<p><strong>ព័ត៌មានអន្តរជាតិ ៖</strong> ក្រោយពីបានដកស្រង់ សម្តីមន្រ្តីផ្លូវការ ទំព័រសារព័ត៌មានបរទេស នាំមុខ ស៊ីអិន អិន បាន ចេញផ្សាយ អត្ថបទ អោយដឹងថា យ៉ាង ហោច ណាស់ មនុស្ស ៩ នាក់ បានទទួលរងរបួស ក្រោយពី មានករណី គ្រោះថ្នាក់រថយន្តក្រុង ក្រឡាប់ផ្ញារជើង ទ្រមេឃ បន្ទាប់ពីបុកគ្នា ជាមួយនឹងរថ យន្តតាក់ស៊ី នៅកណ្តាលក្រុង ញូវយ៉ក សហរដ្ឋអាមេរិក ។</p>
<p><a class="thickbox" title="" href="/FileManager/Commons/2014/3/11/crash6n-5-web-11-03-2014--15-27-27.jpg"><img src="/FileManager/Articles/mce/2014/3/11/crash6n-5-web-11-03-2014--15-27-27.jpg" alt="" /></a></p>
<p>លើសពីនេះ ប្រភពបន្តអោយដឹងថា រថយន្តក្រុង ខាងលើ ដឹកអ្នកដំណើរ ជាក្មេងៗសិស្ស សាលាមាន អាយុចន្លោះពី ១០ ទៅ ១២ ឆ្នាំ ។ យ៉ាងណាមិញ បើតាមការអោយដឹង ពីនាយកដ្ឋាន ក៏ដូចជា ស្នង ការប៉ូលីសប្រចាំក្រុង អោយដឹងថា ជនរងគ្រោះ ទាំង ៩ នាក់នោះ បើតាមសេចក្តីរាយការណ៍ គេបាន ទទួលរងរបួសស្រាល និង ត្រូវបានមន្រ្តីមានសមត្តកិច្ច បញ្ជូនពួកគេ ទៅសម្រាកព្យាបាល របួសនៅ មន្ទីរពេទ្យ ក្បែរកន្លែងកើតហេតុបំផុត ។</p>
<p>ដោយឡែក បុរសជាអ្នកបើករថយន្ត តាក់ស៊ី បើតាមរបាយការណ៍ អះអាងអោយដឹងថា គាត់បាន ទទួលរងរបួសធ្ងន់ ។ ទន្ទឹមនឹងនេះ បើនិយាយពីមូលហេតុ ដែលនាំអោយមានគ្រោះថ្នាក់ចរាចរណ៍ នោះ ពុំទាន់ត្រូវបានគេ បញ្ជាក់អោយដឹង នៅឡើយនោះទេ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ីអិនអិន</p>