<div class="article-content">
<p><strong>បន្ទាយមានជ័យ :</strong> បុរសម្នាក់ ទំនងជាញៀនថ្នាំ បានដុតបំផ្លាញផ្ទះខ្លួនឯង ឆេះខ្ទេច កាលពីវេលាម៉ោង ៩និង ៣០នាទីព្រឹក ថ្ងៃទី០១ ខែមិថុនា ឆ្នាំ២០១៤ ស្ថិតនៅភូមិនិមិត្ត៤ សង្កាត់និមិត្ត ក្រុងប៉ោយប៉ែត ខេត្តបន្ទាយ មានជ័យ ខណ:ដែលបុរសរូបនេះ នៅផ្ទះតែម្នាក់ឯង ហើយឪពុកម្តាយរបស់គេ បានទៅភ្នំពេញបាត់ ។</p>
<p>មន្រ្តីនគរបាលក្រុងប៉ោយប៉ែត បាននិយាយថា បុរសដែលដុតបំផ្លាញផ្ទះខ្លួនឯងខាងលើនេះ ឈ្មោះ មុំ វាសនា អាយុ ៣៤ឆ្នាំ ហើយមូលហេតុ នៃការដុត បំផ្លាញនេះសមត្ថកិច្ចមិនទាន់ដឹងនោះទេ ប៉ុន្តែសេចក្តីរាយ ការណ៍ខ្លះ បាននិយាយថា អាចបណ្តាលមកពីសេពគ្រឿងញៀនជ្រុលពេក ។</p>
<p>បើតាមមន្រ្តីនគរបាលក្រុង ប៉ោយប៉ែត ក្រោយពីដុត បំផ្លាញផ្ទះខ្លួនឯងរួចមក ជននេះបានថែមទាំងកាន់កាំបិត ជាប់នឹងដៃ មិនអោកម្លាំងនគរបាលចូលអន្តរាគមន៍ពន្លត់ និងចាប់រូបគេ ។ ប៉ុន្តែដោយមានកម្លាំងអន្តរាគមន៍ជាច្រើននាក់ ជននេះក៏ត្រូវបានចាប់ខ្លួនភ្លាមៗនោះដែរ ហើយយកទៅសួរនាំនៅ អធិការដ្ឋាននគរបាល ក្រុងប៉ោយប៉ែត ដើម្បីចាត់ការបន្តទៀត ។ សម្រាប់ទំហំនៃការខូចខាតនោះ មិនទាន់ត្រូវ បានសមត្ថកិច្ចបញ្ជាក់នៅឡើយទេ ។</p>
<p style="text-align: center;"><img src="http://image.dap-news.com:81/dap-news/dap-images/2014/May/id-010/chanroth014-may-141.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/May/id-010/chanroth014-may-142.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/May/id-010/chanroth014-may-143.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/May/id-010/chanroth014-may-144.jpg" alt="" width="500" /></p>
</div>
<p style="text-align: right;"><a href="http://www.dap-news.com/2011-06-14-02-39-55/87611-2014-06-01-05-36-51.html" target="_blank">ផ្តល់សិទ្ធដោយ ៖ ដើមអម្ពិល</a></p>