<p>ព័ត៌មានអន្តរជាតិ ៖ ជើងហោះហើរចំនួន ៥ ត្រូវបានផ្អាក ពន្យាពេល ក៏ដូចជា ធ្វើការចុះចត<br />ជាបន្ទាន់ ខណៈក្រុមមន្រ្តីប៉ូលីសចិន ក៏កំពុងតែធ្វើការតាមដានស៊ើបអង្កេត បន្ទាប់ពីទទួល<br />បានទូរស័ព្ទអានាមិក ដោយមានការគំរាមគំហែងបំផ្ទុះគ្រាប់បែក នេះបើយោងតាមសេចក្តី<br />រាយការណ៍ព័ត៌មាន ដែលទើបតែបានចេញផ្សាយ ដោយគេហទំព័រសារព័ត៌មានបរទេស<br />អាស៊ីវ័ន ។</p>
<p><a class="thickbox" title="" href="/FileManager/Commons/2013/5/16/topimage-16-05-2013--16-08-29.jpg"><img src="/FileManager/Articles/mce/2013/5/16/topimage-16-05-2013--16-08-29.jpg" alt="" width="441" height="209" /></a></p>
<p>គួរបញ្ជាក់ផងដែរថា ជើងហោះហើរចំនួន ៥ ដែលត្រូវបានផ្អាក ពន្យាពេល ក៏ដូចជាធ្វើការ<br />ចុះចតជាបន្ទាន់ទាំងនោះ ត្រូវបានប្រតិបត្តិការដោយក្រុមហ៊ុនអាការចរចិនរួមមានដូចជា៖<br />China Eastern Airlines, Juneyao Airlines ក៏ដូចជា Shenzhen Airlines ជាដើម។ លើស<br />ពីនេះ ប្រភពសារព័ត៌មានដដែលបន្ថែមថា ជើងហោះទាំង ៥ នោះ ធ្វើដំណើរឆ្ពោះទៅខេត្ត<br />Guangdong ប្រទេសចិន ។</p>
<p><a class="thickbox" title="" href="/FileManager/Commons/2013/5/16/2topimage-16-05-2013--16-10-32.jpg"><img src="/FileManager/Articles/mce/2013/5/16/2topimage-16-05-2013--16-10-32.jpg" alt="" width="438" height="289" /></a></p>
<p>គួររំឭកផងដែរថា ការដែលទទួលបានទូរស័ព្ទអានាមិក ដោយមានការគំរាមគំហែងបំផ្ទុះ<br />គ្រាប់បែកលើកនេះ ត្រូវបានបង្កជាភាពភ្ញាក់ផ្អើលភ្លាមៗ នាវេលាព្រឹកថ្ងៃពុធនេះ ។ យ៉ាង<br />ណាមិញ បើយោងតាមសេចក្តីថ្លែងការណ៍ របស់នាយកដ្ឋានអាកាសចរស៊ីវិលចិន បាន<br />អោយដឹងថា ក្រុមមន្រ្តីជំនាញខាងតាមដានស៊ើបអង្កេត ក៏កំពុងតែចេញប្រតិបត្តិការរបស់<br />ខ្លួន ដើម្បីរកអោយឃើញ ជនដែលនៅពីក្រោយរឿងនេះ ។ ប្រភពសារព័ត៌មានដដែល<br />បន្ថែមថា បើសិនណា ការតាមដានស៊ើបអង្កេតប្រព្រឹត្តិទៅបានយ៉ាងរលូន និងឈានទៅ<br />ដល់ការចាប់ឃាត់ខ្លួន ភារវជនដែលនៅពីក្រោយរឿងនេះពិតប្រាកដមែននោះគេអាចនឹង<br />ប្រឈមមុខក្នុងការផ្តន្ទាទោស ដោយជាប់ពន្ធនាគារ ដល់ទៅ ១៥ ឆ្នាំ។</p>
<p><a class="thickbox" title="" href="/FileManager/Commons/2013/5/16/1topimage-16-05-2013--16-10-50.jpg"><img src="/FileManager/Articles/mce/2013/5/16/1topimage-16-05-2013--16-10-50.jpg" alt="" width="434" height="326" /></a></p>
<p>ទីភ្នាក់ងារសារព័ត៌មាន China News Service បានបញ្ជាក់បន្ថែមអោយដឹងផងដែរថា<br />ទូរស័ព្ទអានាមិក ដោយមានការគំរាមគំហែង បំផ្ទុះគ្រាប់បែកលើកនេះ ត្រូវបាន call ចូល<br />កាលពីវេលាម៉ោង ៧ និង ៤០ នាទីព្រឹក ដោយបុរសមិនស្គាល់អត្តសញ្ញាណម្នាក់ ដោយ<br />គេបានបញ្ជាក់ថា នឹងមានការបំផ្ទុះគ្រាប់បែកនៅលើជើងយន្តហោះ ហោះហើរ Shenzhen<br /> Airlines' Flight ZH9243 ដែលជាចលករ ញ៉ាំងអោយមានការចុះចតជាបន្ទាន់ បន្ទាប់ពី<br />បានទទួលការហៅចូលលើកនេះ៕</p>
<p style="text-align: right;">ដោយ ៖ រិទ្ធី<br />ប្រភព ៖ អាស៊ីវ័ន</p>