<p>គំរូ iPhone សំបកជ័ររបស់ Apple បានមានបរិមាណលក់ចេញ គួរឲ្យអស់សង្ឃឹមមួយ បើប្រៀប<br />នឹងការរំពឹងទុក កាលពីដំបូង។ កត្តានេះធ្វើឲ្យ Apple ត្រូវកែប្រែបរិមាណផលិត នៅតាមបណ្តា<br />រោងចក្រ ឯប្រទេសចិន សារជាថ្មី។</p>
<p>បើយោងតាមប្រភពមួយពីប្រទេសចិន បរិមាណផលិតក្នុងមួយថ្ងៃៗនៃ iPhone 5C ត្រូវបានបន្ថយ<br />នៅត្រឹមតែ ៥០% ប៉ុណ្ណោះ។ តាំងពីអាចផលិតចេញចំនួន ៣០ ម៉ឺនគ្រឿង ក្នុងមួយថ្ងៃ ចរន្តផលិត<br />នៅតាមបណ្តារោងចក្រទាំងនោះ ត្រូវបានបន្ថយផលិតត្រឹមតែ ១៥ ម៉ឺនគ្រឿង/ថ្ងៃ វិញ។</p>
<p class="Normal">មូលហេតុដែលបណ្តាលឲ្យមានការកែប្រែនេះ ត្រូវបានឲ្យដឹងថា មកពី iPhone 5C លក់មិនសូវដាច់<br />(លក់ អេរ) ហើយនិងមិនត្រូវបានអតិថិជន ស្រលាញ់ចូលចិត្តដូចការប៉ាន់ស្មានឡើយ។ កាលពីខែ<br />មករា ដើមឆ្នាំនេះ ក៏មានរបាយការណ៍មួយចំនួន បានឲ្យដឹងថា iPhone 5 ត្រូវបាន Apple បន្ថយ<br />ផលិតពាក់កណ្តាល ដោយហេតុផល តម្រូវការទិញមានការថយចុះ។ ជាក់ស្តែង iPhone 5 នៅតែ<br />មានការទាក់ទាញ ចាប់អារម្មណ៍ខ្លាំងជាងជ្រើន បើប្រៀបជាមួយ iPhone 5C។</p>
<p class="Normal"><a class="thickbox" title="" href="/FileManager/Commons/2013/10/12/iphone-5c-1932-1381544013-12-10-2013--10-17-56.jpg"><img src="/FileManager/Articles/mce/2013/10/12/iphone-5c-1932-1381544013-12-10-2013--10-17-56.jpg" alt="" /></a></p>
<p class="Normal">ទន្ទឹមនឹងនោះ ការដែលប្រើប្រាស់ ការរចនាម៉ូតសំបកជ័រ និងមានច្រើនពណ៌ បានធ្វើឲ្យស្មាតហ្វូន<br />មួយនេះ មិនមានលក្ខណៈប្រណិត (លេចធ្លោ) ដូចបណ្តាគំរូ iPhone ផ្សេងទៀតឡើយ ហើយមួយ<br />ទៀត 5C ក៏ត្រូវបានទទួលរងនូវសំពាធ ប្រកួតប្រជែងយ៉ាងស្វិតស្វាញពី iPhone 5S ម៉ូដែលដែលមាន<br />ការរចនាម៉ូតស្អាតលេចធ្លោជាងច្រើន ហើយមានតម្លៃថ្លៃជាងប្រហែល ១០០ ដុល្លារ(តំលៃនៅអាមេរិច)<br /> ប៉ុណ្ណោះ៕</p>
<p><strong>ព័ត៌មានគួរឲ្យចាប់អារម្មណ៍ផ្សេងទៀត៖</strong></p>
<p class="Normal"><a href="/News/Detail/70264/s3-and-note-2-which-one-i-should-buy"><span style="color: #0000ff;">- Forum: រវាង Galaxy S3 និង Galaxy Note 2 តើគួរទិញមួយណា?</span></a><strong></strong><a href="/News/Detail/87194/samsungs-new-tablet-can-run-two-operating-systems"><span style="color: #0000ff;"><br />- Tablet ថ្មីរបស់ Samsung អាចប្រើបាន ប្រព័ន្ធប្រតិបត្តិការ ពីរ ក្នុងឧបករណ៍តែមួយ</span></a><strong></strong><a href="/News/Detail/71906/press-photo-gorgeous-galaxy-note-3-mini"><span style="color: #0000ff;"><br />- រូបភាពកាសែត ដ៏ស្អាត របស់ Galaxy Note 3 mini </span></a><strong></strong><a href="/News/Detail/38067/samsung-will-launch-galaxy-s5-on-12014"></a></p>
<p><span style="color: #0000ff;"><span style="color: #333333;">ព័ត៌មានស្តីពីបច្ចេកវិទ្យាថ្មីៗ គួរឲ្យចាប់អារម្មណ៍ជាច្រើនទៀត</span></span><strong><strong><a href="/News/Category/45/hightech"><span style="color: #0000ff;"> សូមចុចត្រង់នេះ</span></a></strong> !!!</strong></p>
<p style="text-align: right;">ប្រែសម្រួល៖ សិលា<br />ប្រភព៖ Vexpress</p>