<p><strong>ភ្នំពេញ ៖</strong> ក្រុមចោរប្រដាប់ដោយ កាំភ្លើងខ្លី ២នាក់ បានចូលទៅចាក់សាំង នៅស្ថានីយប្រេងឥន្ទនៈ មួយកន្លែង រួចហើយ មិនព្រមឲ្យលុយនោះទេ ស្រាប់តែដកកាំភ្លើងខ្លី ចេញពីចង្កេះ គំរាមបាញ់សម្លាប់បុគ្គលិក ចាក់សាំងថែមទៀតផង។</p>
<p>យោងតាមរយៈ ខ្សែវីដេអូមួយ ដែលត្រូវបានគេបង្ហោះ និងចែកចាញតៗគ្នា ពេញប្រព័ន្ធទំនាក់ទំនងសង្គម Facebook បានថតយ៉ាងច្បាស់ នូវសកម្មភាព នៃក្រុមចោរប្រដាប់ ដោយអាវុធ ២នាក់ ដោយម្នាក់នៅចាក់សាំង និងម្នាក់ផ្សេងទៀត ប្រហែលជាចូលបន្ទប់ទឹក នៅក្នុងស្ថានីយប្រេង។</p>
<p>ប្រភពខាងលើ បានឲ្យដឹងទៀតថា ហេតុការណ៍នេះ បានកើតឡើង នៅស្ថានីយប្រេងឥន្ទនៈ តេលាទួលគោក កាលពីថ្ងៃទី២៥ ខែតុលា ឆ្នាំ២០១៣កន្លងទៅ នៅវេលាម៉ោងជិត ៣ទាបភ្លឺ។</p>
<p>ទោះបីជាយ៉ាងណាក៏ដោយ នៅក្នុងខ្សែវីដេអូនេះ មិនបានបង្ហាញនូវការចាប់ខ្លួន ជនសង្ស័យទាំង ២នាក់នោះទេ ដោយពួកវាបានជិះ ម៉ូតូគេចខ្លួនបាត់ ដោយសុវត្ថិភាព៕</p>
<p style="text-align: center;"><object width="500" height="400" data="http://www.youtube.com/v/rkhCqhRrUKQ&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/rkhCqhRrUKQ&rel=1" /></object></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-065/PISETH-0455.jpg" alt="Looking Today" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/25055---video-inside.html"><span style="color: #0000ff;">ដើមអំពិល</span></a></p>