<p><span style="color: #000000;"><strong>ភ្នំពេញ៖</strong> តារាសម្តែងធ្លាប់មានឈ្មោះល្បីល្បាញ កញ្ញា មាស សម្ផស្ស ក្រោយពីសម្រេចចិត្តផ្តាច់ខ្លួន ពីសិល្បៈអស់រយៈពេលជាច្រើនឆ្នាំ ទៅសម្ងំបង្កាត់ភ្លើងស្នេហា ជាមួយគូដណ្តឹងជនជាតិបរទេសមកនោះ ថ្មីៗនេះ បានបង្ហោះសារនៅតាមបណ្តាញ ទំនាក់ទំនងសង្គម Facebook ប្រកាសក្តែងៗថា នាងចង់លក់ផ្ទះ របស់នាង បន្ទាន់ក្នុងតម្លៃ៩ម៉ឺនដុល្លារ ដែលផ្ទះនោះស្ថិតក្នុងសង្កាត់ច្បារអំពៅទី២។</span></p>
<p><span style="color: #000000;">កាលពីថ្ងៃម្សិលមិញនេះ តារាស្រីសាច់សរកូនកាត់ចិន កញ្ញា មាស សម្ផស្ស បានសរសេរបង្ហោះ នៅលើបណ្តាញទំនាក់ទំនងសង្គម Facebook ផ្ទាល់របស់នាង ដោយសរសេរសារជាភាសាខ្មែរ អមជាមួយរូបភាពផ្ទះ ដែលនាងចង់ដាក់លក់ថា «សួស្តីបងប្អូន ដែលនៅក្នុងបណ្តាញFacebook ទាំងអស់ ខ្ញុំមានព័ត៌មាន ដែលទាក់ទងក្នុងការលក់ផ្ទះបន្ទាន់ ដែលមានទំហំ : បណ្ដោយ :16m. ទទឹង: 4.5 m ដោយបំពាក់នៅគ្រឿងលំអរខ្លះ និងមានបន្ទប់ 5 និងបន្ទប់ទឹក 6 បីជាន់ ដែលមានអាសយដ្ឋាននៅ សង្កាត់ ច្បាអំពៅ 2 ខណ្ឌច្បាអំពៅ..» ។</span></p>
<p><span style="color: #000000;">ស្របពេលដែល កញ្ញា មាស សម្ផស្ស ប្រកាសដាក់លក់ផ្ទះនោះ ត្រូវបានមហាជន ដែលតាមដាន ជីវិតឯកជនរបស់នាង មួយចំនួន បានលេចឮពាក្យចចាមអារ៉ាមថា ទំនងជានាងមានគម្រោងចេញ ទៅរស់នៅជាមួយអនាគតស្វាមី នៅក្រៅប្រទេស ទើបប្រញាប់ប្រញាល់ លក់ផ្ទះបន្ទាន់ បែបនេះតែម្តង ព្រោះថាបើទោះជា នាងរស់នៅក្នុងស្រុក ឬក្រៅស្រុក គឺមិនសំខាន់ទេ អ្វីដែលសំខាន់ គឺនាងបាន រស់នៅជាមួយអនាគតស្វាមី គឺគ្រប់គ្រាន់ហើយ ។</span></p>
<p><span style="color: #000000;">គេហទំព័រ កំសាន្ត យើងខ្ញុំ បានទាក់ទងទៅតារាសម្តែងស្រី កញ្ញា មាស សម្ផស្ស ដើម្បីសាកសួរទាក់ទងទៅនឹងការលើកឡើងខាងលើនេះ ប៉ុន្តែលេខទូរស័ព្ទនាងត្រូវ បានគូដណ្តឹង ដែលជនបរទេស លើកជំនួសហើយ បានប្រាប់ឲ្យដឹងថា «ផ្ទះដែលប្រកាសលក់ គឺខាងយើង ដាក់លក់ក្នុងតម្លៃ៩ម៉ឺនដុល្លារ ដែលផ្ទះនេះមានលក្ខណៈសម្បត្តិ ដូចដែលដាក់បង្ហោះ នៅលើបណ្តាញទំនាក់ទំនង Facebook ស្រាប់តែម្តង»។</span></p>
<p><span style="color: #000000;">នៅពេលដែលសួរទាក់ទង និងមូលហេតុ ដែលប្រកាស ដាក់លក់ផ្ទះបន្ទាន់នោះ ត្រូវបានលោកប្រាប់យ៉ាងខ្លីថា «មូលហេតុដែលខ្ញុំ លក់ផ្ទះនោះ ដោយសារតែផ្ទះវាធំពេក ហើយរស់នៅតែពីរនាក់ ទើបសម្រេចចិត្តលក់វាចោលតែម្តងទៅ។ ម្យ៉ាងវិញទៀតពួកខ្ញុំ ទាំងពីរនាក់ក៏មានផ្ទះមួយទៀត សម្រាប់រស់នៅជាមួយគ្នាហើយដែលមានទីតាំងនៅភ្នំពេញថ្មី ។ ក្រោយពីលក់ផ្ទះនេះហើយ ពួកខ្ញុំនឹងទៅរស់នៅទីនោះហើយ ..» ៕</span></p>
<p><a class="thickbox" title="" href="/FileManager/Commons/2015/10/19/13-19-10-2015--09-53-45.jpg"><img src="/FileManager/Articles/mce/2015/10/19/13-19-10-2015--09-53-45.jpg" alt="" /></a></p>
<p><a class="thickbox" title="" href="/FileManager/Commons/2015/10/19/13a-19-10-2015--09-53-52.jpg"><img src="/FileManager/Articles/mce/2015/10/19/13a-19-10-2015--09-53-52.jpg" alt="" /></a></p>
<p><a class="thickbox" title="" href="/FileManager/Commons/2015/10/19/13b-19-10-2015--09-54-01.jpg"><img src="/FileManager/Articles/mce/2015/10/19/13b-19-10-2015--09-54-01.jpg" alt="" /></a></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>