<p><span style="color: #000000;">ព័ត៌មានកីឡា៖ Chelsea តែងតែទទួលបានជ័យជំនះផ្ទួនៗរាល់ការប្រកួតកន្លងមកក្នុងរដូវកាល Champions league បានត្រៀមខ្លួនឈានជើងចូលក្នុងវគ្គប្រកួតផ្ដាច់ព្រ័ត្រ ហើយក្រុមនិងប៉ះជាមួយដៃគូរខ្លាំងៗ ដែលក្រុមទាំងអស់នោះ ត្រូវបាន លោក Jose Mourinho ចាត់ទុកថាជាឆ្លាមដ៏សាហាវបំផុត កំពុងតែរង់ចាំ ត្របាក់ខណៈ Chelsea ឈានជើងចូលទៅ។ </span></p>
<p><span style="color: #000000;">លោក Jose Mourinho កំពុងតែគេងមិនលក់បក់មិនល្ហើយ ចំពោះការចាប់គូរប្រកួតនៅថ្ងៃច័ន្ទសប្ដាហ៍ក្រោយនេះ ថាតើមិនដឹងជាក្រុមមួយណាទេដែលជាឆ្លាមតាមត្របាក់គាត់ ពិតប្រាកដ ដែលឆ្លាមទាំងអស់នោះមានដូចជា Juventus, PSG, Basel, Bayer Leverkusen និង Shakhtar Donetsk ។ តាមពិតទៅ Chelsea ទើបតែទទួលបានជោគជ័យកាលពីថ្ងៃពុធ ដោយប៉ះជាមួយ Sporting Lisbon ត្រឹមពន្ទុ ៣ ទល់នឹង ១ ហើយក៏ជាជោគជ័យដែលជម្រុញខ្លួនឲ្យឈានជើងចូលដល់ស៊េរីវគ្គផ្ដាច់ព្រ័ត្រ។ </span></p>
<p><span style="color: #000000;">ស្របតាមអារម្មណ៍បែបនោះគាត់បានថ្លែងប្រាប់អ្នកការសែតថា គាត់មិនដឹងទេថា ការប្រកួតថ្ងៃច័ន្ទសប្ដាហ៍ក្រោយនេះ ត្រូវប៉ះជាមួយ ឆ្លាមក្បាលណាមួយនោះទេ ក្នុងចំណោមពួកគេទាំងអស់ គ្រាន់តែដឹងថា ពួកគេចាំមើលតែ Chelsea ឈានជើងចូលទៅប៉ុណ្ណោះ ហើយការលើកឡើងដូច្នោះ មិនមែនមានន័យថា Chelsea ខ្លាចពួកគេនោះទេ ប៉ុន្ដែ យើងសុទ្ធតែដឹងហើយថា ទាំងអស់នោះគឺសុទ្ធតែជាក្រុមខ្លាំងៗ ហើយ ក៏ជាឆ្លាមដែលសាហាវបំផុត ក្នុងសមុទ្រ Champions League នេះ ។ កាលពីឆ្នាំកន្លងទៅ Chelsea បានមានប្រវត្ដិបិទរួចទៅហើយ ប៉ុន្ដែពេលនោះ កម្រិតនៃការលេងគឺមិនល្អដូចជារដូវកាលនេះទេ ដូច្នេះសម្រាប់ពាក្យថា ខ្លាចនៅពេលនេះ ចំពោះChelsea គឺមិនអាចកើតមានឡើយ ផ្ទុយទៅវិញ ក្រុមមានតែពាក្យថាឈ្នះតែប៉ុណ្ណោះ។</span></p>
<p><span style="color: #000000;"><a class="thickbox" title="" href="/FileManager/Commons/2014/12/11/79654072jose-pa-11-12-2014--11-28-49.jpg"><img src="/FileManager/Articles/mce/2014/12/11/79654072jose-pa-11-12-2014--11-28-49.jpg" alt="" /></a><br /></span></p>
<p><span style="color: #000000;"> </span></p>
<p style="text-align: right;">ដោយ៖ អឿ អ៊ុយ<br />ប្រភព៖ ប៊ីប៊ីស៊ី </p>