<p><span style="color: #000000;"><strong>(សេអ៊ូល)៖</strong> ក្រុមហ៊ុន Samsung Display ដែលទទួលបន្ទុក ខាងផ្នែកផលិតផ្ទាំងអេក្រង់ ត្រូវគេរាយកាណ៍ថា កិច្ចចុះហត្ថលេខាលើកិច្ចព្រមព្រៀង តម្លៃ៤.៣លានដុល្លារជាមួយក្រុមហ៊ុន Apple ដើម្បីធ្វើការផ្គត់ផ្គង់ផ្ទាំង អេក្រង់ប្រភេទ OLED ចំនួន៦០លានបន្ទះ សម្រាប់ទូរស័ព្ទដៃ iPhone ដែលនឹងចេញលក់ នៅក្នុងឆ្នាំ២០១៧នេះ ហើយនេះគឺជាកិច្ចព្រមព្រៀងទីពីរហើយ ដែលយើងបានដឹងរវាងក្រុម បច្ចេកវិទ្យាដ៏ល្បីបំផុត នៅលើពិភពលោកទាំងពីរនេះ ដោយកិច្ចព្រមព្រៀងលើកទី១ ក្នុងការផ្គត់ផ្គង់ផ្ទាំងអេក្រង់ OLED ចំនួន១០០លានបន្ទះ ត្រូវបានចុះហត្ថលេខា។ នេះបើតាមការដកស្រង់ការផ្សាយ ចេញពីគេហទំព័របច្ចេកវិទ្យា Tech 2 នៅព្រឹកថ្ងៃអង្គារ ទី១៤ ខែកុម្ភៈ ឆ្នាំ២០១៧។</span></p>
<p><span style="color: #000000;">ស្របពេលជាមួយគ្នា នាកន្លងទៅថ្មីៗនេះ មានពាក្យចចាមអារ៉ាមជាច្រើន បានលើកឡើងថា ក្រុមហ៊ុន Apple កំពុងរៀបចំគំរោងនឹងដាក់លក់ទូរស័ព្ទដៃ iPhone ស៊េរីថ្មីឆ្នាំ២០១៧ ដោយបំពាក់មកជាមួយនូវអេក្រង់ OLED។ ដោយឡែកពុំមានការបញ្ជាក់ណាមួយថា នឹងផ្គង់ផ្គង់ទៅឲ្យ iPhone ម៉ូដែលនោះឡើយ ប៉ុន្តែកិច្ចព្រមព្រៀងជាមួយ Samsung នេះបានឲ្យដឹងថា យ៉ាងហោចណាស់ក៏មួយម៉ូដែលដែរ នឹងប្រើប្រាស់អេក្រង់ OLED។</span></p>
<p><span style="color: #000000;">គួរបញ្ជាក់ថា យោងតាមការអះអាង ពីប្រភពជាច្រើន ក្រុមហ៊ុន Apple នឹងបញ្ចេញលក់ទូរស័ព្ទដៃ iPhone ដ៏ពិសេសហើយមានគុណភាព លំដាប់ខ្ពស់ (Premium) ដែលបំពាក់ដោយអេក្រង់ OLED មួយម៉ូដែល និងអាចនឹងមានតម្លៃរហូតដល់១០០០ដុល្លារ នៅសហរដ្ឋអាមេរិក។ ជាមួយគ្នានេះ អ្នកវិភាគក្រុមហ៊ុន Apple លោក Kuo Ming-Chi ក៏បានបង្ហើបអំពីអេក្រង់ OLED កោងនៅលើ iPhone ឆ្នាំ២០១៧ផងដែរ ដែលវាស្រដៀងគ្នា ទៅនឹងទូរស័ព្ទដៃ Galaxy S7 Edge របស់ក្រុមហ៊ុន Samsung៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/2/14/04b-14-02-2017--14-45-36.jpg"><img src="/FileManager/Articles/mce/2017/2/14/04b-14-02-2017--14-45-36.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>