<div class="article-content">
<p><strong>ភ្នំពេញ ៖</strong> បុរសជនជាតិហូឡង់ម្នាក់ ដែលជួលបន្ទប់ស្នាក់នៅ ក្នុងសណ្ឋាគារប៉ាស៊ីហ្វិក ត្រូវបាន<br />កម្លាំងនគរបាលមូលដ្ឋានរបស់ប៉ុស្ដិ៍ផ្សារថ្មីទី២ ខណ្ឌដូនពេញ ចុះទៅឃាត់ខ្លួន ក្រោយពីទទួល<br />សេចក្ដីរាយការណ៍ថា ជនសង្ស័យរូបនេះ បានជាប់ពាក់ព័ន្ធនឹងការចាប់រំលោភ ទៅលើស្ដ្រីជន<br />ជាតិហូឡង់ដូចគ្នា នៅក្នុងបន្ទប់ សណ្ឋាគារខាងលើ ។</p>
<p>យោងតាមរបាយការណ៍ របស់នគរបាលខណ្ឌដូនពេញបានឱ្យដឹងថា នៅវេលាម៉ោង ៧ព្រឹក ថ្ងៃទី<br />១៨ ខែ សីហា ឆ្នាំ២០១៣ ស្ថិតនៅចំណុចសណ្ឋាគារប៉ាស៊ីហ្វិក បន្ទប់លេខ៣០៥ ផ្ទះលេខ ២៣៤<br /> ផ្លូវព្រះមុនីវង្ស កែង ផ្លូវលេខ១៥៤ ភូមិទី៦ សង្កាត់ផ្សារថ្មីទី២ ខណ្ឌដូនពេញ កម្លាំងនគរបាលមូល<br />ដ្ឋានបានចុះទៅឃាត់ ខ្លួនបុរសជនជាតិហូឡង់ម្នាក់ ឈ្មោះ PETER VAN DEVEN អាយុ៣០ ឆ្នាំ<br /> មុខរបរ ជាភ្ញៀវទេសចរមក កំសាន្ដនៅប្រទេសកម្ពុជា ហើយបច្ចុប្បន្នជួលបន្ទប់សណ្ឋាគារស្នាក់<br />នៅ ។ ដោយឡែកស្ដ្រីរងគ្រោះ ឈ្មោះ SARAH KATIUKA MARIA NIJHOLT អាយុ២៥ឆ្នាំ មុខរបរ<br />ជាបុគ្គលិក នៅអង្គការ APPLE បច្ចុប្បន្ន ស្នាក់នៅផ្ទះជួល ផ្លូវលេខ១៩ សង្កាត់ផ្សារកណ្ដាលទី២ <br />ខណ្ឌដូនពេញ ។</p>
<p>របាយការណ៍របស់សមត្ថកិច្ចបានបន្ដថា នៅវេលាម៉ោងកើតហេតុខាងលើ កម្លាំងសមត្ថកិច្ច បាន<br />ទទួល សេចក្ដីរាយការណ៍ថា មានស្ដ្រីជនជាតិបរទេសម្នាក់ដេកនៅមុខ សណ្ឋាគារខាងលើ ដោយ<br />ពុំទាន់ដឹងមូលហេតុ ពេលនោះកម្លាំងសមត្ថកិច្ច បានចុះទៅសួរនាំទើបដឹងថា ស្ដ្រីរូបនេះត្រូវបាន<br />ជនសង្ស័យ ដេញចេពីបន្ទប់ក្រោយពីធ្វើសកម្មភាព ចាប់រំលោភហើយនោះ។ ក្រោយពីការសួរនាំ <br />និងដឹងថា ស្ដ្រីរងគ្រោះត្រូវ បានជនសង្ស័យ រូបនេះចាប់រំលោភរួចមក ទើបសមត្ថកិច្ចបានចូលទៅ<br />ក្នុងបន្ទប់ខាងលើ ហើយធ្វើការឃាត់ ខ្លួនតែម្ដង ។ បច្ចុប្បន្នជនសង្ស័យត្រូវបានសមត្ថកិច្ចឃុំខ្លួនជា<br />បណ្ដោះអាសន្ន ដើម្បីបញ្ជូនទៅឱ្យការិយា ល័យកណ្ដាលសន្ដិសុខ នៃស្នងការដ្ឋាននគរបាល រាជ<br />ធានីភ្នំពេញ ដើម្បីចាត់ការបន្ដទៀត ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0225.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>