<p>បើតាមប្រភពសារព័ត៌មានបរទេស ដែលបានចេញផ្សាយកាលពីពេលថ្មីៗនេះ បានអោយដឹងថា<br /> វាគឺជារឿងប្លែក ហើយរន្ធត់មួយ ខណៈពេលដែលមានបុរសជនជាតិអាមេរិកម្នាក់ដែលមានឈ្មោះ<br />ថា Gregg Valentino មានសាច់ដុំដើមដៃធំជាងគេបង្អស់លើលោក គឺមានដើមដៃម្ខាងៗ មានទំហំ<br />ដល់ទៅ 28.3 inches ដែលមើលទៅដើមដៃនីមួយៗ ហាក់ដូចជាមានបាល់នៅក្នុងនោះអញ្ជឹងដែរ។</p>
<p><a class="thickbox" title="" href="/FileManager/Commons/2012/7/30/muscle13-30-07-2012--09-26-21.jpg"><img src="/FileManager/Articles/mce/2012/7/30/muscle13-30-07-2012--09-26-21.jpg" alt="" width="497" height="366" /></a></p>
<p>គួរបញ្ជាក់ផងដែរថា បុរសវ័យ 51 ឆ្នាំរូបនេះ បានចាប់ផ្តើមធ្វើលំហាត់ប្រាណ ដើម្បីអោយមានសុខ<br />ភាពល្អ ក៏ដូចជាឡើងសាច់ដុំនៅលើរាងកាយចាប់តាំងពីឆ្នាំ 1972 មកម៉្លេះ។ ខណៈពេលនោះសាច់<br />ដុំដើមដៃរបស់គាត់មានទំហំ 20.9 inches រួចទៅហើយ តែគាត់នៅតែគិតថា វាមិនទាន់គ្រប់គ្រាន់<br />នោះទេ។ លោក Valentino មានកំពស់ត្រឹមតែ 1,65 ម៉ែត្រតែប៉ុណ្ណោះ ហើយលោកក៏បានបញ្ជាក់<br />ប្រាប់ដល់ភ្នាក់ងារសារព័ត៌មាន T Nation កាលពីឆ្នាំ 2002 ផងដែរថា ប្រសិនណាបើកំពស់របស់<br />គាត់មិនមានការលូតលាស់នោះទេ នោះគាត់នឹងព្យាយាមធ្វើយ៉ាងណាអោយរូបរាងរបស់គាត់មើល<br />ទៅមានលក្ខណៈខុសប្លែកពីគេ។</p>
<p>គួររំឮកផងដែរថា បុរសម្នាក់នេះបានបញ្ជាក់ គាត់នឹងធ្វើអោយសាច់ដុំរបស់គាត់កាន់តែធំឡើងតាម<br />តែអាចធ្វើទៅបាន។ តែអ្វីដែលធ្វើអោយមិត្តភក្តិរបស់គាត់មានភាពផ្ញាក់ផ្អើលនោះ គឺនៅពេលដែល<br />គាត់មានវ័យ 36 ឆ្នាំ ដែលនៅពេលនោះគាត់មិនត្រឹមតែធ្វើលំហាត់ប្រាណ ដើម្បីអោយសាច់ដុំដើម<br />ដៃរបស់គាត់ធំតែប៉ុណ្ណោះទេ តែគាត់ក៏បានទទួលយកការចាក់ថ្នាំចូលទៅក្នុងដើមដៃរបស់គាត់ផង<br />ដែរ។</p>
<p><a class="thickbox" title="" href="/FileManager/Commons/2012/7/30/greggvalentino-30-07-2012--09-27-25.jpg"><img src="/FileManager/Articles/mce/2012/7/30/greggvalentino-30-07-2012--09-27-25.jpg" alt="" width="497" height="323" /></a></p>
<p>លុះក្រោយមក គាត់ក៏មានការធ្វេសប្រហែស តាមរយៈការចាក់ថ្នាំនេះ ដោយគាត់បានប្រើម្ជុល<br />ចាស់ក៏ដូចជាកខ្វក់ផងដែរ ដែលនេះជាមូលហេតុធ្វើអោយធ្វើអោយមេរោគឆ្លង ។ មិនបានប៉ុន្មាន <br />ដើមដៃខាងឆ្វេងរបស់គាត់ ក៏បានចាប់ផ្តើមធំឡើងៗ ខណៈពេលដែលឈាមបានមកប្រមូលផ្តុំតាម<br />សរសៃខាងក្រៅសាច់ដុំទៅវិញ ដែលជាហេតុធ្វើអោយដើមដៃរបស់គាត់ពីរឹងកា្លយទៅជារាវហើយ<br />គាត់ក៏បានសំរេចចិត្តក្នុងការបង្ហូរវាចេញដោយខ្លួនឯង ។</p>
<p>តែអ្វីដែលគាត់បានធ្វើការសំរេចចិត្តដោយឯកឯងនោះ មិនទទួលបានផលអ្វីនោះទេ ដែលក្រោយ<br />មកគាត់ក៏បានត្រូវបញ្ជូនទៅកាន់មន្ទីរពេទ្យ ដើម្បីធ្វើការវះកាត់ ជាលទ្ធផល ដើមដៃរបស់គាត់ត្រូវ<br />បានវះកាត់ដោយបន្សល់ស្លាកស្មាម ស្របពេលដែលមើលទៅខូចទ្រង់ទ្រាយដើមទាំងស្រុង ។ ជា<br />ចុងបញ្ចប់បុរសម្នាក់នេះ ក៏បានសារភាពផងដែរថា ៖ អ្វីដែលគាត់បានធ្វើកន្លងមក ពិតជាល្ងីល្ងើមែន<br />ទែន៕</p>
<p style="text-align: right;">ដោយ ៖ រិទ្ធី<br />ប្រភព ៖ yourhealth</p>