<p>នៅក្នុងវ័យ ៣០ឆ្នាំ Bill Gates បានបង្កើតអាណាចក្រសបវ៉ែរ ចំណែក Zuckerberg រួមនឹងក្រុម<br />មិត្តភ័ក្ដិ ក៏បង្កើតបានបណ្ដាញសង្គម Facebook ដែលធំបំផុតក្នុងពិភពលោក និងមានទ្រព្យរាប់<br />ពាន់លានដុល្លារ។</p>
<p style="text-align: center;"><a class="thickbox" title="" href="/FileManager/Commons/2014/5/24/bill5-24-05-2014--11-52-54.jpg"><img src="/FileManager/Articles/mce/2014/5/24/bill5-24-05-2014--11-52-54.jpg" alt="" /></a></p>
<p>Mark Zuckerberg ដែលជា CEO របស់ Facebook ទើបតែបានឈានចូលដល់វ័យ ៣០ឆ្នាំ កាល<br />ពីថ្ងៃទី ១៤ឧសភា ឆ្នាំ ២០១៤។ ដើម្បីរំលឹកដល់ថ្ងៃកំណើតរបស់ Mark Zuckerberg ទំព័រ San <br />Francisco Gate បានធ្វើការប្រៀបធៀបអំពីជីវិត និងស្នាដៃរបស់ Zuckerberg ជាមួយនឹងស្ថាប<br />និករបស់ Microsoft លោក Bill Gates នៅពេលពួកគេមានអាយុ ៣០ឆ្នាំ។ Gates មានអាយុ ៣០<br />ឆ្នាំ កាលពីថ្ងៃទី ២៨ តុលា ឆ្នាំ ១៩៨៥ ។<br /> <br />Gates ជាសហស្ថាបនិក របស់ Microsoft នៅពេលមានអាយុ ២០ឆ្នាំ ចំណែក Zuckerberg រួម<br />នឹងមិត្តភ័ក្ដិ បង្កើត Facebook នៅក្នុងវ័យ ១៩ឆ្នាំ។ អ្នកទាំង ២ សុទ្ធតែរក្សាតំណែងជា CEO <br />រហូតដល់វ័យ ៣០ឆ្នាំ។ ពួកគេ ក៏សុទ្ធតែជាសិស្សដែលបានបោះបង់ការសិក្សា នៅ Harvard <br />ដើម្បីផ្ដោតលើមុខរបររបស់ខ្លួន។<br /><br />Gates ត្រូវបានទស្សនាវដ្ដី Good Housekeeping ជ្រើសរើសជាមនុស្សម្នាក់ ក្នុងចំណោម មនុស្ស<br />នៅលីវ ៥០នាក់ ដែលមានតម្លៃបំផុត ក្នុងវ័យ ២៩ឆ្នាំ។ ក្រោយមក អាយុ ៣៨ឆ្នាំ Gates បានរៀប<br />ការជាមួយ Melinda Frech ។ រីឯ Zuckerberg វិញ បានបញ្ចប់ភាពនៅលីវរបស់ខ្លួន ក្នុងវ័យ ២៨<br />ឆ្នាំ ដោយរៀបការជាមួយ Priscilla Chan។<br /> <br />Zuckerberg ក្លាយជាមហាសេដ្ឋី នៅវ័យ ២៣ឆ្នាំ ហើយទ្រព្យរបស់គាត់ បច្ចុប្បន្ន ឡើងដល់ ២៦,៣ <br />ពាន់លានដុល្លារអាមេរិក។ ចំណែក Gates មានទ្រព្យ ឡើងដល់រាប់ពាន់លានដុល្លារ ពេលមាន<br />អាយុ ៣១ឆ្នាំ ហើយបាននាំមុខគេ ក្នុងបញ្ជីបណ្ដាអ្នកមានបំផុតក្នុងលោក របស់ Forbes ចន្លោះ <br />ពីឆ្នាំ ១៩៩៥ ដល់ ២០០៧ ។ ក្រោយរយៈពេលប៉ុន្មានឆ្នាំ ដែលមហាសេដ្ឋី Carlos Slim របស់ម៉ិច<br />ស៊ិច ដណ្ដើមបានតំណែងនេះ ឆ្នាំនេះ មហាសេដ្ឋីរបស់ Microsoft ក៏ដណ្ដើមយកមកវិញ ដោយ<br />មានទ្រព្យសរុប ៧៧,៥ពាន់លានដុល្លារ។<br /> <br />នៅពេល Microsoft ចាប់ផ្ដើមធ្វើ IPO (ដាក់លក់ភាគហ៊ុន ក្នុងផ្សារមូលបត្រ) Gates មានអាយុ <br />៣០ឆ្នាំ។ Zuckerberg មានអាយុ ២៨ឆ្នាំ នៅពេល Facebook ចូលរួមផ្សារហ៊ុន។<br /> <br />Zuckerberg ត្រូវបានទស្សនាវដ្ដី Time ជ្រើសរើសជា បុគ្គលប្រចាំឆ្នាំ ២០១០ ក្នុងវ័យ ២៦ឆ្នាំ។ <br />ចំណែក Gates វិញ ត្រូវរង់ចាំដល់វ័យ ៥០ឆ្នាំ ទើបទទួលបានកិត្តិនាមនេះ ជាមួយនឹងប្រពន្ធ Bono <br />រួមនឹងក្រុមចម្រៀង U2 ។ <br /><br />នៅលើ Facebook លោក Zuckerberg មានអ្នកតាមដានច្រើន (២១,៦លាននាក់ ចូលចិត្ត)ជាង <br />ធៀបនឹង Gates (៩,៩លាននាក់) ប៉ុន្ដែ នៅលើទំព័រ Twitter របស់ Gates គឺមានអ្នកតាមដានរហូត<br />ដល់ ១៥,៩លាននាក់ ខណៈដែល Zuckerberg (បង្កើតគណនី ក្នុង ឆ្នាំ ២០១២) មានតែ ៣០៧.០០០<br />នាក់។</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ sfgate<br /><br /></p>