<p>ក្រុមអ្នកស្រាវជ្រាវផ្នែកយានអវកាសមិនស្គាល់អត្តសញ្ញា ទទួលស្គាល់ថា ចំនួនមនុស្សដែល<br />បានមើលឃើញ UFO កាន់តែកើនឡើង នៅភាគឦសានប្រទេសអូស្ដ្រាលី។</p>
<p>Sheryl Gottschall នាយកសមាគមស្រាវជ្រាវ UFO នៅរដ្ឋ Queensland បានឱ្យដឹងថា តំបន់<br />ឦសានប្រទេសអូស្ដ្រាលី កំពុងតែក្លាយជាចំណុចក្ដៅនៃ រឿងរ៉ាវទាក់ទិននឹង UFO ក្នុងរយៈ<br />ពេលកន្លង នេះបើតាមសេចក្ដីរាយការណ៍របស់ទំព័រ Sky News។</p>
<p style="text-align: center;"><a class="thickbox" title="" href="/FileManager/Commons/2014/9/3/ufo-03-09-2014--09-58-12.jpg"><img src="/FileManager/Articles/mce/2014/9/3/ufo-03-09-2014--09-58-12.jpg" alt="" /></a></p>
<p>Gottschall ថ្លែងថា ៖ “យើងខ្ញុំបានទទួលទូរស័ព្ទជាច្រើន ពីប្រជាជនមកពីតំបន់ Queensland ដោយពួកគេរាយការណ៍អំពីករណីមើលឃើញ យានអវកាសមិនស្គាល់អត្តសញ្ញា (UFO)។ <br />ថ្មីៗនេះ ប្រជាជនមួយចំនួន ក៏បានទូរស័ព្ទមកប្រាប់ថា បានឃើញ UFO នៅលើអាកាសនៃ<br />ក្រុង Gold Coast កាលពីថ្ងៃទី ២៩សីហា។ ចំណែកមានអ្នកខ្លះ បានឃើញវា នៅតំបន់ទីប្រជុំ<br />ជន Childers” ។</p>
<p>គួរបញ្ជាក់ថា ជារៀងរាល់ឆ្នាំ ប្រជាជននៅអូស្ដ្រាលី បានឃើញ UFO នៅលើអាកាស ចំនួន<br />ប្រមាណជា ៨០០លើក។ ប៉ុន្ដែ មនុស្សភាគច្រើន មិនបានរាយការណ៍ករណីខាងលើ មកកាន់<br />សមត្ថកិច្ចនោះទេ។</p>
<p>ករណីដ៏គួរឱ្យចាប់អារម្មណ៍មួយ ថ្មីៗនេះ ក៏បានកើតឡើងនៅទីប្រជុំជន Wooloowin នៃតំបន់<br />ជាយក្រុងរបស់ Brisbane ៖ ប្រជាជន បានឃើញពន្លឺចំនួន ៣ អណ្ដែតនៅលើអាកាស ពីខាង<br />លើផ្ទះរបស់ពួកគេ។ ករណីខាងលើ មកដល់ពេលនេះ នគរបាល ក៏មិនទាន់រកឃើញប្រភព<br />នៃពន្លឺទាំងនេះនៅឡើយ។</p>
<p>ក្រុមមន្ដ្រី អូស្ដ្រាលី ក៏បានទទួលស្គាល់ដែរថា ចំនួននៃក្រុមអ្នក “ប្រមាញ់” UFO បានកើនឡើង<br />ច្រើន មិនធ្លាប់មានពីមុនមកផងដែរ។</p>
<p style="text-align: center;"><a class="thickbox" title="" href="/FileManager/Commons/2014/9/3/ufo1-03-09-2014--09-59-04.jpg"><img src="/FileManager/Articles/mce/2014/9/3/ufo1-03-09-2014--09-59-04.jpg" alt="" /></a></p>
<p style="text-align: center;">រូបភាព UFO មួយ ដែលត្រូវគេថតបាន នៅអូស្ដ្រាលី</p>
<p style="text-align: center;"> </p>
<p>Kristy Buist ដែលជាសមាជិកម្នាក់ក្នុងក្រុមប្រមាញ់ UFO បានឱ្យដឹងថា លោកបានឃើញ UFO<br /> ជាលើកដំបូង កាលពីខ្លួន មានអាយុ ១០ឆ្នាំ។ ចាប់តាំងពីពេលនោះមក គាត់តែងតែយកចិត្តទុក<br />ដាក់ទៅលើវា។ Kristy Buist បន្តថា ៖ “ខ្ញុំតែងតែស្វែងរក UFO ។ ខ្ញុំស្វែងរកវា នៅគ្រប់ទីកន្លែង។ <br />មនុស្សជាច្រើន យល់ថា UFO គឺជាយានអវកាសដែលមិនមានប្រាកដនៅលើពិភពលោកនោះ<br />ទេ ប៉ុន្ដែ ជាក់ស្ដែងណាស់ ខ្ញុំបានឃើញវា ចំនួនដល់ទៅ ៤លើកមកហើយ ក្នុងមួយជីវិតនេះ”៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ skynews/brisbanetimes<br /><br /></p>