<div class="article-content">
<p><strong>ភ្នំពេញ៖</strong> ក្រុមយុវជនចិត្តភ្លើង ២ក្រុម បង្ហាញកម្លាំង ក្រោមអំណាចទឹកត្នោតជូរ បើកឆាកប្រយុទ្ធ<br />ដណ្តើមស្រីស្រស់ ក្នុងដួងចិត្ត ទីបំផុតចូលពេទ្យទាំងសងខាង ម្ខាងដាច់ម្រាមដៃ និងម្ខាងទៀត<br />បែកក្បាលជាច្រើនថ្នេរ។</p>
<p>ឆាកប្រយុទ្ធដាវសាម៉ូរ៉ៃដណ្តើមស្រីស្រស់នេះ បានកើតឡើងនៅវេលាម៉ោង ៤ និង៣០នាទីល្ងាច<br />ថ្ងៃទី២០ ខែតុលា ឆ្នាំ ២០១៣ នៅតូបលក់ទឹកត្នោតជូរមួយកន្លែងស្ថិតនៅក្នុងភូមិសំបូរ សង្កាត់<br />ដង្កោ ខណ្ឌដង្កោ រាជធានីភ្នំពេញ។</p>
<p>យោងតាមប្រភពព័ត៌មានពីសមត្ថកិច្ចចុះទៅអន្តរាគមន៍នៅកន្លែងកើតហេតុ បានឲ្យដឹងថា ក្រុម<br />បុរសខ្លាំងចិត្តភ្លើង បើកឆាកកាប់ចាក់គ្នាខាងលើនេះ ម្ខាងមានគ្នា២នាក់បងប្អូន រួមមាន ឈ្មោះ <br />ហេង សុខសាន្ត អាយុ ១៩ឆ្នាំ ឈ្មោះ ហេង ស៊ីថា អាយុ ១៧ឆ្នាំ ស្នាក់នៅជិតចំណុចកើតហេតុ <br />ហើយពួកគេទាំង ២នាក់ ត្រូវរងរបួសដាច់ម្រាមដៃ។ ចំណែកភាគីម្ខាងទៀត ដែលរងរបួសបែក<br />ក្បាល ក៏មាន ២នាក់ដែរ រួមមាន ឈ្មោះ ជា ហូយ អាយុ ២១ឆ្នាំ ឈ្មោះ ដូរ ដុំ អាយុ ២០ឆ្នាំ ពួកគេមានមុខរបរជាកម្មករសំណង់ស្នាក់នៅក្នុងភូមិសំបួរ សង្កាត់ដង្កោ ខណ្ឌដង្កោ។</p>
<p>ប្រភពព័ត៌មានពីសាក្សីនៅកន្លែងកើតហេតុ បានឲ្យដឹងថា មុនពេលកើតហេតុគេឃើញភាគី<br />ជម្លោះទាំងសងខាង បានមកអង្គុយផឹកស៊ី នៅជិតគ្នា ក្នុងតូបលក់ទឹកត្នោតជូរ ត្រង់ចំណុច<br />កើតហេតុ។ លុះផឹកស៊ីស្រវឹងជោករៀងៗខ្លួន ក៏លេចមុខនារីរូបស្រស់ម្នាក់ ដែលពួកគេធ្លាប់<br />លួចស្រឡាញ់តាំងពីយូរមកហើយនោះ ហើយផ្ទុះពាក្យសម្តីឌឺដង ដាក់គ្នារហូតបង្កជាជម្លោះ <br />ដោយភាគីយុវជនចិត្តភ្លើង ហេង សុខសាន្ត និងឈ្មោះ ហេង ស៊ីថា ទាញយកដងចប ទៅវាយ<br />ភាគី ជា ហូយ និង ដូរ ដុំ បណ្តាលឲ្យបែកក្បាលទាំង ២នាក់។</p>
<p>ខណៈឆាកប្រយុទ្ធកំពុងក្តៅគគុកនោះ ភាគីបែកក្បាល បានរត់ទៅយកដាវសាម៉ូរៃ មកដេញ<br />កាប់ឈ្មោះ ហេង សុខ សាន្ត និង ហេង ស៊ីថា បណ្តាលឲ្យរងរបួសដាច់ម្រាមដៃទាំង ២នាក់ <br />បង្កឲ្យមានការភ្ញាក់ផ្អើលដល់សមត្ថកិច្ចមូល ដ្ឋាន ចុះមកអន្តរាគមន៍ភ្លាមៗផងដែរ។</p>
<p>បន្ទាប់ពីកើតហេតុភាគីទាំងសង ត្រូវបានសាច់ញាតិទាំងសងខាង មកដឹកយកទៅសង្គ្រោះ <br />ឭតាមគ្លីនិកនានា ជិត កន្លែងកើតហេតុ។ សមត្ថកិច្ចក៏មិនទាន់អាចបញ្ជាក់ថា ភាគីទាំង២ <br />ខាងលើនេះ ថាភាគីខាងណាជាអ្នកបង្កហេតុ នៅឡើយទេ ព្រោះកំពុងស្ថិតក្នុងការសាកសួរ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-009/S-200.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-009/S-201.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-009/S-202.jpg" alt="" width="550" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>