<p>ព័ត៌មានអន្តរជាតិ ៖ crowdfunding ឬមូលនិធិ ពីសាធារណៈជន គឺជា យុទ្ធនាការរៃអង្គាសប្រាក់ មួយដ៏មានប្រសិទ្ធភាព ក្នុងការគាំពារ កម្មវិធីសប្បុរសធម៌ណាមួយ ដែលត្រូវបានគេកំណត់ឡើង តួយ៉ាងនៅ ឯ ប្រទេស សឹង្ហបុរី ឯណោះវិញ យុទ្ធនាការស្រដៀងគ្នានេះ ក៏ត្រូវបានគេធ្លាប់ធ្វើឡើង តាមរយៈប្រព័ន្ធបច្ចេកវិទ្យា ដូចគ្នាដែរ ដែលគេអាចហៅបានថា បច្ចេកវិទ្យា Starts-up ស្របពេល ដែលប្រព័ន្ធ ប្រតិបត្តិការមួយនេះ គឺស្ថិតនៅក្រោម ដែនសមត្ថកិច្ច របស់រដ្ឋាភិបាល ។</p>
<p><a class="thickbox" title="" href="/FileManager/Commons/2014/6/3/09-03-06-2014--10-53-37.jpg"><img src="/FileManager/Articles/mce/2014/6/3/09-03-06-2014--10-53-37.jpg" alt="" /></a></p>
<p>យ៉ាងណាមិញ នាពេលថ្មីៗនេះ បើយោងតាមសេចក្តីរាយការណ៍ ព័ត៌មាន ពីគេហទំព័រ បរទេស ចេញផ្សាយ អោយដឹងថា លោក Roy Ngerng ជាបេក្ខភាព អ្នកបង្កើត ប្លុកមួយរូប ដែលត្រូវបានគេ ទទួលស្គាល់ រូបលោក ក្រោយពីមានរឿងអាស្រូវជាមួយនឹង បេក្ខភាព នាយករដ្ឋមន្រ្តី ប្រទេសនេះ គឺលោក Lee Hsien Loong ។ លោក Roy Ngerng ក៏បានបង្កើតយុទ្ធនាការ របស់ខ្លួន តាមរយៈ កម្មវិធីរៃអង្គាសប្រាក់ជាសាធារណៈ ដើម្បីធ្វើការគាំពារ បុព្វហេតុរបស់លោក ក្នុងការប្រឆាំង និង ធ្វើ ការតស៊ូក្តីជាមួយនឹង លោកនាយករដ្ឋមន្រ្តី ប្រទេស សឹង្ហបុរី Lee Hsien Loong ។</p>
<p>របាយការណ៍ បញ្ជាក់បានអោយដឹងថា មកទល់នឹងបច្ចុប្បន្នភាព ថ្ងៃ ២ ខែ មិថុនាម្សិលមិញនេះកម្ម វិធីរៃអង្គាសប្រាក់ របស់លោក Roy Ngerng បានប្រមូលបានប្រាក់ដល់ទៅ ៧២,០៤៣ ដុល្លារ សឹង្ហ បុរី ពោលលើលពីការរំពឹងទុក ថាអាចទទួលបានត្រឹមតែ ៧០,០០០ ដុល្លារ សឹង្ហបុរី ។</p>
<p>គួររំឭកថា រឿងអាស្រូវ ធ្វើអោយរស៊ើបដល់សង្គម សឹង្ហបុរីទាំងមូល រវាងបេក្ខភាព មនុស្សល្បីឈ្មោះ ទាំងពីរនាក់នេះ បានកើតឡើង កាលពីប៉ុន្មានសប្តាហ៍កន្លងទៅនេះ ពោល ក្រោយពី លោក Roy Ngerng បានដាក់ពាក្យចោទប្តឹងជាលើក ដំបូង ទៅលោកនាយករដ្ឋមន្រ្តី ប្រទេស សឹង្ហបុរី Lee Hsien Loong ពីការគេងបន្លំថវិការសន្សំរបស់ខ្លួន រកបានពីការបង្ហោះ ទំព័រ ប្លុក ពី ស្ថាប័ន ក៏ដូចជា មជ្ឈមណ្ឌលផ្តល់មូនិធិ Central Provident Fund (CPF) ។ ចាប់តាំងពីពេលនោះមក ករណីរឿងអា ស្រូវមួយនេះ បានក្លាយជាសារព័ត៌មាន ទំព័រមុខ រហូតមក ខណៈបានក្លាយជារឿង រស៊ើបមួយនៅ ក្នុងសង្គមមួយនេះ ។</p>
<p>គួរបញ្ជាក់ថា CPF គឺជាវិទ្យាស្ថាន គ្រប់គ្រងសុវត្ថិភាព ប្រាក់សន្សំ គ្រប់គ្រង ដោយរដ្ឋាភិបាល សឹង្ហ បុរី ធ្វើការជាពិសេស សម្រាប់ប្រាក់សន្សំ របស់ពលរដ្ឋប្រទេសមួួយនេះ ហើយអាចនឹងអនុញ្ញាត អោយដកសាច់ប្រាក់ទាំងនោះវិញ បើសិនពលរដ្ឋណាមួយ វ័យរបស់ពួកគេ ឈានដល់អត្រាជាក់ លាក់។ ខណៈពេលដែលថ្មីៗនេះ រដ្ឋាភិបាល បានសម្រេច កំណត់តម្លៃសាច់ប្រាក់ ដែលអាចដក បានទៅវិញ ក្នុងតម្លៃ ដល់ទៅ ១៥៥,០០០ ដុល្លារ សឹង្ហបុរី ជាចលករ ត្រូវជម្រុញអោយ ពលរដ្ឋទាំង អស់ត្រូវពន្យាពេលក្នុងការចូលអាយុនិវត្តន៍ ពោល ត្រូធ្វើការបន្ថែម ដើម្បីរកលុយបង្គ្រប់មុននឹង ធ្វើ ការដកចេញបាន ស្របពេលដែល ប្រធានបទ នេះ បានធ្វើអោយមានការផ្ទុះឡើង នូវភាពមិនពេញ ចិត្តនៅក្នុងប្រទេស ។</p>
<p>ប្រភពបន្តអោយដឹងថា ករណីរឿងដ៏រស៊ើប នៅក្នុងប្រទេស រវាងបេក្ខភាព ល្បីឈ្មោះទាំងពីរនាក់ លោក Roy Ngerng ជាអ្នកបង្កើត ប្លុក និង លោកនាយករដ្ឋមន្រ្តី ប្រទេស សឹង្ហបុរី Lee Hsien Loong ត្រូវបានគេមើលអោយឃើញថា មានការតាមដាន យ៉ាងយកចិត្តទុកដាក់ជាខ្លាំង ខណៈមាន ការប្តឹងផ្តល់ នឹងតស៊ូមតិ រហូតដល់ប្រព័ន្ធ តុលាការ ថែមទៀតផង ហើយអ្វីដែលជាដំណើរការប្រព្រឹ ត្តិទៅបាន ក្នុងរយៈពេលប៉ុន្មានសប្តាហ៍ចុងក្រោយនេះគឺថាក្រុមប្រជាពលរដ្ឋបានផ្អើលនាំគ្នាបរិច្ចាក ថវិការផ្ទាល់ខ្លួន គាំទ្រ ទៅនឹងមូលនិធិ លោក Roy Ngerng ដើម្បីធ្វើការប្រឆាំងទៅនឹងគោលការណ៍ រដ្ឋាភិបាល ដែលបានកំណត់ឡើង ស្តីពី គម្រោងសន្សំប្រាក់ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ techinasia</p>