<div class="article-content">
<p><strong>សៀមរាប:</strong> កម្លាំងនគរបាលខេត្តសៀមរាប បានឆ្មក់ចូល ឃាត់ខ្លួនស្នងការរងខេត្តសៀមរាប <br />លោក អ៊ុំ អាំម៉ារ៉ា និង ក្រុមអ្នកលេងល្បែងមួយចំនួនទៀត ក្នុងហាងផឹកស៊ីមួយកន្លែងយីហោ<br />ម្លប់ស្បូវ ផ្លូវ ៦០ម៉ែត្រ ក្នុងភូមិទ្រាំង សង្កាត់ ស្លក្រាម ខេត្តសៀមរាប កាលពីព្រលប់ថ្ងៃទី១០ <br />ខែមិថុនា ឆ្នាំ២០១៣។ តែទោះជាយ៉ាងណា លោកស្នងការរង អ៊ុំ អាំម៉ារ៉ា និងមនុស្ស៣នាក់<br />ផ្សេងទៀត ត្រូវបានដោះលែងវិញ បន្ទាប់ពីរកឃើញថា មិនមានជាប់ពាក់ព័ន្ធក្នុងការប្រព្រឹត្ត<br />ល្បែងស៊ីសងនោះទេ គ្រាន់តែទៅអង្គុយស្រស់ស្រូបអាហារជួបជុំគ្នាពេលល្ងាចតែប៉ុណ្ណោះ។</p>
<p>ស្នងការនគរបាលខេត្តសៀមរាប លោកឧត្តមសេនីយ៍ទោ សត ណាឌី បានថ្លែងប្រាប់មជ្ឈ<br />មណ្ឌលព័ត៌មានដើម អម្ពិលតាមទូរស័ព្ទនៅល្ងាចថ្ងៃអង្គារ ទី១១ ខែមិថុនា ឆ្នាំ២០១៣ថា ពិត<br />ជាករណីឃាត់ខ្លួន លោកស្នងការរង អ៊ុំ អំ ម៉ារ៉ា និងក្រុមអ្នកញៀនល្បែងមួយចំនួនពិតប្រាកដ<br />មែនកាលពីល្ងាចម្សិលមិញ។</p>
<p>បើតាមលោកឧត្តមសេនីយ៍ទោ សត ណាឌី បានបញ្ជាក់ថា លោកស្នងការរង អ៊ុំ អំម៉ារ៉ា និង<br />មនុស្ស៣នាក់ផ្សេងទៀត ត្រូវបានដោះលែងឲ្យមានសេរីភាព ឡើងវិញ បន្ទាប់ពីរកមិនឃើញ<br />ជាប់ពាក់ព័ន្ធការប្រព្រឹត្តល្បែង គឺគ្រាន់តែទៅអង្គុយផឹកស៊ីនៅកន្លែងនោះតែប៉ុណ្ណោះ។ ដោយ<br />ឡែកក្រុមមេល្បែង ៣នាក់ ត្រូវបានលោក កសាងសំណុំរឿងបញ្ជូនទៅតុលាការ ដើម្បីចាត់<br />ការបន្ត។</p>
<p>បើតាមប្រភពព័ត៌មានពីអ្នកឃើញហេតុការណ៍បានឲ្យដឹងថា កាលពីព្រលប់ថ្ងៃទី១០ ខែមិថុនា <br />ឆ្នាំ២០១៣ កម្លាំង សមត្ថកិច្ចបានចុះប្រតិបត្តិការ ឡោមព័ទ្ធហាង ផឹកស៊ីយីហោ ម្លប់ស្បូវ ផ្លូវ ៦០<br />ម៉ែត្រ ក្នុងភូមិទ្រាំង សង្កាត់ស្លក្រាម ក្រុងសៀមរាប ដោយចាប់ខ្លួនមេល្បែង និងអ្នកញៀនល្បែង<br />ជាច្រើននាក់ ព្រមទាំងដកហូតរថយន្ត ៤គ្រឿង។</p>
<p>បើតាមប្រភព ក៏បានលួចបង្ហើបផងដែរថា លោកស្នងការរង អ៊ុំ អំម៉ារ៉ា និងអ្នកញៀនល្បែងជា<br />ច្រើននាក់ផ្សេងទៀត តែងឧស្សាហ៍នាំគ្នា ទៅលេងល្បែងនៅក្នុងហាង ផឹកស៊ីម្លប់ស្បូវខាងលើ<br />នេះ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/ST-089.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>