<p>ព័ត៌មានអន្តរជាតិ ៖ ករណីចោទប្រកាន់ ថាបានប្រព្រឹត្តិអំពើ ពុករលួយ ពីសំណាក់ អតីតនាយក រដ្ឋមន្រ្តី ប្រទេសថៃ យីងឡាក់ ស៊ីណាវ៉ាត់ត្រា ក៏កំពុងតែស្ថិតនៅ ក្នុងសភាពចម្រូងចម្រាស់ នេះ បើយោងតាមការដកស្រង់ អត្តបទផ្សាយ ពីទំព័រសារព័ត៌មានបរទេស ប៊ីប៊ីស៊ី ។</p>
<p>សេចក្តីរាយការណ៍ ដកស្រង់ចេញពីប្រភព ខាងលើ បន្តអោយដឹងថាករណីចោទប្រកាន់ជាសារ ប្រឈមមុខ សម្រាប់បេក្ខភាព អតីតនាយករដ្ឋមន្រ្តីរូបនេះ នឹងត្រូវបានបោះឆ្នោត ដោយព្រឹទ្ធស ភា ។ ប្រសិនបើករណីចោទប្រកាន់មួយនេះ ពិតជាបានសម្រេច ជាផ្លូវការមែននោះ បេក្ខភាព អតីតនាយករដ្ឋមន្រ្តី លោកស្រី យីងឡាក់ នឹង ត្រូវហាមឃាត់ មិន អោយចូលឆាកនយោបាយ ក្នុងរយៈពេល ៥ ឆ្នាំ ។</p>
<p><a class="thickbox" title="" href="/FileManager/Commons/2014/5/9/yingluck-09-05-2014--09-18-11.jpg"><img src="/FileManager/Articles/mce/2014/5/9/yingluck-09-05-2014--09-18-11.jpg" alt="" /></a></p>
<p>គួរបញ្ជាក់ថា កាលពីរសៀលថ្ងៃពុធ កន្លងទៅនេះ រដ្ឋាភិបាល ចាំផ្ទះ របស់ប្រទេសថៃ ដោយនៅ ក្នុងនោះ រួមមានគណៈរដ្ឋមន្រ្តីផ្លូវការ ៩ រូប ក៏ដូចជា លោកស្រី យីងឡាក់ ត្រូវបានតុលាការរដ្ឋ ធម្មនុញ្ញប្រទេសថៃ បង្គាប់អោយចុះចេញពីតំណែង ខណៈរងនូវការចោទប្រកាន់ ពីបទរំលោភ បំពានអំណាច ក្នុងការតែងតាំង ប្រធានសន្តិសុខជាតិ ។</p>
<p>គួររំឭកថា ស្ថានភាពនយោបាយ នៅក្នុងប្រទេសថៃ បានចាប់ផ្តើម ជួបភាពចលាចល ចាប់តាំង ពីខែ វិច្ឆិកា ២០១៣ ក្រោយពីកើតមាន ករណីផ្ទុះការតវ៉ា ប្រឆាំងទៅនឹងរដ្ឋាភិបាល ខណៈពេល ដែល ការបោះឆ្នោត កាលពីអំឡុងខែ កុម្ភៈកន្លងទៅនេះ ត្រូវបានចាត់ទុកជាមោឃៈ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ប៊ីប៊ីស៊ី</p>