<p>Android One ជាគម្រោងទូរស័ព្ទឆ្លាតវៃតម្លៃទាប ត្រូវបាន Google បង្កើតឡើង បានចាប់ផ្ដើម<br />ពង្រីកទីផ្សារខាងក្រៅឥណ្ឌា ហើយគោលដៅបន្ទាប់គឺនៅអាស៊ីទាំងមូល។</p>
<p style="text-align: center;"><a class="thickbox" title="" href="/FileManager/Commons/2014/12/23/android-onejpgd-23-12-2014--13-17-18.png"><img src="/FileManager/Articles/mce/2014/12/23/android-onejpgd-23-12-2014--13-17-18.png" alt="" /></a></p>
<p>នេះគឺជាដំណឹងល្អបំផុត សម្រាប់ប្រជាជននៅក្នុងប្រទេសកំពុងអភិវឌ្ឍនៅអាស៊ី ដោយសារតែ វាគឺជាស្មាតហ្វូនដែលត្រូវបានផលិតឡើងដោយ Google និងមានតម្លៃទាបបំផុត។</p>
<p>គម្រោង Android One ដែលត្រូវបានប្រកាសជាផ្លូវការ នៅក្នុងសន្និសិទ Google IO ចំពោះជន<br />ជាតិអាមេរិក One មិនមានអត្ថន័យច្រើនប៉ុន្មាននោះទេ ប៉ុន្ដែ សម្រាប់មនុស្សទូទាំងពិភពលោក <br />ពិសេសគឺប្រជាជនដែលមានចំណូលទាប វាគឺពិតជាគម្រោងមួយដ៏គួរឱ្យចាប់អារម្មណ៍បំផុត។</p>
<p style="text-align: center;"><a class="thickbox" title="" href="/FileManager/Commons/2014/12/23/android-onejpglkag-23-12-2014--13-21-24.jpg"><img src="/FileManager/Articles/mce/2014/12/23/android-onejpglkag-23-12-2014--13-21-24.jpg" alt="" /></a></p>
<p>Android One គឺជាមហិច្ឆតារបស់ Google ដោយក្រុមហ៊ុននេះ មានបំណងជួយឱ្យមនុស្សចំនួន <br />៥ពាន់លាននាក់ មានឱកាសប្រើស្មាតហ្វូន។</p>
<p style="text-align: center;"><a class="thickbox" title="" href="/FileManager/Commons/2014/12/23/android-one-23-12-2014--13-18-12.jpg"><img src="/FileManager/Articles/mce/2014/12/23/android-one-23-12-2014--13-18-12.jpg" alt="" /></a></p>
<p>បច្ចុប្បន្ន ថ្វីបើ Android One មិនទាន់ទទួលបានជោគជ័យប៉ុន្មាន នៅឥណ្ឌា ប៉ុន្ដែ នេះគឺជាឈ្នាន់<br />ដ៏សំខាន់ ដើម្បីជួយឱ្យ Google អាចពង្រីកទីផ្សាររបស់ខ្លួន ក្នុងទ្វីបអាស៊ីទាំងមូល។ ជាក់ស្ដែង <br />Google កំពុងតែត្រៀមដើម្បីអនុវត្តគម្រោង បញ្ចេញស្មាតហ្វូនតម្លៃទាប នៅបណ្ដាប្រទេសកំពុង<br />អភិវឌ្ឍមួយចំនួន ដូចជា បង់ក្លាដែស នេប៉ាល់ និងប្រទេសស្រីលង្ការ នាសប្ដាហ៍ក្រោយ ដោយ<br />មានសហការណ៍ពីក្រុមហ៊ុន Micromax , Karbonn និង Spice។</p>
<p style="text-align: center;"><a class="thickbox" title="" href="/FileManager/Commons/2014/12/23/android-onejpgdd-23-12-2014--13-18-50.jpg"><img src="/FileManager/Articles/mce/2014/12/23/android-onejpgdd-23-12-2014--13-18-50.jpg" alt="" /></a></p>
<p>ទន្ទឹមនឹងនេះ បណ្ដាដៃគូជំនួញជាផ្លូវការរបស់ Android One ដូចជា HTC, Acer, Lenovo, Asus,<br /> Sony និង Panasonic ក៏បានត្រៀមខ្លួនជាស្រេច ដើម្បីចូលរួមចំណែកផលិតស្មាតហ្វូន Android <br />One នៅឆ្នាំក្រោយ។ សង្ឃឹមថា នៅទូទាំងអាស៊ី ក្នុងនោះមានកម្ពុជាផងនោះ នឹងមានឱកាសប្រើ<br />ប្រាស់ស្មាតហ្វូនតម្លៃទាបរបស់ Google នៅឆ្នាំ ២០១៥។</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Cnet</p>