<p><strong>ភ្នំពេញ៖</strong> តារាចម្រៀងស្រីដែលល្បីឈ្មោះគួរសម ក្នុងសិល្បៈ កញ្ញា ជិន ស្រីនុត មួយរយៈនេះ<br /> តែងរងនូវព័ត៌មានព្យុះភ្លៀង រឿងរ៉ាវជីវិតស្នេហាផ្ទាល់ខ្លួន ក្រៅឆាកច្រើនគួរសម មិនចាញ់តារា<br />ស្រីឯទៀតនោះទេ។ ថ្មីៗនេះក៏ស្រាប់តែបែកធ្លាយ ព័ត៌មានដ៏រសើបមកថា ជិន ស្រីនុត បានលួច<br />ភ្ជាប់ពាក្យស្ងាត់ៗ ជាមួយបុរសអ្នកមានទ្រព្យវ័យជិត ៤០ ម្នាក់នៅផ្ទះនាង ឯខេត្តកំពង់ចាម ក្បែរ<br />ទឹកដីភ្នំប្រុសភ្នំស្រី។</p>
<p>ប្រភពពីអ្នកនៅក្បែរតារាស្រីរាងតូចច្រឡឹង ជិន ស្រីនុត បានលួចទម្លាយឲ្យ LookingTODAY ដឹង<br />ថា ស្រីនុត កាលពីអំឡុងឱកាសបុណ្យចូលឆ្នាំថ្មីប្រពៃណីជាតិខ្មែរ ដែលទើបតែកន្លងផុតទៅប៉ុន្មាន<br />ថ្ងៃមកនេះនាង បានរៀបចំពិធីភ្ជាប់ពាក្យស្ងាត់ៗ មួយនៅឯស្រុកកំណើត ខេត្តកំពង់ចាម ជាមួយ<br />បុរសវ័យប្រហែលជា ជាង៤០ ឆ្នាំម្នាក់។</p>
<p>ប្រភពខាងលើបាននិយាយទៀតថា បើតាមគេដឹងពិធីនេះ គឺធ្វើឡើងដោយមាន ចាស់ទុំទាំងសង<br />ខាងបានដឹងឮ តែមិនមានលក្ខណៈធំដុំនោះទេ គឺគ្រាន់តែអ្នកទាំងពីរ បំពាក់ចញ្ជៀនឲ្យគ្នាទៅវិញ<br />ទៅមក ដើម្បីជាការបញ្ចាំចិត្តគ្នាតែប៉ណ្ណោះ។</p>
<p>ទាក់ទងព័ត៌មានលេចឮខាងលើនេះ ត្រូវបាន កញ្ញា ជិន ស្រីនុត ចេញមុខមកបដិសេធ ប្រាប់គេហ<br />ទំព័រ Looking TODAY ឲ្យដឹងភ្លាមៗនៅព្រឹកថ្ងៃនេះថា " អូយ...អ្នកគេនិយាយទៅបង..! ហត់ណាស់<br />នែក..? ឱម្ចាស់ថ្លៃហើយលោកអើយ អីក៏ប៉ិនយ៉ាងនេះ? ខ្ញុំរកតែសង្សាម្នាក់មិនបានផង តើលួចទៅ<br />ភ្ជាប់ពាក្យ ជាមួយណាគេ....ហើយខ្ញុំក៏មិនទាន់ចង់បានប្តីដែរ.."។</p>
<p>ស្រីស្រស់ទងវងសម្តីផ្អែមកញ្ញា ជិន ស្រីនុត បានបន្តថា "តើអ្នកណាគេនិយាយប្រាប់បង? ខ្ញុំសុំ<br />ប្រាប់បង ហើយអ្នកដែលនិយាយនោះឲ្យច្បាស់ថា ខ្ញុំមិនបានភ្ជាប់ជាមួយអ្នកណាទេ ហើយខ្ញុំក៏<br />មិនទាន់ចង់បានប្តីដែរ។ ម្យ៉ាងទៀតព័ត៌មាន ដែលគេនិយាយនេះមិនមែនជាការពិត គឺខុសស្រឡះ<br />តែម្តង"។</p>
<p>ផ្លែផ្កានៃការហក់ចូលប្រឡូក ក្នុងវិស័យសិល្បៈជាង២ឆ្នាំមកនេះ តារាស្រីរាងតូចច្រឡឹង សាច់ស<br />ម៉ដ្ឋ រលោង កញ្ញា ជិន ស្រីនុត ទទួលបានការគាំទ្រ និងមានប្រជាប្រិយភាព មិនចាញ់តារាជើង<br />ចាស់ប៉ុន្មានទេ។ ខណៈពេលដែលកេរ្តិ៍ឈ្មោះ កំពុងតែបោះជំហាន ទៅដើរទៅមុខជាបណ្តើរៗ <br />តារាស្រីរូបនេះ ក៏កំពុងមាន ឱកាសច្រើនក្នុងការចេញទៅ បង្ហាញរាងនៅក្រៅប្រទេសផងដែរ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-0359.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-0360.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-0361.jpg" alt="Looking Today" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>