<p><span style="color: #000000;"><strong>- លោកទេសរដ្ឋមន្រ្តី ប្រកាសបង្កើតក្រុមកីឡាករហែលទឹកឈ្មោះ «ហែម ថុន» និង ពានរង្វាន់កីឡាហែលទឹក ដើម្បីជាការចងចាំ ដល់រូបលោក ហែម ថុន</strong></span></p>
<p><span style="color: #000000;"><strong>ភ្នំពេញ៖</strong> លោក ហែម ថុន អគ្គលេខាធិការសហព័ន្ធ កីឡាហែលទឹកកម្ពុជា និងជាអតីតកីឡាករឆ្នើមនាទសវត្សរ៍ ឆ្នាំ៦០-៧០ បានទទួលមរណភាពដោយរោគាពាធ ក្នុងជន្មាយុ ៧២ឆ្នាំ កាលពីល្ងាចថ្ងៃទី១២ ខែមករា ឆ្នាំ២០១៥ នាគេហដ្ឋានរបស់លោក ក្នុងភូមិកាកាប សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។</span></p>
<p><span style="color: #000000;">មរណភាពរបស់អតីតកីឡាហែលទឹកដ៏ឆ្នើមរបស់កម្ពុជា បានធ្វើឲ្យមន្រ្តីជាន់ខ្ពស់ នៃរាជរដ្ឋាភិបាលកម្ពុជា ព្រមទាំង កីឡាករ កីឡាការិនីខ្មែរជំនាន់ក្រោយសោកស្តាយជាពន់ពេក។ មន្រ្តីជាន់ខ្ពស់រាជរដ្ឋាភិបាលកម្ពុជាជាច្រើន ដែល ធ្វើការពាក់ព័ន្ធនិងកីឡា បានអញ្ជើញចូលរួមគោរពវិញ្ញាណក្ខន្ធ និងរំលែកមរណទុក្ខជាមួយក្រុមគ្រួសារសពជាបន្ត បន្ទាប់។</span></p>
<p><span style="color: #000000;">ក្រៅពីការចូលរួមគោរពវិញ្ញាណក្ខន្ធ និងរំលែកមរណទុក្ខជាមួយក្រុមគ្រួសារសព ទេសរដ្ឋមន្រ្តី រដ្ឋមន្រ្តីក្រសួងពា ណិជ្ជកម្ម លោក ស៊ុន ចាន់ថុល នៅលើទំព័រហ្វេសប៊ុកក្រសួងពាណិជ្ជកម្ម បានសរសេរបង្ហាញពីការសោកស្តាយ និងរំលឹកនូវគំរូវីរភាពជាច្រើនរបស់លោក ហែម ថុន ដែលបានបន្សល់ទុកកាលពីនៅមានជន្មាយុ។</span></p>
<p><span style="color: #000000;">លោក ស៊ុន ចាន់ថុល ដែលមានតួនាទីជាប្រធានសហព័ន្ធកីឡាហែលទឹកខ្មែរនោះ បានរៀបរាប់ថា លោក ហែម ថុន គឺជាកីឡាករហែលទឹកមួយរូប ក្នុងចំណោមកីឡាករហែលទឹក ដែលទទួលបានមេដាយ និង គួរឲ្យស្ងើចសរ សើរ នៅកំឡុងទសវត្សរ៍ឆ្នាំ១៩៦០ និង១៩៧០ និងបានដឹងរឿងរ៉ាវជាច្រើន ទាក់ទងនឹងប្រវត្តិកីឡាកម្ពុជា ក្នុង ទសវត្សរ៍ឆ្នាំ១៩៦០ ហើយត្រូវបានចាត់ទុក ជាបណ្តាល័យរស់មួយសម្រាប់អ្នកសិក្សាស្រាវជ្រាវស្តីពីកីឡាកម្ពុជា។</span></p>
<p><span style="color: #000000;">មិនតែប៉ុណ្ណោះ លោក ហែម ថុន ក៏បុគ្គលមួយរូប ដែលបានបំផុសឲ្យលោកទេសរដ្ឋមន្រ្តី ស៊ុន ចាន់ថុល រៃអង្គាសប្រាក់ ដើម្បីកសាងកីឡដ្ឋានហែលទឹកនៅក្នុងខេត្តកំពង់ចាមផងដែរ។</span></p>
