<p>ក្លាយជាមហាសេដ្ឋី បន្ទាប់ពីលក់ក្រុមហ៊ុនរបស់ខ្លួន ទៅឱ្យ Facebook ប៉ុន្ដែ មានមនុស្សតិច<br />ណាស់ដែលដឹងថា ប៉ុន្មានទសវត្សមុននេះ សហស្ថាបនិករបស់ Whatsapp លោក Jan Koum <br />និងគ្រួសារ ធ្លាប់រស់នៅក្នុងស្ថានភាពក្រតោកយ៉ាក ទទួលប័ណ្ណបើកអាហារប្រចាំថ្ងៃ។<br /> <br />ក្រុមអ្នកជំនួញអន្ដរជាតិ កំពុងមានការភ្ញាក់ផ្អើល ដោយសារ Facebook បានប្រកាសទិញយក<br />ក្រុមហ៊ុនផ្គត់ផ្គង់សបវ៉ែរ OTT – Whatsapp ក្នុងតម្លៃ ១៦ពាន់លានដុល្លារ (៤ពានលានដុល្លារ ជា<br />ប្រាក់សុទ្ធ និង ១២ពាន់លាន ជាភាគហ៊ុន ក្នុងក្រុមហ៊ុន Facebook) ។ ក្រៅពីនេះ បន្ទាប់ពីការ<br />ទិញដូរនេះ បានសម្រេចរួចរាល់ មហាសេដ្ឋី Mark Zuckerberg នឹងផ្ដល់ជូន ភាគហ៊ុនដែលមាន<br />តម្លៃ ៣ពាន់លានដុល្លារបន្ថែមទៀត ដល់ស្ថាបនិក និងបុគ្គលិករបស់ Whatsapp ។</p>
<p style="text-align: center;"><a class="thickbox" title="" href="/FileManager/Commons/2014/2/22/what-22-02-2014--21-45-44.jpg"><img src="/FileManager/Articles/mce/2014/2/22/what-22-02-2014--21-45-44.jpg" alt="" /></a></p>
<p><br />នេះមិនមែនជារឿងជំនួញជោគជ័យដ៏គួរឱ្យភ្ញាក់ផ្អើលរបស់ក្រុមហ៊ុន ដែលមានបុគ្គលិក ៥៥រូប<br /> Whatsapp នេះទេ សម្រាប់សហស្ថាបនិក Jan Koum នេះគឺជាការធ្វើមានដ៏អស្ចារ្យមួយ។<br /><br />ទស្សនាវដ្ដី Forbes បានគន់គូរឃើញថា Jan Koum កាន់កាប់ភាគហ៊ុន ចំនួន ៤៥% ក្នុងក្រុមហ៊ុន<br />នេះ ចំណែកសហស្ថាបនិក Brian Acton កាន់កាប់ ២០% ។ ក្រោយពីបានលក់ Whatsapp ទៅឱ្យ<br /> Facebook លោក Jan Koum ក្លាយជាមហាសេដ្ឋី ដោយទទួលបានប្រាក់ ៦,៨ពាន់លានដុល្លារ រីឯ<br /> Acton យ៉ាងហោចក៏បាន ៣ពាន់លានដុល្លារ។</p>
<p>សហស្ថាបនិករបស់ WhatsApp លោក Jan Koum ឆ្នាំនេះ មានអាយុ ៣៧ឆ្នាំ កើតនៅក្នុងប្រទេស<br />អ៊ុយក្រែន ក្នុងគ្រួសារក្រីក្រមួយ សូម្បីតែភ្លើងក៏មិនមានប្រើ។ អាយុ ១៦ឆ្នាំ គ្រួសាររបស់គាត់ <br />បានទៅរស់នៅក្នុងប្រទេសអាមេរិក និងបានឆ្លងកាត់ការលំបាកនៅទីនេះ នៅពេលដែលជីវភាព<br />របស់គ្រួសារ រំពឹងទៅលើប័ណ្ណបើកអាហារសម្រាប់អ្នកក្រីក្រ គ្មានលទ្ធភាពទិញអាហារ។<br /><br />ក្រុមគ្រួសាររបស់ Jan Koum ត្រូវស៊ីឈ្នួលអ្នកជិតខាង ដូចជាមើលថែក្មេង បោសសម្អាតហាង<br />លក់បន្លែផ្លែឈើជាដើម។ ចំណែកការសិក្សារបស់ Jan Koum វិញ គឺរំពឹងទៅលើតែសៀវភៅ និង<br />សម្ភារៈសិក្សា ដែលយកមកតាមខ្លួន ពីប្រទេសកំណើត។<br /><br />អាយុ ១៨ឆ្នាំ Jan Koum នៅតែមិនទាន់ស្និទ្ធស្នាលជាមួយមិត្តរួមថ្នាក់ ប៉ុន្ដែគាត់មានមិត្តដ៏ល្អម្នាក់ <br />នោះគឺកុំព្យូទ័រចាស់មួយគ្រឿង ដែលទិញតពីបណ្ណាគារមួយ។ Jan Koum បានចូលរួមជាមួយក្រុម<br /> hacker (ក្រុមអ្នកជំនាញផ្នែកព័ត៌មានវិទ្យា) ដើម្បីស្វែងយល់អំពីពិភពអ៊ីនធើរណិត និងបានស្គាល់<br />មនុស្សជាច្រើន ដែលក្រោយមកពួកគេ សុទ្ធសឹងតែជាអ្នកមានកេរ្តិ៍ឈ្មោះ ដូចជា Napster ជា<br />ដើម។</p>
