<div class="article-content">
<p><strong>ភ្នំពេញ៖</strong> លោកទុយ មែន អាយុ ២០ឆ្នាំ ជាអ្នកកាសែត របស់មជ្ឈមណ្ឌល ព័ត៌មានដើម<br />អម្ពិល ប្រចាំខណ្ឌដង្កោ បានរងរបួស នៅលើផ្ទៃមុខ និង ជើងដោយសារ តែជនសង្ស័យ <br />ចំនួនពីរនាក់ ជាក្រុមចោរប្លន់ បានជិះម៉ូតូតាមពីក្រោយវាយ និង ដៃដើម្បីប្លន់ម៉ូតូ របស់<br />លោក ប៉ុន្តែដោយសារតែលោក ប្រតាយប្រតប់ទើបប្លន់ មិនបានសម្រេច។</p>
<p>ហេតុការណ៍ វាយនឹងដៃប៉ងប្លន់យកម៉ូតូម៉ាកស្តុបពី ពណ៍ស លាយផ្កាឈូកស៊េរី២០១៣<br />របស់ លោកទុយ មែន ខាងលើនេះ បានកើតឡើង កាលពីវេលា ម៉ោង៧:៣០នាទី យប់<br />ថ្ងៃទី១៧ ខែមីនា ឆ្នាំ២០១៣ ស្ថិតនៅ តាមផ្លូវ លេខ១៦៣ កែវផ្លូវលេខ៤៥០ ពោលហួស<br />ភ្លើងស្តុប ផ្សារទួលទំពូង ប្រហែល៣០០០ម៉ែត្រ ក្នុងសង្កាត់ទួលទំពូងទី១ ខណ្ឌចំការមន។</p>
<p>លោកទុយ មែន អ្នកយកព័ត៌មានរបស់មជ្ឈមណ្ឌល ព័ត៌មានដើមអម្ពិល ប្រចាំខណ្ឌដង្កោ<br /> បាននិយាយថា៖ ខណៈលោកកំពុង ជិះម៉ូតូតែម្នាក់ឯង តាមផ្លូវលេខ១៦៣ លោកមានការ<br />សង្ស័យពីព្រោះ មានជនសង្ស័យ ចំនួនពីរនាក់ អាយុជាង២០ឆ្នាំ ជិះម៉ូតូ សេ ១២៥ ស៊េរី <br />២០០៩ ពណ៌ខ្មៅ មួយគ្រឿង ពាក់ស្លាកលេខ ភ្នំពេញ 1AQ-0089 តាមលោកពីក្រោយ ។</p>
<p>នៅពេលឃើញដូច្នេះ លោក ទុយ មែន បានជិះម៉ូតូបម្រុងចូលផ្ទះ ដែលនៅជិតនោះ ក៏ប៉ុន្តែ<br />ជិះមិនទាន់ ស្រាប់តែជនសង្ស័យ ទាំងពីរនាក់នោះ បានមកឈប់ម៉ូតូ ហើយវាយ ដោយ<br />ទះកំផ្លៀង ប្រុងប្លន់យកម៉ូតូ ប៉ុន្តែដោយលោក ទុយ មែន វាយប្រតាយប្រតប់វិញ ទើប<br />ក្រុមចោរ ដែលម៉ូតូរបស់ពួកគេ បានជ្រុលទៅបុក រថយន្តកូរ៉ូឡាមួយគ្រឿង ផងនោះ<br /> បានគេចខ្លួនបាត់តែម្តង។</p>
<p>បើតាមលោក ទុយ មែន នៅពេលប្រតាយប្រតប់នោះ លោកបានរត់ចូលទៅដល់ក្នុងផ្សារ<br /> ទួលទំពូងទៀត ប៉ុន្តែជនសង្ស័យម្នាក់ រត់តាមពីក្រោយ ដើម្បីវាយថែមទៀត។ ដោយឃើញ<br /> ស្ថានភាពកាន់តែអាក្រក់ទៅ ទើបជនសង្ស័យទាំងពីរនាក់ បានឡើង លើម៉ូតូជិះគេចខ្លួន<br /> បាត់តែម្តង។ យ៉ាងណាក៏ដោយ ក្រោយពីមានហេតុការណ៍ តាមវាយប្លន់ម៉ូតូខាងលើនេះ <br />ស្នងការនគរបាល រាជធានីភ្នំពេញ លោកឧត្តមសេនីយ៍ ជួន សុវណ្ណ បានបញ្ជាឲ្យសមត្ថកិច្ច<br />ធ្វើការស្រាវជ្រាវ ជាបន្ទាន់ តាមស្វែងរកមុខសញ្ញាទាំងនេះ៕</p>
<p><a class="thickbox" title="" href="/FileManager/Commons/2013/3/18/1-18-03-2013--08-36-05.jpg"><img src="/FileManager/Articles/mce/2013/3/18/1-18-03-2013--08-36-05.jpg" alt="" width="456" height="297" /></a></p>
</div>
<div class="article-content" style="text-align: right;">ផ្តល់សិទ្ធិដោយ៖ ដើមអម្ពិល</div>