<div class="article-content">
<p><strong>ព្រះសីហនុ៖</strong> ប្រជាពលរដ្ឋ និងសន្តិសុខផ្សារ សហការគ្នាដេញព័ទ្ធចាប់ជនសង្ស័យម្នាក់ ខណៈ<br />ពេលដែលមក យកប្រាក់៥ដុល្លា ថ្លៃលោះស៊ីមទូរស័ព្ទពីជនរងគ្រោះ ។ ហេតុការណ៍នេះកើត<br />ឡើងកាលពីថ្ងៃទី២៧ ខែមិថុនា ឆ្នាំ២០១៣ វេលាម៉ោង ១៤ ក្នុងផ្សារលើ ស្ថិតនៅក្នុងភូមិ១ <br />សង្កាត់លេខ៤ ក្រុង-ខេត្តព្រះសីហនុ ។</p>
<p>ប្រភពពត៌មានពីសមត្ថកិច្ចប្រចាំក្នុងផ្សារលើ បានឱ្យដឹងថាកាលពីថ្ងៃទី២៦ ខែមិថុនា ឆ្នាំ២០១៣ <br />វេលាម៉ោង ១៩និង៣០នាទី ជនសង្ស័យឈ្មោះ នួន ប្រុស អាយុ២៥ឆ្នាំ ស្នាក់នៅមិនពិតប្រាកដ<br /> (ទើបមកពីភ្នំពេញ) ប្រកប របរដើរសុំទានគេ បានប្រើប្រាស់កូនកាំបិតភ្ជង់កជនរងគ្រោះ គំរាម<br />យកទូរស័ព្ទ និងប្រាក់បានសម្រេច ពីជនរង គ្រោះ ឈ្មោះ សៀង បូបូ ភេទស្រី អាយុ២០ឆ្នាំ <br />មុខរបរអាជីវករ រស់នៅក្រុមទី១៧ ភូមិ១ សង្កាត់លេខ៤ ក្រុង-ខេត្តព្រះសីហនុ ខណៈពេលដែល<br />ជនរងគ្រោះកំពុង ហាត់ប្រាណ នៅសាលមហោស្រពចាស់ ស្ថិតក្នុង ក្រុម៤ ភូមិ២ សង្កាត់លេខ<br />២ ក្រុង-ខេត្តព្រះសីហនុ។ ដោយសារស្តាយស៊ីមទូរស័ព្ទ រសៀលថ្ងៃទី២៧ ខែមិថុនា ឆ្នាំ២០១៣<br />នេះ ជនរងគ្រោះក៏សាកល្បង ទូរស័ព្ទចូលលេខរបស់ខ្លួន ហើយក៏បានធ្វើការចរចារ ជាមួយ ជន<br />សង្ស័យ រួចក៏ណាត់ជួបគ្នាក្នុងផ្សារលើ ដើម្បីលោះយកស៊ីមទូរស័ព្ទ វិញក្នុងតំលៃ ៥ដុល្លារ ។</p>
<p>ដូចការណាត់ជួបជនសង្ស័យរូបនេះក៏បានបង្ហាញខ្លួនព្រមទាំងបានយកទាំងទូរស័ព្ទ និងស៊ីមទូរ<br />ស័ព្ទមកជាមួយផង ។ បន្ទាប់ពីបានធ្វើការដោះដូរគ្នារួចភ្លាម ឃើញជនសង្ស័យដើររាងឆ្ងាយបន្តិច<br /> ជនរងគ្រោះក៏ បានស្រែកឆោឡោ ឡើងធ្វើឱ្យផ្អើលគេឯង រួចក៏ដេញព័ទ្ធចាប់បានតែម្តង ។</p>
<p>បច្ចុប្បន្ននេះជនសង្ស័យត្រូវបានបញ្ជូនទៅអធិការដ្ឋាននគរបាលក្រុងព្រះសីហនុ ដើម្បីសាកសួរ<br />ចំលើយ ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-1266.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-1267.jpg" alt="" width="500" /></p>
<p style="text-align: center;"><strong>ជនរងគ្រោះ</strong></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល<strong><br /></strong></p>
</div>