<p> </p>
<p>នគរបាលអូទ្រីសប្រកាសថា ពួកគេបានប្រទះឃើញសាកសពលោក Shukri Ghanem អតីត<br />រដ្ឋមន្ដ្រីក្រសួងប្រេងរបស់លីប៊ីនៅក្នុងរបបហ្គាដាហ្វ៊ី អណ្ដែតតាមទន្លេនៅអ៊ឺរ៉ុប។</p>
<p><a class="thickbox" title="" href="/FileManager/Commons/2012/4/30/ghanem-30-04-2012--08-34-17.jpg"><img src="/FileManager/Articles/mce/2012/4/30/ghanem-30-04-2012--08-34-17.jpg" alt="" /></a></p>
<p class="Normal">អ្នកនាំពាក្យរបស់នគរបាលនៃក្រុង Vienna ប្រទេសអូទ្រីស បានថ្លែងថា ប្រជាជនម្នាក់បាន<br />ប្រទះឃើញសាកសពរបស់លោក Ghanem អតីតរដ្ឋមន្ដ្រីក្រសួងប្រេងរបស់លីប៊ីនៅក្នុង<br />របបហ្គាដាហ្វ៊ី អណ្ដែតក្រោមស្ពានតាមដងទន្លេ Danube ដែលហូរកាត់ក្រុង Vienna ។ <br />សាកសពនេះមិនមានលិខិតស្នាមអ្វីជាប់តាមខ្លួននោះទេ លើកលែងតែក្រដាសមួយដែល<br />មានឈ្មោះក្រុមហ៊ុនដែលលោកធ្វើការ។ ក្រុមនគរបាលមិនបានរកឃើញថាមានស្លាក<br />ស្នាមណាមួយដែលបង្ហាញថាលោកត្រូវបានសម្លាប់នោះដែរ។</p>
<p class="Normal">BBC ដកស្រង់សំដីរបស់លោក Roman Hahslinger អ្នកនាំពាក្យរបស់ក្រុង Vienna ប្រាប់<br />អោយដឹងថា ៖ "យើងពុំឃើញមានស្លាកស្នាមណាមួយបង្ហាញថា លោក Ghanem ត្រូវ<br />បានគេច្រានទៅក្នុងទន្លេនោះទេ។ នេះប្រហែលជាគាត់មានកម្លាំងខ្សោយ និងដួលទៅ<br />ក្នុងទឹក"។</p>
<p class="Normal">Ghanem អាយុ ៦៩ឆ្នាំ ជាទីប្រឹក្សាអោយក្រុមហ៊ុនមួយដែលមានទីតាំងនៅក្រុង Vienna <br />រួមជាមួយនឹងក្រុមគ្រួសាររបស់គាត់រស់នៅទីនេះផងដែរ។ តាមការសន្និដ្ឋានរបស់ក្រុម<br />នគរបាល លោក Ghanem អាចនឹងបានចាកចេញពីផ្ទះនៅ Vienna នាពេលព្រឹកថ្ងៃទី ២២ <br />មេសា។</p>
<p class="Normal">គួររំឮកថា នៅក្នុងរបបហ្គាដាហ្វ៊ី លោក Ghanem ធ្លាប់កាន់តំណែងជានាយករដ្ឋមន្ដ្រីចាប់<br />ពីឆ្នាំ ២០០៣ ដល់ ២០០៦។ ក្រោយមក ក៏បានធ្វើជារដ្ឋមន្ដ្រីក្រសួងប្រេងរហូតដល់គាត់<br />រត់ចេញពីប្រទេសនៅឆ្នាំ ២០១១។ លោក Ghanem បានរត់គេចខ្លួនទៅកាន់អ៊ឺរ៉ុបបន្ទាប់ពី<br />បាតុកម្មប្រឆាំងនឹងលោកហ្គាដាហ្វ៊ីបានក្លាយជាសង្គ្រាមស៊ីវិល។ </p>
<p class="Normal">ប្រភពព័ត៌មានបាននិយាយថា សាកសពរបស់លោក Ghanem នឹងត្រូវបានគេធ្វើកោសល្យ<br />វិច្ច័យនៅប៉ុន្មានថ្ងៃខាងមុខ៕</p>
<p class="Normal" style="text-align: right;">ដោយ ៖ សូរីយ៉ា<br />ប្រភព ៖ VE</p>