<p><strong>ភ្នំពេញ៖</strong> បន្ទាប់ពីជួបនូវគ្រោះថ្នាក់ចរចរណ៍ គួរឲ្យរន្ធត់មួយបណ្តាលឲ្យតារាសម្តែង និងជា<br />តារាបង្ហាញម៉ូដកញ្ញា ពេជ្រ កណីកា បានស្លាប់ ដោយគៀបជាប់នឹងកាប៊ីនរថយន្ត ខណៈ<br />ដែលអ្នកបើក រថយន្តកាមរីបាឡែន បានបើកទៅបុកខ្ទប់របងថ្មផ្ទះសំណាក់ខ្សាច់មាស រហូត<br />មកដល់ពេលនេះ នៅមិនទាន់មានដំណោះស្រាយ ឬសំណងណាមួយពីខាងភាគី អ្នកបង្ក<br />ហេតុឡើយ។</p>
<p>បើតាមការឲ្យដឹងពីលោក ម៉ុំ មុនីរិទ្ធ ត្រូវជាបងប្រុសរបស់តារាសម្តែង ពេជ្រ កណីកា បាន<br />ប្រាប់ឲ្យដឹងតាមទូរស័ព្ទកាលពីរសៀលថ្ងៃទី៦ ខែកក្កដា ថា ចាប់តាំងពីថ្ងៃបង្កហេតុ រហូត<br />មកដល់ពេលនេះ បុរសដែលជាអ្នកបើររថយន្ត បានរត់គេចខ្លួន ដោយមិនព្រមចូលខ្លួន ដើ-<br />ម្បីមកដោះស្រាយនោះទេ គឺឃើញតែខាងបងប្អូនរបស់គេ ជាអ្នកចូលខ្លួនមកដោះស្រាយ <br />ជំនួសតែប៉ុណ្ណោះ។</p>
<p>អ្នកនិពន្ធទំនុកចម្រៀងវ័យក្មេង លោក ម៉ុំ មុនីរិទ្ធ បាននិយាយបន្តថា រហូតមកពេលនេះ គឺពុំ<br />ទាន់មានដំណោះស្រាយណាមួយ ដែលល្អសម្រាប់ភាគីខាង លោកទទួលយកនោះទេ ព្រោះ<br />ភាគីម្ខាងទៀត គេមិនព្រមសងសំណងទៅតាមអ្វី ដែលគ្រួសាររបស់ជនរងគ្រោះទាមទាឡើយ។<br /> ម្យ៉ាងទៀតគេចេះតែពន្យាពេល នៃការដោះស្រាយរហូត។</p>
<p>លោក ម៉ុំ មុនីរិទ្ធ និយាយទៀតថា ក្នុងរយៈពេល១ សប្តាហ៍ ទៀត ប្រសិនបើភាគីម្ខាងទៀត <br />មិនព្រមធ្វើការសម្រុះសម្រួល និង ចេញសំណងឲ្យ បានសមស្រប មកឲ្យខាងជនរងគ្រោះ <br />ដែលស្លាប់ កញ្ញា ពេជ្រ កណីកា នោះទេ គឺគ្រួសាររបស់លោក នឹងដាក់ពាក្យប្តឹងទៅកាន់<br />តុលាការ ដើម្បីធ្វើការដោះស្រាយ តាមផ្លូវច្បាប់បន្តទៀត។</p>
<p>កញ្ញា ពេជ្រ កណីកា មានឈ្មោះពិតថា អ៊ុក ប៊ុនណារី ជាតារាបង្ហាញម៉ូដ។ នាងបានចូលខ្លួន<br />ប្រឡូកក្នុងសិល្បៈអស់រយៈពេលជិត ៣ ឆ្នាំមកហើយ។ កញ្ញា ពេជ្រ កណីកា ក៏ត្រូវជាប្អូនស្រី <br />របស់អ្នកនិពន្ធ ម៉ុំ មុនីរិទ្ធ ផងដែរ។</p>
<p>ពេជ្រ កណីកា បានស្លាប់បាត់បង់ជីវិតក្នុងហេតុការណ៍ គ្រោះថ្នាក់ចរាចរណ៍ គឺរថយន្តកាមរី<br />បាឡែន បើកទៅបុករបងថ្មផ្ទះសំណាក់ខ្សាច់មាស កាលពីវេលាម៉ោងជាង១ រំលងអាធ្រាត្រ <br />ឈានចូលថ្ងៃទី២៣ ខែកក្កដា ២០១៣ ស្ថិតក្នុង ភូមិកៀនឃ្លាំង២ សង្កាត់ព្រែកលាភ ខណ្ឌ<br />ឫស្សីកែវ។</p>
<p>ក្រោយពីហេតុគ្រោះថ្នាក់ បុរសដែលជាអ្នកបើកបររថយន្ត បានរត់គេចខ្លួនបាត់។ ចំណែកឯ<br />សព របស់កញ្ញា ពេជ្រ កណីកា ត្រូវបានដឹកយកទៅដំកល់ធ្វើបុណ្យ និងបូជានៅវត្តទឹកថ្លាកាល<br /> ថ្ងៃទី២៤ កក្កដា ឆ្នាំ២០១៣ កន្លងទៅ៕</p>
<p><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0172.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0173.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0174.jpg" alt="Looking Today" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអំពិល </p>