<p>ត្រឡប់ទៅប្រទេសអាហ្សង់ទីន ដើម្បីរៀបចំខ្លួនសម្រាប់ World Cup Messi បានប្រកាសឲ្យដឹងថា រូប គាត់បានត្រៀមខ្លួនជាស្រេច ក្នុងការចាកចេញពីក្លឹប Barcelona បើសិនជាបណ្តាអ្នកគាំទ្រក្លឹប ចង់ បានរឿងនោះ។</p>
<p>Messi ទើបតែចុះហត្ថលេខា លើកិច្ចសន្យាថ្មីជាផ្លូវការជាមួយ Barcelona ក្នុងកំរិតប្រាក់បៀវត្សបំបែក ឯកត្តកម្មពិភពលោក ២០លានអឺរ៉ូ ក្នុងមួយរដូវកាលប្រកួត។ ក្រោយមក តារាបាល់ទាត់សញ្ជាតិ អាហ្សង់ទីនរូបនេះ បានធ្វើដំណើរត្រឡប់ទៅស្រុកកំណើត ដើម្បីផ្តោតអារម្មណ៍រួមជាមួយក្រុម ជម្រើសជាតិ ដើម្បីត្រៀមខ្លួនសម្រាប់ World Cup 2014។ មានវត្តមាននៅព្រលានយន្តហោះ Ezeiza ឯទីក្រុង Buenos Aires កាលពីថ្ងៃម្សិលមិញ Messi ត្រូវបានក្រុមអ្នកសារព័ត៌មាន ចោមរោមថតរូប ជាមួយនឹងសំណួរជាច្រើន ស្តីពីអនាគតរបស់រូបគាត់។</p>
<p>ភាពភ្ញាក់ផ្អើលបានកើតឡើងដល់អ្នកគ្រប់គ្នា នៅពេលដែល Messi កំណត់បញ្ជាក់ថា រូបគាត់បាន ត្រៀមខ្លួនជាស្រេច ក្នុងការចាកចេញពី Barcelona បើសិនជាអ្នកគាំទ្រក្លឹប ត្រូវការដូច្នេះ: “ខ្ញុំតែងតែ និយាយថា Barcelona គឺពិតជាផ្ទះរបស់ខ្ញុំ។ ប៉ុន្តែបើនៅថ្ងៃណាមួយនោះ អ្នកទាំងអស់គ្នា មិនចង់ ឃើញខ្ញុំបង្ហាញវត្តមានទៀត ខ្ញុំនឹងចាកចេញទៅភ្លាម។ ខ្ញុំស្រលាញ់ Barcelona នោះគឺជាការពិត បើ ទោះជាពួកគេជឿជាក់ខ្ញុំ ឬក៏អត់ គឺមិនមានបញ្ហាអ្វីនោះទេ”។</p>
<p><a class="thickbox" title="" href="/FileManager/Commons/2014/5/22/1400727162-bong-da-messi1-22-05-2014--20-16-56.jpg"><img src="/FileManager/Articles/mce/2014/5/22/1400727162-bong-da-messi1-22-05-2014--20-16-56.jpg" alt="" /></a></p>
<p>បន្ទាប់មក Messi ក៏បានបង្ហាញពីអារម្មណ៍ធូរស្រាលចិត្តបន្តិចផងដែរ បន្ទាប់ពីមួយរដូវកាល មិន ទទួលបានពានអ្វីមួយសោះ ជាមួយនឹង Barcelona: “ខ្ញុំចង់ធ្វើការផ្លាស់ប្តូរខ្លះ ក្នុងការគិត។ ខ្ញុំបាន មានពេលវេលា លេងមិនសូវបានល្អដល់ ក្រុមជម្រើសជាតិអាហ្សង់ទីន និង Barcelona។ ខ្ញុំកំពុងតែ ខិតខំបំភ្លេចចោលនូវរឿងទាំងនោះ ដើម្បីប្រមូលអារម្មណ៍ឲ្យល្អ សម្រាប់លេងក្នុង World Cup”៕</p>
<p style="text-align: center;"><object width="500" height="400" data="http://www.youtube.com/v/srQ0-XJuAMs&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/srQ0-XJuAMs&rel=1" /></object></p>
<p> </p>
<p style="text-align: right;">ប្រែសម្រួល៖ សិលា<br />ប្រភព៖ 24h</p>