<p><span style="color: #000000;"><strong>(ភ្នំពេញ)៖</strong> តារាកំប្លែង នាយ ស្មាញ ដែលធ្លាប់តែធ្វើឲ្យទស្សនិកជន ផ្ទុះសំណើចតាមរយៈឆាកតន្រ្តី និងពីកញ្ចក់ទូរទស្សន៍នានានោះ នៅពេលនេះ លោកកំពុងតែធ្លាក់ខ្លួនឈឺដុនដាប ដេកជាប់នៅលើគ្រែ ស្គមស្គាំង សល់តែស្បែកដណ្ដប់ឆ្អឹង កំពុងតែសម្រាកព្យាបាល នៅក្នុងមន្ទីរពេទ្យ ព្រះកេតុមាលា (ពេទ្យ១៧៩) ខាងជើងវត្តភ្នំ និងកំពុងតែដង្វោយ ស្វែងរកជំនួយជាបន្ទាន់ ដើម្បីជួយព្យាបាលជំងឺនេះ ឲ្យបានធូរស្រាល ខណៈដែលគ្រួសារកំពុងតែខ្វះ លទ្ធភាពចំណាយលើសេវា ព្យាបាលយ៉ាងខ្លាំង។</span></p>
<p><span style="color: #000000;">យោងតាមការឲ្យដឹង ពីសំណាក់លោក សុះ ម៉ាច ប្រធានសមាគមសិល្បករខ្មែរ ដែលបានអញ្ជើញទៅសួរសុខទុក្ខ និងនាំយកថវិកាឧបត្ថម្ភដល់ នាយស្មាញ ដល់មន្ទីរពេទ្យផ្ទាល់ បានឲ្យដឹងក្នុងបណ្ដាញសង្គម របស់លោកថា «<strong>សិល្បករកំប្លែងម្នាក់ទៀតហើយ ដែលធ្លាក់ខ្លួនឈឺ(នាយស្មាញ) ឈឺក្អកធ្លាក់ឈាមមិនបាត់ បីថ្ងៃហើយ កំពុងសម្រាកព្យាបាល នៅមន្ទីរពេទ្យ ព្រះកេតុមាលា អតីតពេទ្យ179 បន្ទប់លេខ3 ។ ល្ងាចនេះខ្ញុំបាទ បានយកថវិកា ដែលជាសន្តានចិត្ត របស់តារាសម្តែង និងចម្រៀង កញ្ញា ពេជ្រ អាវីហ្សា ចំនួន50$ លោកពូ ឡាត់ សយ 25$ និងថវិការបស់ខ្ញុំផ្ទាល់ 25$ សរុបទាំងអស់100$ ទៅជូននាយផងដែរ។ បើទោះបីនាយមិនមានឈ្មោះ ជាសមាជិកកាន់កាត សមាគមសិល្បៈក៏ដោយ</strong> »។</span></p>
<p><span style="color: #000000;">លោក សុះ ម៉ាច បានបន្តឲ្យដឹងទៀតថា «<strong>នាយក៏សូមអំពាវនាវ សុំជំនួយពីសប្បុរសជន និងមិត្តសិល្បៈទាំងអស់ ជួយដល់នាយផង ដ្បិតនាយមិនមានលទ្ធភាព ក្នុងការចំណាយថ្លៃព្យាបាល រយៈពេលដល់ទៅ៦ខែ ដែលលោកគ្រូពេទ្យ តម្រូវឲ្យព្យាបាលរហូតជានោះទេ ។ នាយក៏លើកម្រាមដៃដប់ សូមថ្លែងអំណរគុណចំពោះ កញ្ញា អាវីហ្សា និងលោកពូ ឡាត់ សយ ព្រមទាំងខ្ញុំបាទផងដែរ ..!</strong>»។</span></p>
<p><span style="color: #000000;">ដោយឡែកលោក សុះ ម៉ាច ផ្ទាល់ ក៏បានសម្ដែងអារម្មណ៍ សោកសង្រែង និងប្រកូកប្រកាសដល់អ្នកសិល្បៈ ឲ្យចេះជួយគ្នានៅពេលនេះថា «<strong>ឱ!លោកអើយ!! ម្តេចក៏ជួបរឿងផ្ទួនៗ មកលើអ្នកសិល្បៈបែបនេះ? សូមជួយនាយផង! ជួយយកតែបុណ្យទៅចុះ! យើងសុទ្ធតែជាខ្មែរដូចគ្នាទេ ណាបងប្អូនអើយ! បើមានបំណងជួយដល់នាយ សូមទំនាក់ទំនង តាមរយៈលេខ 012 932 672 ឬលេខខ្ញុំបាទ 017 48 01 77 សូមអរគុណ ..!</strong>»៕</span></p>
<p> </p>
<p><img src="https://fbcdn-sphotos-g-a.akamaihd.net/hphotos-ak-xpa1/v/t1.0-9/13076915_1746189888952718_7608640317434724145_n.jpg?oh=707eca88732c5cc294801a70aa08583c&oe=57BB0A8B&__gda__=1470383329_ad98a5c5104220ecf33325773f29a707" alt="" width="730" /></p>
<p><img src="https://scontent-kul1-1.xx.fbcdn.net/v/t1.0-9/13055300_1746189908952716_6057983476040870600_n.jpg?oh=e5c346566bcc00b0b79ba50e59e5a567&oe=57C04D52" alt="" width="730" /></p>
<p><img src="https://scontent-kul1-1.xx.fbcdn.net/v/t1.0-9/13051655_1746189862286054_8370740701290773645_n.jpg?oh=0dba570c9b0ebd26c3e7c62f54eb5f04&oe=57A75349" alt="" width="730" /></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>