<p><span style="color: #000000;"><strong></strong><strong>ភ្នំពេញ៖</strong> ថ្មីៗនេះ មានបណ្តាញសារព័ត៌មាន ក្នុងស្រុកមួយចំនួន បានធ្វើការចុះផ្សាយព័ត៌មាន បង្ហាញថា តារាសម្ដែងដែលទើបតែ ត្រូវព្រនង់ រិះគន់រឿងស្លៀកសិចស៊ី ដួង ស្រីពេជ្រ ចង់ថតឈុតស្នេហារោលរាល ហើយ ដួង ស្រីពេជ្រ ចាត់ទុកថា ការធ្លាយ រូបភាពសិចស៊ីកន្លងមក គឺជាលាភសំណាងទៅវិញ ព្រោះកាន់តែមានគេស្គាល់នាងច្រើនឡើង ។ </span></p>
<p><span style="color: #000000;">ឆ្លើយតបទៅនឹងការចុះផ្សាយ ពីសំណាក់បណ្តាញសារព័ត៌មានខាងលើនេះ តារាសម្តែងកញ្ញា ដួង ស្រីពេជ្រ បានចេញមុខសរសេរ ប្រតិកម្មតបនៅលើទំព័រហ្វេសប៊ុក ផ្ទាល់ខ្លួនវិញថា «ខ្ញុំសុំនិយាយថា ខ្ញុំមិនបាននិយាយប្រាប់ដល់ លោកសារព័ត៌មានណាថាខ្ញុំ ចង់ថតរឿងស្នេហារោលរាលទេ..!» ។</span></p>
<p><span style="color: #000000;">កញ្ញា ឌួង ស្រីពេជ្រ បញ្ជាក់ទៀតថា «ខ្ញុំក៏ជាមនុស្សម្នាក់ ដែលដឹងខុសដឹងត្រូវដែរ ខ្ញុំមិនមែនកូនក្មេងទេ ហើយសុំបងប្អូនមួយចំនួន សូមមេត្តាចូល ទៅអានសារពត៌មាននោះ ឲ្យច្បាស់ ហើយខ្ញុំសុំមេត្តាដល់លោកសារព័ត៌មានមុននឹងសរសេរចំណងជើង សូមគិតដល់កេរ្តិ៍ឈ្មោះគេផង..!»។</span></p>
<p><span style="color: #000000;">យ៉ាងណាមិញ គេនៅចាំបានថា តារាសម្តែងជាប់ងារ ជាតារាសិចស៊ីប្រចាំ២០១៥កញ្ញា ដួង ស្រីពេជ្រ កាលពីថ្មីៗមុននេះនាង បានធ្វើឲ្យមហាជនអ្នកគាំទ្រជាច្រើន បានសម្តែងអារម្មណ៍មិនពេញចិត្តថែមទាំងបានបញ្ចេញប្រតិកម្មរិះគន់ យ៉ាងធ្ងន់ធ្ងរ ទៅលើរូបនាងបន្ទាប់ពីពួកគេ បានឃើញរូបថតសិចស៊ី បញ្ចេញចង្អូរដើមទ្រូង ស្ទើរតែមើលឃើញទាំងស្រុង នៅកណ្តាលហ្វូងមនុស្ស ប្រុស-ស្រីដ៏កុះ ករនៅក្នុងកម្មវិធីជប់លៀង ខួបតារាសិល្បៈរួមអាជីពជាមួយគ្នា។</span></p>
<p><span style="color: #000000;">ព្រមជាមួយនឹងការបែកធ្លាយរូបថត របស់តារាសម្តែងនាង ដួង ស្រីពេជ្រ នេះដែរ កាលនោះ ក៏មានមជ្ឈដ្ឋានអ្នកគាំទ្រនាំគ្នា លើកឡើងថា តារាស្រីរូបនេះហាក់មានចេតនា យកភាពសិចស៊ីដើម្បី ជាទុនទាញរកការចាប់អារម្មណ៍ និង ការគាំទ្រ ៕</span></p>
<p><a class="thickbox" title="" href="/FileManager/Commons/2015/6/27/20-27-06-2015--10-35-08.jpg"><img src="/FileManager/Articles/mce/2015/6/27/20-27-06-2015--10-35-08.jpg" alt="" /></a></p>
<p><a class="thickbox" title="" href="/FileManager/Commons/2015/6/27/21-27-06-2015--10-35-16.jpg"><img src="/FileManager/Articles/mce/2015/6/27/21-27-06-2015--10-35-16.jpg" alt="" /></a></p>
<p><a class="thickbox" title="" href="/FileManager/Commons/2015/6/27/22-27-06-2015--10-35-25.jpg"><img src="/FileManager/Articles/mce/2015/6/27/22-27-06-2015--10-35-25.jpg" alt="" /></a><a class="thickbox" title="" href="/FileManager/Commons/2015/6/27/21-27-06-2015--10-35-16.jpg"></a><a class="thickbox" title="" href="/FileManager/Commons/2015/6/27/20-27-06-2015--10-35-08.jpg"></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>