<p>ដូចដែលប្រិយមិត្តបានដឹងមកហើយថា Ronaldo បានមានវត្តមាននៅក្នុងការប្រកួតជាមួយនឹងក្រុម ជម្រើសជាតិអាឡឺម៉ង់ ហើយរួមជាមួយនឹងមិត្តរួមក្រុម ប្រឈមមុខនឹងការបរាជ័យយ៉ាងអាម៉ាសដល់ ទៅ 0-4 ។ តាមរយះនេះ ក្រុមជម្រើសជាតិពរទុយហ្គាល់ មានគ្រោះថ្នាក់នឹងត្រូវជម្រុះចេញពី World Cup ក្នុងពេលឆាប់ៗនេះ។ សម្រាប់ Ronaldo ផ្ទាល់ ក៏លេងមិនបានល្អ និងទទួលរងនូវការរិះគន់ ស្តី បន្ទោសជាច្រើន ផងដែរ។</p>
<p>មូលហេតុមួយដែលបានធ្វើឲ្យការលេងរបស់ CR7 ធ្លាក់អន់ដូច្នេះ គឺមកពីរូបគេនៅមិនទាន់ជាពីរបួស ត្រង់ជង្គង់នៅឡើយ។ តាមការបង្ហើបឲ្យដឹងថ្មីបំផុត ពីខាងក្រុមជម្រើសជាតិពរទុយហ្គាល់ បាននិយាយ ថា Ronaldo បានបោះបង់មិនស្តាប់ដំបូន្មាន និងការហាមប្រាមរបស់គ្រូពេទ្យ ទ្រាំឈឺចាប់របួស ចូល ធ្វើការប្រកួត ជាមួយនឹងក្រុមជម្រើសជាតិអាឡឺម៉ង់។</p>
<p><a class="thickbox" title="" href="/FileManager/Commons/2014/6/19/1403141445-ronaldo-2-19-06-2014--20-50-18.jpg"><img src="/FileManager/Articles/mce/2014/6/19/1403141445-ronaldo-2-19-06-2014--20-50-18.jpg" alt="" /></a></p>
<p>ដោយសារកត្តានេះហើយ ទើបធ្វើឲ្យរបួសរបស់ Ronaldo កាន់តែធ្ងន់ធ្ងរ ពិបាកជាងមុន។ នៅក្នុងការ ហ្វឺកហាត់ថ្មីៗនេះ កំពូលតារាបាល់ទាត់កំពុងពាក់អាវ Real រូបនេះ ត្រូវបោះបង់ចោលការហាត់ និងត្រូវ ដើរចេញមកកន្លែងសម្រាក ជាមួយនឹងក្បាលជង្គង់ស្អំទៅដោយទឹកកក។</p>
<p><a class="thickbox" title="" href="/FileManager/Commons/2014/6/19/12345-19-06-2014--20-51-25.png"><img src="/FileManager/Articles/mce/2014/6/19/12345-19-06-2014--20-51-25.png" alt="" /></a></p>
<p>គ្រូពេទ្យរបស់ក្រុមជម្រើសជាតិពរទុយហ្គាល់ Jose Carlos Noronha បានមានប្រតិកម្ម ព្រមានដល់ កីឡាករលេខ១ របស់ Seleccao ថា បើសិនជានៅតែបន្តផ្សងគ្រោះថ្នាក់ធ្វើការប្រកួត នោះអាជីពរបស់ CR7 អាចនឹងទទួលរងនូវឥទ្ធិពលយ៉ាងធ្ងន់ធ្ងរ (ទាត់បាល់លេងកើត បាត់បង់អាជីពតែម្តង)។ គាត់ (គ្រូពេទ្យ) បាននិយាយថាៈ "ចូរទុកឲ្យក្បាលជង្គង់របស់អ្នក (Ronaldo) បានសម្រាក។ បើសិនជាមិន ដូច្នេះទេ អាជីពក្នុងពេលអនាគតរបស់អ្នក នឹងមានគ្រោះថ្នាក់" ។</p>
<p>បើតាមការវិនិច្ឆ័យរបស់ក្រុមគ្រូពេទ្យ បើសិនជាចង់ឲ្យរបួសក្បាលជង្គង់ជាសះស្បើយទាំងស្រុង Ronaldo ត្រូវសម្រាកយ៉ាងតិច ២ខែ ដើម្បីផ្តោតទៅលើការព្យាបាល និងមិនត្រូវប៉ះពាល់ដល់ការ លេងបាល់អ្វីទាំងអស់។ ដូច្នេះ ដើម្បីកុំឲ្យមានគ្រោះថ្នាក់ដល់អាជីព និងអាចមានសុខភាពរឹងមាំវិញ សម្រាប់ការប្រកួតរដូវកាលថ្មី Ronaldo ចាំបាច់ត្រូវបោះបង់ចោល World Cup ដើម្បីព្យាបាលរបួសឲ្យ ជាសះស្បើយ៕</p>
<p> </p>
<p style="text-align: right;">ប្រែសម្រួល៖ សិលា<br />ប្រភព៖ 24h</p>