<p><strong>ភ្នំពេញ៖</strong> មុននេះបន្តិច តារាចម្រៀងរូបសង្ហាប្រចាំផលិតកម្ម សាន់ដេ លោក អាន គុណកូឡា <br />ជាមួយដៃគូដ៏ស័ក្តិសម គឺ កញ្ញា យូរី ត្រូវបានមហាជន និងស្រទាប់យុវវ័យមួយចំនួន ដឹងយ៉ាង<br />ច្បាស់ថា តារាចម្រៀងប្រុសស្រីទាំងពីរដួងនេះ នឹងត្រូវដឹងដៃគ្នាចេញទៅច្រៀងនៅប្រទេស<br />កូរ៉េ ។ មិនតែប៉ុណ្ណោះ ក៏មានបណ្តាញសារព័ត៌មាន ក្នុងស្រុកមួយចំនួនចុះផ្សាយព្រោងព្រាត ស្តីពីដំណើរចេញទៅច្រៀងនៅខាងក្រៅប្រទេស របស់អ្នកទាំងពីរផងដែរ ។</p>
<p>ប៉ុន្តែដោយឡែក នៅពេលនេះគម្រោងចេញទៅច្រៀងនៅប្រទេសកូរ៉េ របស់លោក អាន គុណ<br />កូឡា និង យូរី ត្រូវបានលុបចោលវិញយ៉ាងឆាប់រហ័ស ខណៈដំណឹងនេះ ត្រូវបានមហាជនទូទៅ<br />បានដឹងរួចទៅហើយនោះ ។</p>
<p>មូលហេតុដែលតារាចម្រៀងរួមដំបូលប្រុសស្រីទាំងពីរដួងនេះលុបចោលគម្រោងចេញទៅ<br />ច្រៀងនៅប្រទេសកូរ៉េពេលនេះ គឺដោយសារតែខាងផលិតកម្ម សាន់ដេ ជាប់រវល់ខ្លាំង ។</p>
<p>ជុំវិញនឹងការលុបចោលគម្រោង ចេញទៅច្រៀងនៅប្រទេសកូរ៉េ របស់តារាចម្រៀង សាន់ដេ <br />លោក អាន គុណកូឡា និង យូរី ត្រូវបានស្រីស្រស់តូចច្រឡឹង យូរី ប្រាប់គេហទំព័រ Looking<br />TODAY ឲ្យដឹងថា “ឥឡូវនេះគម្រោងចេញទៅច្រៀង នៅប្រទេសកូរ៉េរបស់ខ្ញុំ គឺបានលុបចោល<br />(Cancel)ហើយបង…! ព្រោះតែខាងផលិតកម្ម សាន់ដេ សម្រុកថតខ្សែភាពយន្ត ហើយតារា<br />ចម្រៀងដែលត្រូវចេញទៅច្រៀង នៅទីនោះ ក៏ត្រូវថតខ្សែភាពយន្តដែរ ។ ដូច្នេះពួកខ្ញុំ ក៏<br />សម្រេចចិត្តលុបចោលគម្រោងនេះតែម្តង.." ។</p>
<p>យូរី បានបន្តថា តាមពិតទៅគម្រោង ដែលត្រូវចេញទៅច្រៀងនៅប្រទេសកូរ៉េ គឺតាំងពីថ្ងៃទី<br /> ២ សីហា មកម៉្លេះ ហើយនឹងត្រឡប់មកវិញនៅថ្ងៃទី ៦ ខែ សីហា តែពេលនេះ គឺត្រូវបានលុប<br />ចោលទៅហើយ ដោយតារាចម្រៀងដែលត្រូវទៅច្រៀង ជាប់រវល់ថតខ្សែភាពយន្ត ។</p>
<p>គួរបញ្ជាក់ថា នារដូវធ្លាក់ភ្លៀងចូលមកដល់ តារាចម្រៀងប្រុសស្រី របស់ផលិតកម្ម សាន់ដេ ទាំងអស់មានការមមាញឹកយ៉ាងខ្លាំងស្ទើរដកឃ្លាមិនរួច នេះព្រោះតែខាងផលិតកម្ម បានចាប់<br />ផ្តើមសម្រុកថតខ្សែភាពយន្តថ្មី របស់ខ្លួនគឺរឿង “ព្រាយក្បាលប្រាំបី” ។ ចំណែកតួសម្តែងសំខាន់ៗ<br />ទាំងអស់ គឺសុទ្ធតែជាតារាចម្រៀង នៅក្នុងផលិតកម្មនេះតែម្តង ៕</p>
<p><img src="http://image.lookingtoday.com:81/lookingtoday/looking-images/news/2013/July/id-030/Kosal-0252.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/August/id-099/v_0662.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/August/id-099/v_0663.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/August/id-099/v_0664.jpg" alt="" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអពិល </p>