<p><strong>ភ្នំពេញ៖</strong> ជារឿងដ៏អស្ចា្យមួយ សម្រាប់តារាចម្រៀងស្រី នូ សុវត្ថិធីតា ហៅធីតា ដែលមិនទាន់សូវល្បី តែអាចក្លាយជាប្រធានបទមួយ ដែលត្រូវ បានគេលើកយកមក និយាយពេញប្រទេស រួមមានតាមបណ្ដាហាងកាហ្វេធំតូច សាលារៀន នឹងគ្រប់ទីកន្លែង ខណៈមានអ្នកលេង ជាមួយ បណ្ដាញសង្គមហ្វេសប៊ុកមួយចំនួន នៅពេលនាងបទចម្រៀង Price tag ជាភាសាអង់គ្លេស បានយ៉ាងពីរោះ ធ្វើនរណាៗ ក៏ចាប់អារម្មណ៍ លើនាង ។</p>
<p>កញ្ញា ធីតា ត្រូវបានមនុស្ស រាប់ពាន់នាក់ រិះគន់នាងមិនប្រណីមាត់ សូម្បីជនបរទេស ក៏អត់ទ្រាំមិនបាន ព្រោះនាងច្រៀងភាសាអង់គ្លេស ញាប់ពេក រហូតស្ដាប់មិនបាន ទាល់តែសោះ សូម្បីក្រុមតន្ត្រីក៏ហួសចិត្តដែរ អ្វីដែលសំខាន់ ធីតាបានបង្ហើរសំនៀង ធ្វើព្រងើយ ដូចគ្មានអ្វីដែលកើតឡើងទាល់តែសោះ ចំណែកឯស្ទីលច្រៀង គឺស្រែកយកម៉ាឈ្នះដៃ មិនខ្វល់ពី អ្នកណាទាំងអស់ ។</p>
<p>តារាចម្រៀងជើងថ្មី កញ្ញា ធីតា កំពុងតែល្បីរីកមុខរីកមាត់ ក្រោមសំឡេងរិះគន់ ពីសំណាក់យុវវ័យ ប៉ុន្តែទោះជាយ៉ាងណា នាងជាតារាមានទេពកោសល្យខ្លាំង ក្នុងការច្រៀងបទជាភាសាបរទេស និងមានលក្ខណៈពីរោះ ដែលតារាខ្មែរខ្លះមិន អាចធ្វើបានដូចជានាងឡើយ ។ ធីតា ប្រកបអាជីពចម្រៀងនោះ យូរក្រែលហើយ ទើបតែល្បីល្បាញ ក្នុងពេលនេះ ដោយសារតែគេរិះគន់ នាងច្រើនពេក រហូតក្លាយជាប្រធានបទក្ដៅ ហើយត្រូវបានបណ្ដាញសារព័ត៌មាននានាចាប់អារម្មណ៍លើនាង ជាហូរហែ។</p>
<p>គេហទំព័រ LookingTODAY បានសុំខលទំនាក់ទំនង នាងដើម្បីទទួលបានការបំភ្លឺ ជុំវិញពាក្យរិះគន់ ទាំងនេះ ប៉ុន្តែគ្មានអ្នកទទួលទូរស័ព្ទ ខណៈដែលខលចូលជាច្រើនដង ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-141/photo-0107.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-141/photo-0110.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-141/photo-0106.jpg" alt="" width="500" /></p>
<p style="text-align: center;"><object width="473" height="405" data="http://www.youtube.com/v/C4uoVPL9wxQ&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/C4uoVPL9wxQ&rel=1" /></object></p>
<p style="text-align: right;"><a href="http://www.lookingtoday.com/index.php/entertainment-general-news/31037-2014-06-04-07-48-51.html" target="_blank">ផ្តល់សិទ្ធដោយ ៖ ដើមអម្ពិល</a></p>