<div class="article-content">
<p><strong>ភ្នំពេញ៖</strong> មន្រ្តីអាវុធហត្ថម្នាក់ បម្រើការងារ នៅខេត្តតាកែវ (បញ្ជាក់តាមកាត នៅក្នុងរថយន្ត ) ត្រូវ<br />បានកម្លាំង នគរបាល ប៉ុស្តិ៍បឹងព្រលិត ខណ្ឌ៧មករា ចាប់ខ្លួននៅវេលាម៉ោង ប្រមាណ ៩៖៣០នាទី<br />យប់ ថ្ងៃទី២៩ ខែកញ្ញា ឆ្នាំ២០១៣នេះ ក្រោយពីមានព័ត៌មានថា មន្រ្តីអាវុធហត្ថរូបនេះ បានសម្លុត<br />ដក កាំភ្លើងភ្ជង់ បុរសរត់ម៉ូតូឌុបម្នាក់ ដោយសារតែ<strong> </strong>មន្រ្តីអាវុធហត្ថរូបនេះ បានខឹងនឹងអ្នករត់ម៉ូតូឌុប<br /> ជូនមិត្តភក្តិរបស់ខ្លួន ឡើងរថយន្តក្រុងទៅខេត្តសៀមរាប យឺតពេក ។</p>
<p>សាក្សីនៅកន្លែងកើតហេតុ បានឲ្យដឹងថា នៅវេលាម៉ោងខាងលើ មានការភ្ញាក់ផ្អើលមួយ នៅមុខ<br />បេនរថយន្តក្រុង កាំពីតូល មុខផ្សារអូរឫស្សី នៅពេលដែល មន្រ្តីអាវុធរូបនេះ មានជម្លោះជាមួយ <br />បុរសរត់ម៉ូតូឌុប រហូតដល់ប្រើពាក្យដក កាំភ្លើងភ្ជង់ ។</p>
<p>បើតាមប្រជាពលរដ្ឋ នៅទីនោះ បានបន្តថា មុនពេលកើតហេតុ គេឃើញមន្រ្តីអាវុធហត្ថឈ្មោះ ជុំ <br />ម៉ៅ បម្រើការងារ នៅខេត្តតាកែវ បើករថយន្តម៉ាកឆ្លាមពណ៌ស្ករ ពាក់ស្លាកលេខ ភ្នំពេញ 2O-0943 <br />បានធ្វើដំណើរ តាមផ្លូវលេខ ១៨២ ហើយមានជម្លោះពាក្យសម្តី ជាមួយ អ្នកជិះរត់ម៉ូតូឌុប ម៉ាកសេ<br />១២៥ មួយគ្រឿង រហូតដល់ប្រើពាក្យ ដកកាំភ្លើងភ្ជង់ តែពុំឃើញមានកាំភ្លើងនោះទេ ទើបបង្កឲ្យ<br />មានការភ្ញាក់ផ្អើល ដល់សមត្ថកិច្ច មូលដ្ឋាន ចុះមកឃាត់ខ្លួនតែម្តង។</p>
<p>ជុំវិញករណីនេះអធិការនគរបាល ខណ្ឌ៧មករា លោក យិន សាន បានថ្លែងឲ្យដឹងថា ក្រោយទទួល<br />ព័ត៌មាននេះ លោកបានបញ្ជាឲ្យកម្លាំងនគរបាល ប៉ុស្តិ៍បឹងព្រលិត ចុះទៅដល់កន្លែង កើតហេតុ ដើម្បី<br />ឃាត់ខ្លួនជនសង្ស័យទាំងពីរនាក់ យកទៅសួរនាំ ។</p>
<p>លោក យិន សាន បានបន្តថា ក្រោយពីការសួរនាំ ទើបដឹងថា តាមពិតគ្រាន់តែការ ប្រើពាក្យសម្តី<br />សម្លុត ដកកាំភ្លើងភ្ជង់នោះទេ តាមពិតពុំមានកាំភ្លើងឡើយ ។ ក្រោយការសួរនំា និងធ្វើកំណត់ហេតុ<br />រួច ពួកគេទាំងពីរនាក់ ត្រូវបានបញ្ជូនទៅឲ្យមន្រ្តីអាវុធហត្ថ ខណ្ឌ៧មករា ដើម្បីសួរនាំបន្តទៀត៕</p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0127.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0128.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0129.jpg" alt="Photo by DAP-NEWS" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>