<p>Koum ធ្លាប់ធ្វើការក្រៅម៉ោង ឱ្យក្រុមហ៊ុន Ernst & Young ហើយក្រោយមក ធ្វើជាវិស្វករជាន់ទាប<br />ឱ្យក្រុមហ៊ុន Yahoo ដែលបន្ទាប់មក គាត់បានសម្រេចចិត្តឈប់រៀន។ ម្ដាយរបស់ Koum បានស្លាប់<br />ដោយសារជម្ងឺមហារីក កាលពីឆ្នាំ ២០០០ បន្ទាប់ពីការស្លាប់របស់ពុក បានបីឆ្នាំ។ មិត្តរបស់ Koum <br />គឺលោក Brian Action បានជួយដល់ Koum ក្នុងដំណាក់កាលលំបាកនេះ។<br /><br />រយៈពេល ៩ឆ្នាំ ធ្វើការឱ្យ Yahoo លោក Koum សន្សំបាន ៤០០,០០០ដុល្លារ ចំណែក Action <br />ខាតបង់រាប់លានដុល្លារ នៅពេលវិនិយោគទៅលើក្រុមហ៊ុនបច្ចេកវិទ្យា។ ឆ្នាំ ២០០៧ អ្នកទាំងពីរ <br />បានចាកចេញពីក្រុមហ៊ុន Yahoo ហើយបានចំណាយពេល ១ឆ្នាំ ដើរទេសចរណ៍ជាមួយគ្នា <br />បន្ទាប់មកក៏បានដាក់ពាក្យសុំធ្វើការឱ្យ Facebook ប៉ុន្ដែ អ្នកទាំងពីរ ត្រូវគេបដិសេធ។<br /><br />មកដល់ឆ្នាំ ២០០៩ Koum បានទិញទូរស័ព្ទ iPhone មួយគ្រឿង ហើយបានដឹងថា ឃ្លាងកម្មវិធី <br />App Store (ពេលនោះ បង្កើតឡើង បាន ៧ខែ) អាចជាកន្លែងល្អសម្រាប់ការរកប្រាក់។<br /> <br />ក្រោយរយៈពេលមួយឆ្នាំ Koum ក៏សម្រេចចិត្ត បង្កើតក្រុមហ៊ុន Whatsapp Inc ដោយមានកម្មវិធី<br />ផ្ញើសារដោយឥតគិតថ្លៃ សម្រាប់ប្រព័ន្ធចល័ត Whatsapp ។ ពេលនោះ Whatsapp ហាក់ដូចជា<br />កម្មវិធីតែមួយគត់ ដែលអនុញ្ញាតឱ្យអ្នកប្រើប្រាស់ ប្រើលេខទូរស័ព្ទរបស់ខ្លួន ដើម្បីផ្ញើសារ ដោយ<br />ឥតគិតថ្លៃ ដូច្នេះ វាមានការទាក់ទាញជាខ្លាំង។ Brian Action ក៏បានចូលរួម បន្ទាប់ពីក្រុមហ៊ុនត្រូវ<br />បង្កើត បាន៩ខែ។ អ្នកទាំងពីរ ប្រមូលបានទុន ២៥០,០០០ដុល្លារ ពីមិត្តភ័ក្ដិ ៥នាក់ផ្សេងទៀត។<br /><br />Koum និង Acton បានធ្វើការដោយមិនគិតប្រាក់ខែ អស់រយៈពេលច្រើនឆ្នាំ។ ក្រោយមក Whats<br />App ក៏បានទទួលការងារផ្នែកបន្ទាន់សម័យសបវ៉ែរ ឱ្យ iPhone (មុខងារផ្ញើរូបថត)។ កម្មវិធីនេះ<br /> ទាក់ទាញ<br />អ្នកប្រើបានយ៉ាងច្រើន បើទោះត្រូវបង់ប្រាក់ ១ដុល្លារ។<br /><br />ដើមឆ្នាំ ២០១១ WhatsApp បានលោតចូលក្នុង Top ២០ នៃកម្មវិធីទូរស័ព្ទដែលត្រូវបានគេទាញ<br />យកច្រើនបំផុត នៅក្នុង Apple Store នៅអាមេរិក។ ខែកុម្ភៈ ឆ្នាំ ២០១៣ Brian Action និង Jan<br /> Koum សម្រេចចិត្តស្វែងរកទុនលើកទីពីរ ហើយប្រមូលបាន ៥០លានដុល្លារ ធ្វើឱ្យតម្លៃរបស់ <br />Whatsapp ឡើងដល់ ១,៥ពាន់លានដុល្លារ។<br /><br />នៅពេលមានប្រាក់ អ្នកទាំងពីរ ក៏បានជួលអាគារមួយកម្ពស់បីជាន់ សម្រាប់បុគ្គលិកធ្វើការ ហើយ<br />គ្រោងនឹងបន្ថែមបុគ្គលិក ពី ៥៥នាក់ ឡើង ១០០នាក់។ មកដល់ខែកុម្ភៈ ឆ្នាំ ២០១៤ Whatsapp<br /> បានធ្វើឱ្យកក្រើកពិភពបច្ចេកវិទ្យា នៅពេលត្រូវបាន Facebook ទិញយក ក្នុងតម្លៃ ១៩ពាន់លាន<br />ដុល្លារអាមេរិក៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Forbes<br /><br /></p>