<p><strong>ភ្នំពេញ៖</strong> តារាសម្តែង និងបង្ហាញម៉ូដ ត្រូវបានគេស្គាល់ថា ជាបងស្រីបង្កើត របស់កញ្ញា ម៉ា នីកា គឺកញ្ញា ម៉ា នីតា ថ្មីៗនេះធ្លាយដំណឹងថា បច្ចុប្បន្ននាង បានសម្រេចចិត្ត ដើរចេញពីវីថីសិល្បៈទាំងស្រុង ខណៈជីវិតស្នេហារបស់នាង នឹងឈានដល់ដំណាក់កាលរៀបអាពាហ៍ពិពាហ៍ ក្នុងពេលដ៏ខ្លីខាងមុខជាមួយបុរស ក្នុងស្រុកម្នាក់។</p>
<p>ផ្អែកតាមប្រភពច្បាស់ការណ៍ ពីអ្នកនៅក្បែរតារាសម្តែង កញ្ញា ម៉ា នីតា បានប្រាប់គេហទំព័រ LookingTODAY ឲ្យដឹងថ្មីៗនេះថា នីតា រាល់ថ្ងៃមានម្ចាស់ចិត្តរួចទៅហើយ ដែលបុរសម្នាក់នោះ គឺជាអ្នកធ្វើការងារ នៅក្នុងក្រុមហ៊ុនទេសចរណ៍ ក្នុងស្រុកមួយ។ ម្យ៉ាងទៀតគូស្នេហ៍ទាំងពីរ ក៏បានសម្រេចចិត្តចូលរោងការ ជាមួយគ្នានៅអំឡុងដើមខែ មិថុនា ឆ្នាំ២០១៤នេះ។ ប្រភពបានបញ្ជាក់ថា ឥឡូវនេះកញ្ញា ម៉ា នីតា បានលាឈប់ ពីអាជីពអ្នកសិល្បៈទាំងស្រុង ព្រោះនាងជិតក្លាយជាកូនក្រមុំ និង គ្រងឈុតអាពាហ៍ពិពាហ៍ ក្នុងពេលឆាប់ៗខាងមុខនេះ។</p>
<p>ផ្តល់សម្ភាសន៍ជាមួយគេហទំព័រ LookingTODAY តាមទូរស័ព្ទ នៅរសៀលថ្ងៃទី៣ ខែមីនា ឆ្នាំ២០ ១៤នេះ កញ្ញា ម៉ានីតា បាននិយាយប្រាប់ ដោយមិនលាក់លៀមថា "ចាស់…បង! ជាការពិត ខ្ញុំឈប់ពីសិល្បៈហើយពេលនេះ…!ការសម្រេចចិត្តឈប់ពីសិល្បៈ ព្រោះនៅ ខែ៦ (មិថុនា) នេះ ខ្ញុំត្រូវរៀបការជាមួយគូស្នេហ៍ ខ្ញុំហើយ..!"។</p>
<p>នីតា បានបន្តថា "ខ្ញុំមិនលាក់ទេ នៅថ្ងៃទី៦ ខែ៦ ឆ្នាំ២០១៤នេះ ខ្ញុំនឹងត្រូវរៀបអាពាហ៍ពិពាហ៍ ជាមួយគាត់ (បុរសជាម្ចាស់បេះដូង)។ ចំណែកអាជីពសិល្បៈរបស់ខ្ញុំ គឺត្រូវចប់ទាំងស្រុក ក្រោយពេលបានសម្រេចចិត្ត ទទួលយកគូអនាគតម្នាក់នេះ ។ ឥឡូវខ្ញុំមានគ្រួសារហើយ នៅពេលរៀបការរួចរាល់នោះ ប្រាកដជាគ្មានពេលទំនេរ សម្រាប់សិល្បៈទៀតនោះទេ "។</p>
<p>តារាសម្តែងធ្លាប់ មានឈ្មោះល្បីគួរសម ក្នុងពិភពសិល្បៈកញ្ញា ម៉ា នីតា បានបញ្ជាក់ប្រាប់ថា បន្ទាប់ពីរៀបអាពហ៍ពិពាហ៍រួច បុរសជាម្ចាស់ស្នេហ៍ នឹងបើកមុខជំនួញថ្មីឲ្យរកស៊ី គឺបើកហាងសាឡង ដែលមានទីតាំង នៅក្បែរផ្ទុះម្តាយក្មេកម្តុំទឹកថ្លា។ បុរសដែលត្រូវជាអនាគតស្វាមីរបស់កញ្ញា ម៉ានីតា បច្ចុប្បន្នកំពុងរស់នៅស្រុកខ្មែរ ហើយធ្វើការងារ នៅក្រុមហ៊ុនទេសចរណ៍ មួយកន្លែងក្នុងក្រុងភ្នំពេញ និងមានអាយុ៣២ឆ្នាំ នេះបើតាមការឲ្យដឹង ពីតារាស្រីរូបនេះ។</p>
<p>ជាមួយគ្នានេះ កញ្ញា នីតា បានបន្ថែមថា សម្រាប់ពិធីរៀបមង្គលការរបស់នាង នៅថ្ងៃទី ៦ ខែមិថុនា ខាង នេះ នឹងត្រៀមហៅភ្ញៀវ ចូល ចំនួន៥៥ តុ នៅមជ្ឈមណ្ឌលកោះពេជ្រ ក្នុងនោះ៧០ភាគរយ ជាអ្នកសិល្បៈ ត្រូវបានចូលរួម៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-065/PISETH-010.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-065/PISETH-011.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-065/PISETH-012.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-065/PISETH-013.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/29216-2014-04-04-10-31-57.html" target="_blank">ផ្តល់សិទ្ធដោយ ៖ ដើមអម្ពិល</a></p>