<p><strong>ភ្នំពេញ៖</strong> "ខ្ញុំពុំមែនជាមនុស្សអ៊ីចឹង ដូចគេនិយាយទេបង …ហើយខ្ញុំក៏មិនដែលគិតចង់ ធ្វើជាព្រាននារីអីដែរ។ ម្យ៉ាងទៀត ពាក្យគេនិយាយថា ខ្ញុំជាព្រាននារីនេះ វាបានធ្វើឱ្យប៉ះពាល់ដល់អារម្មណ៍ខ្លាំង និងជារឿងមិនល្អ សម្រាប់កេរ្តិ៍ឈ្មោះ ខ្ញុំផ្ទាល់ផងទៀតផង" ។ ពុំនោលខាងលើនេះ គឺជាការអះអាងឡើង របស់តារាសម្តែង និងម៉ូឌែលប្រុសច្រមុះស្រួច លោក ចន អេឡិច ហ្សូរ៉ា បានបញ្ចេញប្រតិកម្មតបភ្លាមៗ ក្រោយពីបណ្តាញសារព័ត៌មាន បានចុះផ្សាយ និងបានលើកឡើងថា លោក គឺជាព្រាននារីចំតួ ព្រោះ មួយរយៈនេះហាក់ ល្បីល្បាញរឿងស្នេហា ជាងអាជីពការងារសិល្បៈ។</p>
<p>មុននេះបន្តិចគេហទំព័រ LookingTODAY បានចុះផ្សាយអត្ថបទព័ត៌មាន អំពីរឿងរ៉ាវជីវិតស្នេហាក្រៅឆាក របស់លោកអេឡិច ហ្សូរ៉ា ជាមួយនារីបរទេសម្នាក់ ខណៈពេលគេបានឃើញ តារាប្រុសរូបនេះបណ្ដើរនារីបរទេស វ័យស្របាក់ស្របាលនឹងគ្នា ទៅទស្សនាភាពយន្ត នៅរោងកុនទំនើបមួយកន្លែង ក្នុងរាជធានីភ្នំពេញ។</p>
<p>នៅក្នុងអត្ថបទព័ត៌មាននោះ បានសរសេរដោយលើកឡើងថា តារាប្រុសលោក អេឡិច ហ្សូរ៉ាជារឿយៗ តែងតែប្រទះរឿងរ៉ាវអាស្រូវស្នេហាជាហូហែរ ហាក់បានបង្ហាញថា តារារូបនេះល្បីល្បាញរឿងស្នេហា ជាងការងារសិល្បៈ ហើយបើគិតពីការងារសម្ដែង អេឡិច ហ្សូរ៉ា ពុំទាន់បានក្លាយជាកំពូលតារាសម្ដែងប្រុសនៅឡើយទេ ។ មិនតែប៉ុណ្ណោះ គេក៏បានដាក់ងារថា តារាសម្តែង អេឡិច ហ្សូរ៉ា ជាព្រាននារី។</p>
<p>បន្ទាប់បានឃើញ និង អានព័ត៌មានខាងលើនេះ តារាប្រុស អេឡិច ហ្សូរ៉ា បានបញ្ចេញប្រតិកម្ម សម្តែងអារម្មណ៍មិន សប្បាយចិត្ត ចំពោះការលើកឡើងថា លោកជាតារាព្រាននារី និងល្បីល្បាញរឿងស្នេហា ជាងអាជីពការងារសិល្បៈ។</p>
<p>ផ្តល់សម្ភាសន៍ ឱ្យគេហទំព័រ LookingTODAY តាមទូរស័ព្ទ ពីខេត្តសៀមរាប កាលពីព្រលប់ថ្ងៃទី៨ ខែមីនា ឆ្នាំ២០១៣ លោក អេឡិច ហ្សូរ៉ា បាននិយាយប្រាប់ថា "ខ្ញុំពុំមែនជាមនុស្សអ៊ីចឹង ដូចគេនិយាយទេ... ។ ខ្ញុំក៏មិនដែលគិតចង់ធ្វើជាព្រាននារីអីនោះដែរ។ ម្យ៉ាងទៀតពាក្យគេ និយាយថា ខ្ញុំជាព្រាននារីនេះ វាបានធ្វើឱ្យប៉ះពាល់ដល់អារម្មណ៍ខ្លាំង ..! អ្នកខ្លះមិនដឹង គេនឹងថាខ្ញុំ ជាមនុស្សបែបនេះមែន… ខ្ញុំសូមប្រាប់ទៅទស្សនិកអ្នកគាំទ្រថា ខ្ញុំមិនដែលតាំងខ្លួន ធ្វើជាព្រានារីម្តងណាឡើយ ហេតុនេះសុំ កំមានការយល់ច្រឡំ.."។</p>
<p>ដោយឡែកសម្រាប់រឿង ដែលគេបានឃើញលោក បណ្ដើរនារីជនជាតិបរទេសម្នាក់ចូល ទៅទស្សនា ភាពយន្តនៅរោង កុនទំនើបផ្សារស៊ីធីម៉ល កាលពីថ្មីៗនេះ ត្រូវបានតារាសម្តែង អេឡិច ហ្សូ រ៉ា ទទួលស្គាល់ថា ពិតជាបានទៅជាមួយនារីម្នាក់នោះមែន ប៉ុន្តែត្រឹមតែជាមិត្តភ័ក្តិ នឹងគ្នាតែប៉ុណ្ណោះ គ្មានអ្វីផ្សេង លើសពីនេះទេ។</p>
<p>លោក អេឡិច ហ្សូរ៉ា បានបញ្ជាក់ថា នារីបរទេសជនជាតិអាមេរិក ដែលទៅមើលកុន ជាមួយ លោក គឺត្រឹមជាមិត្តភក្តិរួមការងារទេ ។ ម្យ៉ាងទៀត លោកក៏មិនបានចេញ ពីប្រទេសកម្ពុជា ទៅក្រៅប្រទេសនោះដែរ គឺ ចេញទៅត្រឹមតែខេត្តសៀមរាបអង្គរ ដើម្បីសម្តែង នៅទីនោះ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-0104.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-0102.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-0103.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/28459-2014-03-12-07-21-40.html" target="_blank">ផ្តល់សិទ្ធដោយ ៖ ដើមអម្ពិល</a></p>