<p><span style="color: #000000;">សារដែលរំលេចជាមួយអារម្មណ៍ក្តុកក្តួល លោកទេសរដ្ឋមន្រ្តី បានបញ្ជាក់យ៉ាងដូច្នេះ «លោកគ្រូ ហែម ថុន បាន បំផុសគំនិតឲ្យខ្ញុំធ្វើការរៃអង្គាសប្រាក់ ដើម្បីកសាងកីឡដ្ឋានហែលទឹកមួយនៅខេត្តកំពង់ចាម។ កីឡដ្ឋានហែល ទឹកនេះ នឹងត្រូវបញ្ចប់ការសាងសង់នៅក្នុងខែឧសភាខាងមុខនេះ។ លោកគ្រូបានចូលរួមយ៉ាងច្រើន ក្នុងការរចនា ប្លង់ និងការត្រួតពិនិត្យគ្រប់គ្រងកីឡដ្ឋានហែលទឹកនេះ។ វាជាសេចក្តីទុក្ខក្រៀមក្រំ និង សោកស្តាយជាពន់ពេក ដែលរូបលោកមិនបាននៅមើលឃើញ សមិទ្ធិផល នៃការខិតខំប្រឹងប្រែងរបស់ខ្លួន»។</span></p>
<p><span style="color: #000000;">លោកទេសរដ្ឋមន្រ្តី បានឲ្យដឹងថា លោក ហែម ថុន គឺជាមនុស្សម្នាក់ ប្រកបដោយសុចរិត និងសេចក្តីថ្លៃថ្នូរ ហើយ លោកទេសរដ្ឋមន្រ្តី ក៏ធ្លាប់មានភ័ព្វសំណាងណាស់ ទទួលបានការហ្វឹកហាត់ពីលោក ហែម ថុន កាលពីនៅក្នុង ក្រុមហែលទឹក របស់លោក ហែម ថុន ក្នុងទសវត្សរ៍ឆ្នាំ១៩៧០។</span></p>
<p><span style="color: #000000;">លោក បានបន្តថា «ភរិយា កូន ចៅ មិត្តភ័ក្តរបស់លោកគ្រូ និងយើងទាំងអស់គ្នា ដែលមានភ័ព្វសំណាងបានទទួល ការហ្វឹកហាត់ពីរូបគាត់ និងប្រជាជាតិខ្មែរ មានការនឹករលឹកចំពោះរូបលោកជាពន់ពេក។ កេរ្តិ៍ដំណែល និងឥទ្ធិពល របស់លោកគ្រូ បន្តកើតមានជានិច្ចនិរន្តរ នៅក្នុងវិស័យកីឡាហែលទឹក និង កីឡាយុវជនកម្ពុជា»។</span></p>
<p><span style="color: #000000;">ប្រធានសហព័ន្ធកីឡាហែលខ្មែររូបនេះ បានប្រកាសបង្កើតក្រុមកីឡាករហែលទឹកមួយឈ្មោះថា «ហែម ថុន» និង ពានរង្វាន់កីឡាហែលទឹក ដើម្បីរំលឹកវិញ្ញាណក្ខន្ធ និងដើម្បីជាកិត្តិយស ជាការចងចាំដល់រូបលោក ហែម ថុន៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/14/1-14-2015-10-53-10-am-14-01-2015--10-57-41.png"><img src="/FileManager/Articles/mce/2015/1/14/1-14-2015-10-53-10-am-14-01-2015--10-57-41.png" alt="" /></a></span></p>
<p><a class="thickbox" title="" href="/FileManager/Commons/2015/1/14/1-14-2015-10-53-22-am-14-01-2015--10-57-53.png"><img src="/FileManager/Articles/mce/2015/1/14/1-14-2015-10-53-22-am-14-01-2015--10-57-53.png" alt="" /></a></p>
<p><a class="thickbox" title="" href="/FileManager/Commons/2015/1/14/1-14-2015-10-53-36-am-14-01-2015--10-58-05.png"><img src="/FileManager/Articles/mce/2015/1/14/1-14-2015-10-53-36-am-14-01-2015--10-58-05.png" alt="" /></a></p>
<p><a class="thickbox" title="" href="/FileManager/Commons/2015/1/14/1-14-2015-10-53-47-am-14-01-2015--10-58-17.png"><img src="/FileManager/Articles/mce/2015/1/14/1-14-2015-10-53-47-am-14-01-2015--10-58-17.png" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>