<p>ជាលើកដំបូងដែលកែវយឹតអវកាស បានរកឃើញចំហាយទឹក ចេញពី Ceres ដែលជាភពថ្មធំបំផុតក្នុងចំណោមភពថ្មតូចៗ ស្ថិតនៅជាយជុំវិញប្រព័ន្ធព្រះអាទិត្យរបស់មនុស្ស។<br /><br />ស្ថានីយពិនិត្យអវកាស Herschel ជាលើកដំបូងបានស្វែងយល់អំពីដំណើរការនៃការបាញ់ចំហាយទឹកនៅលើផ្ទៃរបស់ភពថ្ម Ceres នេះបើតាមទំព័រ Space.com ដែលបានចុះផ្សាយសេចក្ដី ប្រកាស ព័ត៌មានរបស់មន្ទីរស្រាវជ្រាវ JPL នៃទីភ្នាក់ងារអវកាសអាមេរិក ណាសា។ Ceres មានរង្វង់ អង្កត់<br />ផ្ចិត ប្រហែល ៩៥០គីឡូម៉ែត្រ ត្រូវបានចាត់ចូលជាប្រភេទភពមានទំហំមធ្យម។</p>
<p style="text-align: center;"><br /> <a class="thickbox" title="" href="/FileManager/Commons/2014/1/26/planet-26-01-2014--11-37-44.jpg"><img src="/FileManager/Articles/mce/2014/1/26/planet-26-01-2014--11-37-44.jpg" alt="" width="457" height="330" /></a><br /><em>រូបភាពបង្ហាញអំពី Ceres ដែលស្ថិតនៅជាយនៃប្រព័ន្ធព្រះអាទិត្យ (រូប ៖ NASA/JPL)</em></p>
<p><br />ក្នុងបេសកកម្ម របស់ទីភ្នាក់ងារអវកាសអឺរ៉ុប ដែលបានសហការណ៍ជាមួយ ណាសា កែវយឹត<br />អវកាស Herschel បានប្រើប្រាស់បច្ចេកវិទ្យា កម្មរស្មី infrared ដើម្បីមើលបានឆ្ងាយ និងអាច<br />ពិនិត្យ មើលឃើញសកម្មភាពនៃចំហាយទឹកនៅលើភពថ្មី Ceres ។<br /><br />Michael Kuppers ដែលជាប្រធានក្រុមអ្នកវិទ្យាសាស្ដ្រមួយរូប ថ្លែងថា ៖ “នេះគឺជាលើកដំបូង<br />ហើយ ដែលបានរកឃើញចំហាយទឹកនៅលើភពថ្មមួយដែលស្ថិតក្នុងគន្លងគោចររបស់បណ្ដា<br />ភពតូចៗ នេះក៏បង្ហាញថា ផ្ទៃខាងលើរបស់ Ceres គឺពេញដោយទឹកកក និងមានបរិយាកាស”។<br /><br />ក្រុមអ្នកវិទ្យាសាស្ដ្រយល់ថា Ceres មានស្រទាប់ខាងក្នុងជាថ្ម និងស្រទាប់ខាងក្រៅគឺជាទឹក<br />កកដ៏ក្រាស់ ប្រសិនទឹកកកកនេះរលាយ វាអាចក្លាយជាប្រភពទឹកសាបដ៏ធំ គឺបរិមាណទឹកសាប ច្រើនជាងប្រភពទឹកនៅលើផែនដី។<br /><br />NASA ក៏បានបង្កើតបេសកកម្មដោយឡែករបស់ខ្លួន មានឈ្មោះថា Dawn ហើយបច្ចុប្បន្ន កំពុង ធ្វើដំណើរឆ្ពោះទៅកាន់ Ceres បន្ទាប់ពីបានចំណាយពេល ជាង ១ឆ្នាំ ហោះជុំវិញកូនភព Vesta ។ Dawn នឹងទៅដល់ភព Ceres នៅដើមឆ្នាំ ២០១៥។ Dawn នឹងគូសផែនទី ភូមិសាស្ដ្រ និងគីមី នៅ លើផ្ទៃរបស់ភព Ceres ជាមួយរីសូលូសឹនខ្ពស់ ដែលគេសង្ឃឹមថា នឹងរកឃើញអាថ៌កំបាំង នៅពី ក្រោយបាតុភូតខាងលើ។</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Space<br /><br /></p>