<p>យោងតាម The Atlantic អ្នករាល់គ្នាតែងតែត្រូវបានទាក់ទាញដោយរឿងរ៉ាវ និងភាពជោគជ័យ<br />របស់បណ្ដាមហាសេដ្ឋី ប៉ុន្ដែពួកគេបែរជាភ្លេចថា ក្នុងចំណោម សិស្សដែលបានបោះបង់ការសិក្សា<br />ចំនួន ៣០លាននាក់នៅអាមេរិក គឺមានអ្នកគ្មានការងារធ្វើ ធ្លាក់ក្នុងភាពក្រីក្រ និងជំពាក់បំណុល<br />គេ ខ្ពស់ជាង បើធៀបនឹងអ្នកដែលបានរៀនចប់មហាវិទ្យាល័យ។</p>
<p>នៅក្នុងពិភពលោក ឈ្មោះ Steve Jobs, Bill Gates, Mark Zuckerberg ឬ Micheal Dell បានធ្វើ<br />ឱ្យមនុស្សជាច្រើនយល់ថា ការបោះបង់សាលារៀន ដើម្បីបង្កើតមុខរបរ គឺជាផ្លូវកាត់ ឆ្ពោះទៅរក<br />ជោគជ័យ។ New York Times ធ្លាប់បានប្រដូចថា ការជឿជាក់នេះ បាននាំឱ្យកើតឡើងនូវ “តំបន់<br />ថ្មីមួយ ដើម្បីធ្វើមាន ធ្វើបាន”។</p>
<p style="text-align: center;"><a class="thickbox" title="" href="/FileManager/Commons/2014/10/24/mark-zuckerberg-steve-jobs-and-bill-gates-24-10-2014--14-57-17.jpg"><img src="/FileManager/Articles/mce/2014/10/24/mark-zuckerberg-steve-jobs-and-bill-gates-24-10-2014--14-57-17.jpg" alt="" /></a></p>
<p style="text-align: center;">លោក Mark Zuckerberg, Steve Jobs និង Bill Gates <br /><br /></p>
<p>នៅក្នុងបញ្ជីឈ្មោះ អ្នកមានចំនួន ៤០០នាក់ មានទ្រព្យច្រើនបំផុត នៅអាមេរិក របស់ Forbes <br />កាលពីឆ្នាំទៅ មាន ៦៣នាក់ មិនមានសញ្ញាបត្រមហាវិទ្យាល័យ។ គិតជាមធ្យម ពួកគេ មានទ្រព្យ<br /> ៩,៤ពាន់លានដុល្លារ គឺខ្ពស់ជាង ៣ដង ធៀបនឹងអ្នកមានសញ្ញាបត្របណ្ឌិត។</p>
<p>មហាសេដ្ឋីទាំងនេះ អាចត្រូវបានចែកជា ២ក្រុម ទី ១ គឺបោះបង់ការសិក្សា ដើម្បីតាមគំនិតជំនួញ<br /> ឬផលិតផលណាមួយ។ ពួកគេមានចក្ខុវិស័យច្បាស់លាស់ ទៅលើគម្រោងអនាគត ហើយមិនចង់<br />រង់ចាំរហូតដល់បញ្ចប់ការសិក្សា។ នៅក្នុងក្រុមទីមួយនេះ មហាសេដ្ឋី Mark Zuckerberg, Steve<br /> Jobs និង Bill Gates គឺជាបុគ្គលិកលេចធ្លោជាងគេ។</p>
<p>ក្រុមទី ២ គឺមានការខុសគ្នាទៅនឹងក្រុមទី ១ ដោយសារតែពួកគេមិនបានបោះបង់ការសិក្សាដើម្បី<br />ធ្វើជំនួញនោះទេ។ ឧទាហរណ៍ដូចជា មហាសេដ្ឋី សម្លៀកបំពាក់ Ralph Lauren ។ Ralph Lauren <br />ធ្លាប់រៀននៅមហាវិទ្យាល័យ ២ឆ្នាំ តែក៏បោះបង់សាលា ហើយចូលធ្វើទាហាន។ ក្រោយមក<br /> លោកក៏ទៅធ្វើជាជំនួយការឱ្យ Brooks Brothers មុននឹងលោក បង្កើតក្រុមហ៊ុនសម្លៀកបំពាក់ដូច<br />បច្ចុប្បន្ន។<br /><br />រឿងរ៉ាវទាំងឡាយខាងលើនេះ បានធ្វើឱ្យមនុស្សជាច្រើនយល់ថា កត្តាផ្សេងៗ អាចជំនួសសញ្ញា<br />បត្រ ដូច្នេះ ប្រសិនពួកគេធ្វើបាន ហេតុអ្វីខ្លួនធ្វើមិនបាន? ក៏ប៉ុន្ដែ The Atlantic យល់ថា អ្នករាល់<br />គ្នាបានកន្លងចោលនូវចំនុចលំអិតមួយ នោះគឺថា អ្នកដែលបានបោះបង់ការសិក្សា និងទទួល<br />ជោគជ័យ គឺជាបុគ្គលដែលឆ្នើមបំផុត។ ជោគជ័យរបស់ពួកគេ គឺយោងទៅលើសមត្ថភាពដែល<br />មាន កាលពីនៅរៀននៅមធ្យមសិក្សា។ ពួកគេមានវិធីសិក្សាដោយខ្លួន ចេះខ្ចីប្រាក់ធនាគារធ្វើទុន <br />ចេះគ្រប់គ្រងពេលវេលា និងគ្រប់គ្រងប្រាក់ដោយខ្លួនឯង។ ជាងនេះ ជួនកាល ពួកគេទទួលបានប្រយោជន៍ពីការដែលពួកគេមានទំនាក់ទំនងទូលំទូលាយ ជំនួយពីពុកម្ដាយ មិត្តភ័ក្ដិ ឬអ្នកជិត<br />ស្និទ្ធ។ល។</p>
<p>ការស្រាវជ្រាវរបស់ The Atlantic បង្ហាញថា ជនជាតិអាមេរិក ចំនួន ៣៤លាននាក់ ដែលមានអាយុ<br /> លើសពី ២៥ឆ្នាំ ធ្លាប់បានរៀនមហាវិទ្យាល័យ តែយកមិនបានសញ្ញាបត្រ។ ៧១% ក្នុងចំណោម<br />នេះមានលទ្ធភាពធ្លាក់ខ្លួនក្រ នឹងជំពាក់បំណុលខ្ពស់ជាង ៤ដង ធៀបនឹងមនុស្សដែលមានសញ្ញា<br />បត្រ។ ទន្ទឹមនឹងនេះ ពួកគេមិនត្រឹមតែមិនបានក្លាយជាសេដ្ឋីនោះទេ តែបែរជាមានប្រាក់ចំណូល<br />ទាបទៅវិញ។</p>
<p>ចំណែកអ្នកដែលបានរៀនចប់មហាវិទ្យាល័យ ពួកគេទទួលបានចំណេះដឹងច្រើន និងមានទំនាក់<br />ទំនងច្រើន ដើម្បីឈានទៅដល់ជោគជ័យ។ ការទទួលបានការអប់រំ ជួយឱ្យពួកគេប្ដូរផ្លាស់នូវ<br />ការយល់ឃើញ និងមានចក្ខុវិស័យទូលំទូលាយ៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ The Atlantic/Forbes<br /><br /></p>