<p>បុរសម្នាក់រស់នៅរដ្ឋ Georgia (សហរដ្ឋអាមេរិច) ត្រូវបានចោទប្រកាន់ថា បានវាយប្រហារទៅលើ នារីម្នាក់ ដែលបុរសនោះបានស្គាល់គ្នាតាមបណ្តាញទំនាក់ទំនងសង្គម ដោយសារតែ នៅពេលដែល ជួបគ្នានៅខាងក្រៅ ភាគីខាងស្រីមានរូបរាងមុខមាត់ មិនដូចនឹងរូបថត ដែលបានបង្ហោះនៅក្នុង បណ្តាញទំនាក់ទំនងសង្គម។</p>
<p id="aui_3_2_0_1701"><img style="width: 260px; height: 190px; float: right; border-width: 10px; border-style: solid; margin: 10px;" src="http://vnreview.vn/image/13/47/83/1347834.jpg?t=1414724610128" alt="" />បើតាមប្រភពព័ត៌មានពីការិយាល័យ ប៉ូលិសតំបន់ បានឲ្យដឹងថា ជនជាប់ ចោទឈ្មោះ Cornelius Jefferson អាយុ ៣៣ឆ្នាំ បន្ទាប់ពីរូបគេបានស្គាល់នារី ម្នាក់នៅលើបណ្តាញទំនាក់ទំនងសង្គម បុរសម្នាក់នេះ បានផ្ទេរមកនៅ Kentucky ពីរដ្ឋ Georgia ដើម្បីចាប់ផ្តើម កសាងទំនាក់ទំនងស្នេហា យូរអង្វែង មួយជាមួយនារីដែលខ្លួនបានស្គាល់។</p>
<p>ប៉ុន្តែបន្ទាប់ពីបានជួបភាគីខាងស្រី នៅខាងក្រៅ Jefferson បានឈ្លោះប្រកែកគ្នាជាមួយនាង ដោយ សារតែ រូបគេបានគិតថា នាងគឺមិនដូចនឹងនារី ដែលគេស្គាល់នៅក្នុងអ៊ីនធឺណេត ហើយរូបគេក៏ត្រូវ បានជាប់ចោទថា បានច្របាច់ក គប់អាហារទៅលើនារីដែលមកជួបខ្លួន និងបានអូសវ៉ាលីដើរចេញ ទៅបាត់ទៅ។ បណ្តាមន្ត្រីប៉ូលិស បានស្វែងរកឃើញបុរសម្នាក់នេះ នៅពេលដែលរូបគេកំពុងតែ ដើរនៅតាមដងផ្លូវមួយនៅ Kentucky កាលពីថ្ងៃទី ២១ ខែតុលា កន្លងទៅនេះ៕</p>
<p> </p>
<p style="text-align: right;">ប្រែសម្រួល៖ សិលា<br />ប្រភព៖ Huffington Post<em>, </em>vreview</p>