។</p>
<p style="text-align: center;"><object width="431" height="369" data="http://www.youtube.com/v/zRao7_4Vh04&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/zRao7_4Vh04&rel=1" /></object></p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Dailymail<br /><br /></p>