<p><strong>ភ្នំពេញៈ</strong> បន្ទាប់ពីស្នេហា របស់តារាប្រុសស្រីវ័យក្មេង កញ្ញា សន នាងផល្លីកា និង VJ រតនា ត្រូវបានពុះបំបែកស្នេហ៍ ក្រោយពីភាគីខាងស្រី បានព្រលយពាក្យសុំបែកគ្នាពីសង្សារ មិនទាន់បានប៉ុន្មានខ្យល់ផង ស្រាប់តែលេចឮព័ត៌ មានតៗ គ្នាថា តារាស្រីរូបនេះ កំពុងតែសម្ងំបង្កាត់ភ្លើងស្នេហ៍ លួចលាក់ជាមួយជាកូនប្រុស អ្នកធំម្នាក់ ។</p>
<p>វាមិនមែនជារឿងចម្លែកទេ សម្រាប់មនុស្សស្រី ដែលមានសម្រស់ស្រស់ស្អាត ប្រៀបដូចជា បុប្ផាក្រពុំ រីកសាយភាយក្លិន ក្រអូបធ្វើឲ្យកន្លង់ៗ តាមប្រម៉ាញ់ស្នេហ៍បន្តកន្ទុយគ្នាមិនដាច់ ។ នៅពេលថ្មីៗនេះ អតីតតារាចម្រៀង ក្នុងផលិតកម្ម Big Man កញ្ញា សន នាងផល្លីកា ត្រូវបានកំលោះរូបសង្ហា សម្បូរលុយចាយពេញៗដៃ ដែលគេស្គាល់ថា ជាកូនប្រុសអ្នកធំ មានអំណាចម្នាក់ កំពុងតែតាមសុំស្នេហ៍ និងស្នើខ្លួនធ្វើជា គ្រូពេទ្យព្យាបាល របួសបេះដូង ក្រោយពីនាងបាន ជួបស្នេហ៍ប្រះស្រាំ ជាមួយអតីតសង្សារ លោក រតនា ។</p>
<p>ថ្មីៗនេះ លេចឮព័ត៌មាន ចចាមអារ៉ាមថា នាង ផល្លីកា បានដកខ្លួនចេញពីសិល្បៈ ទៅសម្ងំសាងស្នេហ៍ ជាមួយអ្នកថ្មី និងរស់នៅ ក្នុងជីវភាពស៊ីវិល័យ សម្បូរលុយចាយមិនខ្វះ ដោយសារតែបុរសកំពូលស្នេហ៍ ទំនុកបម្រុងឲ្យ នាងគ្រប់បែបយ៉ាង ដើម្បីជាថ្នូរ ដូរយកបេះដូង នាងមកធ្វើជាម្ចាស់ បេះដូងពេញសិទ្ធិ ។ ចាប់តាំងពីនាង បានកាត់ផ្តាច់ ចំណងស្នេហ៍ចាស់ដាច់ស្រឡះ ហើយថាមិនត្រូវ សង្សារថ្មីរបស់នាងអាច នឹងជួយជ្រោងនាង ឲ្យក្លាយជាលោកជំទាវវ័យក្មេង នៅក្នុងពេលឆាប់ៗនេះផង ក៏មិនដឹង ។</p>
<p>គេហទំព័រ LookingTODAY បានព្យាយាមទាក់ទងទៅ កញ្ញា សន នាងផល្លីកា តាមប្រព័ន្ធទូរស័ព្ទ 069 ដែលនាងធ្លាប់ប្រើ តែមិនអាចទាក់ទងបាន នៅថ្ងៃទី១៣ ខែមីនា ឆ្នាំ២០១៤នេះ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-098/S_0212.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-098/S_0213.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-098/S_0214.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-098/S_0215.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-098/S_0216.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/28494------vj-.html" target="_blank">ផ្តល់សិទ្ធដោយ ៖ ដើមអម្ពិល</a></p>