<div class="article-content">
<p><strong>ភ្នំពេញ ៖</strong> ថៅកែជនជាតិចិន ២នាក់ ដែលសមត្ថកិច្ចអះអាងថា ជាថៅកែរោង ចក្រកាត់ដេរ សម្លៀកបំពាក់យីហោ អិលស៊ី ត្រូវបានចាប់ខ្លួន ក្រោយពីពួកគេបាននាំគ្នា បើករថយន្ដ ប្រដាប់ ដោយពូថៅញញួរទៅ វាយទ្វាររោងចក្រ ប៉ុនប៉ងយកសម្ភារៈ និង ទ្រព្យសម្បត្ដិនៅខាងក្នុង រោងចក្រ ខណៈ ដែលបញ្ហា នៃការដោះស្រាយរវាងថៅកែ រោងចក្រ និងកម្មករ មិនទាន់ត្រូវបាន បញ្ចប់ នៅឡើយ ហើយគ្មានភាគីណាម្នាក់អាចទៅ ប៉ះពាល់សម្ភារៈ នៅខាងក្នុងរោងចក្របាន នោះទេ ។</p>
<p>ប្រភពព័ត៌មាន ពីសមត្ថកិច្ចខណ្ឌសែន សុខ បានឱ្យដឹងថា ករណីថៅកែជនជាតិចិន ទាំង ២នាក់ បានយកពូថៅ ញញួរទៅវាយ ទ្វាររោងចក្រប៉ុនប៉ងយកសម្ភារៈ និងទ្រព្យសម្បត្ដិ ពីក្នុងរោងចក្រ នោះបានបង្កឱ្យមាន ការភ្ញាក់ផ្អើល កាលពីវេលាម៉ោង ១២ និង ១៥នាទីយប់រំលងអាធ្រាត្រ ឈានចូលថ្ងៃ ទី០៣ ខែមករា ឆ្នាំ២០១៤ ស្ថិតនៅតាម បណ្ដោយផ្លូវ ១៩៨៦ សង្កាត់ភ្នំពេញថ្មី ខណ្ឌ សែនសុខ ។ យ៉ាងណាក៏ដោយ សមត្ថកិច្ច មិនទាន់បានបញ្ជាក់ ពីអត្ដសញ្ញាណថៅកែ ជនជាតិទាំង ២នាក់នៅឡើយទេ ហើយ បច្ចុប្បន្ន បាន និងកំពុងសួរនាំបន្ដនៅអធិ ការដ្ឋាន នគរបាលខណ្ឌសែនសុខ ដើម្បីដោះ ស្រាយបន្ដទៀត ៕</p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00062.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00063.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00064.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00065.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>